شہر قائد جھنگ میں شیخ الاسلام کی 69ویں سالگرہ کی تقریب
تحریک منہاج القرآن جھنگ کے زیراہتمام شہرقائد میں شیخ الاسلام ڈاکٹر محمد طاہرالقادری کی 69ویں سالگرہ کی تقریب مؤرخہ 27 فروری 2020ء کو جگر مارکی میں منعقد ہوئی۔ جس میں پاکستان عوامی تحریک کے مرکزی رہنما راجہ زاہد محمود، نائب ناظم اعلیٰ انجینئر محمد رفیق نجم، صدر منہاج القرآن یوتھ لیگ مظہر محمود علوی، پاکستان عوامی تحریک پنجاب کے صدر بشارت عزیز جسپال، میاں عبدالقادر، سجادہ نشین آستانہ عالیہ ماہنی شریف صاحبزادہ خواجہ سلیمان قمر قادری، صاحبزادہ محمد طاہر قادری، علامہ عبدالقدیر قادری اور ضلع جھنگ کے مشائخ و علماء کرام کی بڑی تعداد نے شرکت کی۔ تحریک منہاج القرآن جھنگ کے مقامی قائدین، کارکنان اور اہل علاقہ کے معززین بھی بڑی تعداد میں شریک ہوئے۔
اس موقع پر شیخ الاسلام ڈاکٹر محمد طاہرالقادری کو خراج تحسین پیش کرنے کیلئے ان کی 69ویں سالگرہ کی مناسبت سے تحریک منہاج القرآن کے 69 تاحیات اور 500 نئے رفقاء کا تحفہ پیش کیا گیا۔ تقریب کے آخر میں شیخ الاسلام کی سالگرہ کا کیک کاٹا گیا اور ان کی صحت و سلامتی کے لیے خصوصی دعا بھی کی گئی۔
تبصرہ