ملتان (بی): منہاج ویلفیئر فاؤنڈیشن کی جانب سے 300 مستحق گھرانوں میں راشن بیگز تقسیم

کورونا وائرس کے باعث موجودہ صورت حال نے غریب، متوسط اور دیہاڑی دار طبقے کو بہت زیادہ متاثر کیا ہے، روزانہ اجرت پر کام کرنے والوں کیلئے روزی روٹی کا بندوبست کرنا مشکل ہو گیا ہے، وہ سب گھروں میں قید ہو کر رہ گئے ہیں۔ ایسی صورت حال میں ہم سب کا دینی، ملی اور اخلاقی فریضہ ہے کہ ہم حسب استطاعت ان کی مدد کریں۔

قائد تحریک منہاج القرآن شیخ الاسلام ڈاکٹر محمد طاہرالقادری کی خصوصی ہدایت پر منہاج ویلفیئر فاؤنڈیشن اور تحریک منہاج القرآن کے دیگر فورمز ملک بھر میں مستحق گھرانوں تک راشن پیکج، ماسک اور سینیٹائزر پہنچا رہے ہیں۔ تحریک منہاج القرآن ضلع ملتان بی نے منہاج ویلفیئر فاؤنڈیشن کے پلیٹ فارم سے ضلعی سرپرست تحریک منہاج القرآن ملتان۔بی الحاج محمد شوکت ڈوگر کی سرپرستی میں ضلعی صدر محمد احسان مخدوم، پروفیسر جاوید اختر، چوھدری محمد ارشد اور دیگر کارکنانِ و ذمہ داران نے 300 ناداروں اور مساکین کی دہلیز پر راشن کے بیگز پہنچائے۔

تبصرہ

تلاش

ویڈیو

Ijazat Chains of Authority
Top