منہاج ویلفیئر فاؤنڈیشن پاکستان کی خبریں

منہاج ویلفیئر فاؤنڈیشن کا روجھان، بخشو مارکیٹ اور سیلہ تانی مارکیٹ میں متاثرین سیلاب کے لیے فری میڈیکل کیمپ

منہاج ویلفیئر فاؤنڈیشن کا روجھان، بخشو مارکیٹ اور سیلہ تانی مارکیٹ میں متاثرین سیلاب کے لیے فری میڈیکل کیمپ

منہاج ویلفیئر فاؤنڈیشن کے زیراہتمام جنوبی پنجاب کی تحصیل روجھان، بخشو مارکیٹ اور سیلہ تانی مارکیٹ میں متاثرین سیلاب کے لیے فری میڈیکل کیمپ کا انعقاد کیا گیا، کیمپ میں سینکڑوں مریضوں کا چیک اپ اور فری ادویات فراہم کی گئیں۔ اس موقع پر کیمپ میں زیادہ تر مریضوں میں گیسٹرو، جلدی امراض اور ملیریا کی تشخیص ہوئی۔ منہاج القرآن کا موبائل میڈیکل یونٹ بھی متاثرہ علاقوں میں کام کر رہا ہے، جہاں ماہر ڈاکٹروں کی نگرانی میں مریضوں کو باقاعدہ چیک اپ کیا جا رہا ہے۔

03 ستمبر 2022ء

منہاج یوتھ لیگ کے مرکزی صدر مظہر محمود علوی کا فلڈ ریلیف کیمپوں کا دورہ

منہاج یوتھ لیگ کے مرکزی صدر مظہر محمود علوی کا فلڈ ریلیف کیمپوں کا دورہ

منہاج یوتھ لیگ کے مرکزی صدر مظہر محمود علوی نے فیصل آباد اور دیگر شہروں میں منہاج ویلفیئر فاؤنڈیشن کے لگائے گئے کیمپس کا وزٹ کیا۔ اس موقع پر انہوں نے کیمپس میں منہاج ویلفیئر فاؤنڈیشن کے رضاکاران سے ملاقات بھی کی۔ انہوں نے رضاکاروں سے گفتگو کرتے ہوئے کہا کہ منہاج ویلیفئر فاؤنڈیشن ملک بھر میں سیلاب متاثرین کی مدد اور بحالی کے لیے مصروفِ عمل ہیں۔ ان شاء اللہ متاثرین کی بحالی تک یہ کام جاری رہے گا۔

03 ستمبر 2022ء

منہاج القرآن ویمن لیگ کی لیہ میں سیلاب متاثرین کیلئے امدادی سرگرمیاں

منہاج القرآن ویمن لیگ کی لیہ میں سیلاب متاثرین کیلئے امدادی سرگرمیاں

منہاج القرآن ویمن لیگ کی مرکزی ٹیم سیلاب متاثرین کی امداد کے ضلع لیہ پہنچ گئی، جہاں انہوں نے منہاج ویلفیئر فاؤنڈیشن کے زیراہتمام سیلاب متاثرین کے لیے امدادی سرگرمیوں میں حصہ لیا۔ اس موقع پر منہاج ویمن لیگ ٹیم کی طرف سے متاثرین میں امدادی سامان تقسیم کیا گیا۔

02 ستمبر 2022ء

منہاج القرآن وادی سون کیطرف سے سیلاب متاثرین کو امدادی سامان بھجوا دیا گیا

منہاج القرآن وادی سون کیطرف سے سیلاب متاثرین کو امدادی سامان بھجوا دیا گیا

منہاج ویلفئیر فاؤنڈیشن وادی سون کی طرف سے سیلاب متاثرین کے لیے 2 ٹرکوں پر مشتمل امدادی سامان جمع کیا گیا اور نائب ناظمِ اعلی انجینئر محمد رفیق نجم کی قیادت میں جنوبی پنجاب کے سیلاب سے متاثرہ اضلاع کے لیے روانہ کیا گیا۔ اس موقع پر انہوں نے کہا کہ منہاج القرآن کے زیراہتمام ملک کے 200 سے زائد مقامات پر امدادی کیمپس لگائے گئے، جن میں وادی سون بھی شامل ہے۔

02 ستمبر 2022ء

کشمور: منہاج ویلفیئر فاؤنڈیشن کے زیراہتمام سیلاب متاثرین میں راشن کی تقسیم

کشمور: منہاج ویلفیئر فاؤنڈیشن کے زیراہتمام سیلاب متاثرین میں راشن کی تقسیم

منہاج ویلفیئر فاؤنڈیشن کے زیراہتمام سندھ کے ضلع کشمور میں مرکزی صدر مصطفوی سٹوڈنٹس موومنٹ چوہدری عرفان یوسف نے متاثرین سیلاب سے راشن تقسیم کیا۔ اس موقع پر انہوں نے سیلاب سے متاثرہ درجنوں خاندانوں کو باقاعدہ رجسٹریشن کے عمل سے راشن دیا۔ منہاج ویلفیئر فاؤنڈیشن کے زیراہتمام ملک بھر میں 200 سے زائد امدادی کیمپ لگائے گئے ہیں۔

03 ستمبر 2022ء

خرم نواز گنڈاپور کا سیلاب سے متاثرہ اضلاع کا دورہ، متاثرینِ میں راشن اور امدادی پیکج تقسیم کیا

خرم نواز گنڈاپور کا سیلاب سے متاثرہ اضلاع کا دورہ، متاثرینِ میں راشن اور امدادی پیکج تقسیم کیا

ناظم اعلیٰ منہاج القرآن انٹرنیشنل خرم نواز گنڈاپور نے تونسہ شریف اور سیلاب سے متاثرہ دیگر اضلاع کا دورہ کیا، جہاں انہوں نے متاثرینِ سیلاب میں راشن اور ضروریات زندگی کی اشیاء تقسیم کیں۔ اس موقع پر راشن تقسیم کرنے کے بعد انہوں نے مقامی صحافیوں سے گفتگو کرتے ہوئے کہا کہ منہاج ویلفیئر فاؤنڈیشن کی طرف سے خیبرپختونخواہ کے 4 اضلاع، سندھ اور جنوبی پنجاب کے تین تین اضلاع میں امدادی سرگرمیاں جاری ہیں۔

03 ستمبر 2022ء

منہاج القرآن کے زیراہتمام لالیاں، کوٹلہ ارب علی خاں، جھنگ، مریدکے، چیچہ وطنی، شاہکوٹ، پاکپتن، سیالکوٹ، گجرات اور راہوالی میں امدادی کیمپ

منہاج القرآن کے زیراہتمام لالیاں، کوٹلہ ارب علی خاں، جھنگ، مریدکے، چیچہ وطنی، شاہکوٹ، پاکپتن، سیالکوٹ، گجرات اور راہوالی میں امدادی کیمپ

تحریک منہاج القرآن لاہور اور منہاج ویلفیئر فاؤنڈیشن کے زیراہتمام شمالی پنجاب کے مختلف شہروں لالیاں ضلع چنیوٹ، کوٹلہ ارب علی خاں ضلع گجرات، جھنگ، مریدکے، چیچہ وطنی ضلع ساہیوال، شاہکوٹ ننکانہ صاحب، پاکپتن، سیالکوٹ، گجرات، راہوالی ضلع گوجرانوالہ میں سیلاب متاثرین کے لیے امدادی کیمپ لگائے گئے ہیں۔ تحریک منہاج القرآن کے مقامی رہنماوں نے کیمپوں کا دورہ کیا، اس موقع پر انہوں نے کہا کہ بے گھر ہونے والے سیلاب متاثرین کی مدد اس وقت افضل ترین عمل اور کارِ خیر ہے۔

01 ستمبر 2022ء

منہاج القرآن لاہور کے زیراہتمام مختلف مقامات پر سیلاب متاثرین کے لیے امدادی کیمپ

منہاج القرآن لاہور کے زیراہتمام مختلف مقامات پر سیلاب متاثرین کے لیے امدادی کیمپ

منہاج القرآن لاہور اور منہاج ویلفیئر فاؤنڈیشن کے زیراہتمام لاہور بھر میں مختلف مقامات پر سیلاب متاثرین کے لیے امدادی کیمپ لگائے گئے ہیں۔ لاہور میں مین بولیوارڈ گلشن راوی، جوہرٹاؤن، مون مارکیٹ، پی پی 156، پی پی 152 ضلع نمبر3 اور پی پی 155جلو موڑ پر فلڈ ریلیف کیمپ قائم ہیں۔ اس موقع پر منہاج القرآن لاہور کے امیر رانا نفیس حسین قادری نے مختلف مقامات پر قائم کیمپوں کا دورہ کیا، انہوں نے گفتگو کرتے ہوئے کہا کہ بے گھر ہونے والے سیلاب متاثرین کی مدد اس وقت افضل ترین عمل اور کارِ خیر ہے۔

01 ستمبر 2022ء

منہاج القرآن کے زیراہتمام حافظ آباد میں سیلاب متاثرین کے لیے امدادی کیمپ

منہاج القرآن کے زیراہتمام حافظ آباد میں سیلاب متاثرین کے لیے امدادی کیمپ

منہاج القرآن حافظ آباد کے زیراہتمام سیلاب متاثرین کے لیے امدادی کیمپ لگایا گیا، جس میں سیلاب سے متاثرہ لوگوں کے لیے امدادی سامان جمع کیا جا رہا ہے۔ اس موقع پر منہاج القرآن حافظ آباد کے عہدیداروں نے گفتگو کرتے ہوئے کہا کہ بے گھر ہونے والے سیلاب متاثرین کی مدد اس وقت افضل ترین عمل اور کارِ خیر ہے۔ عطیات جمع کرنا اور پھر مستحقین تک پہنچانا اہم ترین ذمہ داری ہے۔ اس ذمہ داری کو تمام مصروفیات پر ترجیح دی جائے۔

01 ستمبر 2022ء

منہاج القرآن لاہور کا موبائل ہسپتال سیلاب سے متاثرہ علاقوں کیلئے روانہ، متاثرین کا مفت علاج ہو گا

منہاج القرآن لاہور کا موبائل ہسپتال سیلاب سے متاثرہ علاقوں کیلئے روانہ، متاثرین کا مفت علاج ہو گا

تحریک منہاج القرآن، منہاج ویلفیئر فاؤنڈیشن لاہور نے بارشوں اور سیلاب سے شدید متاثرہ علاقوں روجھان، فاضل پور، راجن پور، داجل یارو کھوسہ، ڈیرہ غازی خان، چوٹی اور تونسہ شریف میں ایک مکمل موبائل ہسپتال (موبائل میڈیکل وین) معہ ڈاکٹرز، پیرا میڈیکل سٹاف، لیب اور ادویات روانہ کر دی ہے۔ موبائل ہاسپتال متاثرین کا مکمل فری علاج کرے گا اور انہیں ادویات بھی مفت دی جائیں گی۔

31 اگست 2022ء

منہاج القرآن کے زیراہتمام شمالی پنجاب میں 50 سے زائد ریلیف کیمپ قائم، متاثرین کیلئے امدادی سرگرمیاں

منہاج القرآن کے زیراہتمام شمالی پنجاب میں 50 سے زائد ریلیف کیمپ قائم، متاثرین کیلئے امدادی سرگرمیاں

منہاج القرآن انٹرنیشنل کے نائب ناظم اعلیٰ کوآرڈینیشن انجینئر محمد رفیق نجم نے شمالی پنجاب میں قائم منہاج ویلفیئر فاؤنڈیشن کے ریلیف کیمپس کے نگرانوں سے گفتگو کرتے ہوئے کہا کہ بے گھر ہونے والے سیلاب متاثرین کی مدد اس وقت افضل ترین عمل اور کارِ خیر ہے۔ عطیات جمع کرنا اور پھر مستحقین تک پہنچانا اہم ترین ذمہ داری ہے۔ اس ذمہ داری کو تمام مصروفیات پر ترجیح دی جائے۔ انجینئر محمد رفیق نے بتایا کہ شمالی پنجاب میں 50 مقامات پر ریلیف کیمپ کام کررہے ہیں۔

30 اگست 2022ء

منہاج ویلفیئر فاؤنڈیشن اور ایم ایس ایم کے زیراہتمام میرپور آزاد کشمیر میں سیلاب زدگان کے لیے امدادی کیمپ

منہاج ویلفیئر فاؤنڈیشن اور ایم ایس ایم کے زیراہتمام میرپور آزاد کشمیر میں سیلاب زدگان کے لیے امدادی کیمپ

منہاج ویلفیئر فاؤنڈیشن اور مصطفوی سٹوڈنٹس موومنٹ کے زیراہتمام میرپور آزاد کشمیر میں سیلاب زدگان کے لیے امدادی کیمپ لگایا گیا، جس میں اہل علاقہ اور لوگوں نے اپنے صدقات و عطیات منہاج ویلفیئر فاؤنڈیشن کو جمع کرائے۔ منہاج القرآن کے زیراہتمام سیلاب سے متاثرہ علاقوں میں متاثرین کی مدد کے لیے ملک بھر میں امدادی کیمپ لگائے گئے ہیں۔

30 اگست 2022ء

سیالکوٹ، گوجرانوالہ، حافظ آباد، پنڈی گھیپ، جنگ باہتر، چوٹالہ، کلہر کہار، کلور کوٹ اور سرگودھا میں منہاج ویلفیئر فاؤنڈیشن کے سیلاب متاثرین

سیالکوٹ، گوجرانوالہ، حافظ آباد، پنڈی گھیپ، جنگ باہتر، چوٹالہ، کلہر کہار، کلور کوٹ اور سرگودھا میں منہاج ویلفیئر فاؤنڈیشن کے سیلاب متاثرین

منہاج ویلفیئر فاؤنڈیشن کے زیراہتمام سیالکوٹ، کلہر کہار، کلور کوٹ اور سرگودھا میں سیلاب متاثرین کے لیے امدادی کیمپ لگائے گئے ہیں۔ ان کیمپس میں منہاج القرآن کے کارکن اور منہاج ویلفیئر فاؤنڈیشن کے رضاکار ذمہ داریاں سر انجام دے رہے ہیں۔ مختلف شہروں اور علاقوں میں قائم کیمپس میں سیلاب متاثرین کے لیے امدادی سامان، راشن اور ضروریات زندگی کی اشیاء جمع کی جا رہی ہیں، جنہیں متاثرین تک پہنچایا جائے گا۔

29 اگست 2022ء

منہاج ویلفیئر فاؤنڈیشن گجرات کی جانب سے تونسہ شریف میں فری میڈیکل کیمپ

منہاج ویلفیئر فاؤنڈیشن گجرات کی جانب سے تونسہ شریف میں فری میڈیکل کیمپ

منہاج ویلفیئر فاؤنڈیشن گجرات کی جانب سے تونسہ شریف کی نواحی بستی لغاری میں متاثرین سیلاب کے لیے فری میڈیکل کیمپ لگایا گیا۔ کیمپ میں اہل علاقہ متاثرین سیلاب کا مفت چیک اپ کیا گیا اور انہیں ادویات بھی مفت فراہم کی گئیں۔ منہاج ویلفیئر فاؤنڈیشن پاکستان کے زیراہتمام سیلاب متاثرین کی بحالی کے لیے ملک کے مختلف شہروں میں امدادی کیمپس بھی لگائے گئے ہیں۔

29 اگست 2022ء

کراچی: منہاج ویلفیئر فاؤنڈیشن کے زیراہتمام سیلاب متاثرین کے لیے امدادی کیمپ

کراچی: منہاج ویلفیئر فاؤنڈیشن کے زیراہتمام سیلاب متاثرین کے لیے امدادی کیمپ

منہاج ویلفیئر فاؤنڈیشن کراچی کی جانب سے سیلاب زدگان کے لیے امدادی کیمپ لگایا گیا، جس میں عوام بڑی تعداد میں عطیات جمع کروا رہی ہے۔ سیلاب زدگان کی بحالی کے لیے منہاج ویلفیئر فاؤنڈیشن کے زیراہتمام ملک بھر میں مختلف مقامات پر کیمپس لگائے گئے ہیں، جہاں جمع شدہ اشیاء، راشن اور دیگر چیزوں کو متاثرین تک پہنچایا جائے گا۔

29 اگست 2022ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

Views of Dignitaries

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top