تحریک منہاج القرآن پاکستان کی خبریں

مٹیاری (سندھ): انٹرنیشنل مشائخ امن کانفرنس

مٹیاری (سندھ): انٹرنیشنل مشائخ امن کانفرنس

ڈاکٹر حسن محی الدین قادری نے امن کانفرنس سے خطاب کرتے ہوئے کہا کہ یہ وقت خانقاہوں سے نکل کر رسم شبیری ادا کرنے کا ہے، اگر مزید وقت ضائع کیا گیا تو دین دشمن قوتیں پہلے ہی اسلام کا پرامن چہرہ مسخ کرنے کے درپے ہیں۔ آج جو تصور دین پوری دنیا میں اور نوجوان نسل کے سامنے پیش کیا جا رہا ہے اس کا اسلامی تعلیمات سے کوئی تعلق نہیں، اسلام جبر کی تعلیم نہیں دیتا بلکہ کردار کے ذریعے دین کی تبلیغ کی تعلیم پر زور دیتا ہے۔

25 مارچ 2014ء

جہلم: پاکستان عوامی تحریک کے زیراہتمام پاکستان بچاؤ ریلی

جہلم: پاکستان عوامی تحریک کے زیراہتمام پاکستان بچاؤ ریلی

پاکستان عوامی تحریک تحصیل جہلم کے زیراہتمام پاکستان بچاؤ ریلی نکالی گئی جس میں سو سے زائد موٹر سائیکل سواروں نے شرکت کی۔ ریلی جادہ چوک سے شروع ہوئی اور اقبال لائبریری روڈ سے ہوتی ہوئی شاندار چوک پر اختتام پذیر ہوئی۔ ریلی میں یوتھ ونگ نے بھی بھرپور شرکت کی اور انتظامی امور بھی سنبھالے۔ اس موقع پر جناب غلام حیدر ایڈووکیٹ، رہنما پاکستان عوامی تحریک جہلم پروفیسر سلیم احمد چوہدری اور صدر پاکستان عوامی تحریک ضلع جہلم نے شرکاء سے خطاب کرتے ہوئے کہا کہ قائد اعظم محمد علی جناح کے پاکستان کا مقصد عوام کو یکساں حقوق اور انصاف کی فراہمی تھا۔

24 مارچ 2014ء

لاہور: کالج آف شریعہ اینڈ اسلامک سائنسز کے طلبہ کیلئے سوشل میڈیا ٹریننگ کیمپ

لاہور: کالج آف شریعہ اینڈ اسلامک سائنسز کے طلبہ کیلئے سوشل میڈیا ٹریننگ کیمپ

کالج آف شریعہ اینڈ اسلامک سائنسز اور منہاج انٹرنیٹ بیورو کے تعاون سے 24 مارچ 2014ء کو طلبہ کو جدید دور کے تقاضوں سے ہم آہنگ کرنے اور خاص طور پر سوشل میڈیا کے بہتر اور مثبت استعمال سے متعلق مفید معلومات پر مشتمل سوشل میڈیا ٹریننگ کیمپ کا انعقاد کیا گیا، جس میں ڈائریکٹر منہاج انٹرنیٹ بیورو عبدالستار منہاجین اور سوشل میڈیا ممبر محمد یامین مصطفوی نے سوشل میڈیا کے بہتر استعمال پر لیکچرز دیئے۔ اس کیمپ میں B.S III, IV, VIII کے طلبہ نے شرکت کی۔

24 مارچ 2014ء

ہر پاکستانی کو کرپٹ نظام کے خاتمے کی جہد مسلسل کا حصہ بننے کا عہد کرنا ہو گا، یوم پاکستان کے موقع پر ڈاکٹر طاہر القادری کا پیغام

ہر پاکستانی کو کرپٹ نظام کے خاتمے کی جہد مسلسل کا حصہ بننے کا عہد کرنا ہو گا، یوم پاکستان کے موقع پر ڈاکٹر طاہر القادری کا پیغام

ڈاکٹر محمد طاہر القادری نے یوم پاکستان کے موقع پر اپنے پیغام میں کہا ہے کہ آج ہم تکمیل پاکستان کی جدوجہد سے تحفظ پاکستان تک اس لئے آ گئے ہیں کہ نظریہ پاکستان کی روح کمزور ترین ہو گئی ہے۔ دہشت گردی، انتہا پسندی اور نام نہاد جمہوریت کے لبادے میں نااہل سیاستدانوں کی وجہ سے پچھلی کئی دہائیوں سے نظریہ پاکستان پر حملے ہورہے ہیں۔ آج پاکستان کی نظریاتی و جغرافیائی سرحدوں کو خطرات لاحق ہیں، آج ہر پاکستانی کو موجودہ کرپٹ نظام کے خاتمے کی جہد مسلسل کا حصہ بننے کا عہد کرنا ہو گا تا کہ ملک میں حقیقی جمہوریت کا سویرا طلوع ہو سکے۔

23 مارچ 2014ء

نا اہل سیاستدانوں نے قرارداد پاکستان کی حقیقت کو فراموش کر کے بانی پاکستان قائد اعظم رحمۃ اللہ علیہ کی روح کو تکلیف دی: خرم نواز گنڈاپور

نا اہل سیاستدانوں نے قرارداد پاکستان کی حقیقت کو فراموش کر کے بانی پاکستان قائد اعظم رحمۃ اللہ علیہ کی روح کو تکلیف دی: خرم نواز گنڈاپور

پاکستان عوامی تحریک کے سیکر ٹری جنرل خرم نواز گنڈا پور نے کہا ہے کہ بانی پاکستان قائد اعظم رحمۃ اللہ علیہ جیسا مخلص، درد مند اور انتھک محنت کرنے والا لیڈر میسر ہو تو کرہ ارضی پر ملک حاصل کرنا بھی ممکن ہو جاتا ہے اور اگر قیادت کا بحران رہے تو 66 سال بعد بھی ملکی بقا ہی سب سے بڑا مسئلہ رہتا ہے۔ پاکستان میں کسی بھی حکمران نے اداروں کے استحکام پر توجہ نہیں دی۔ فرد کو طاقتور اور سیاسی پارٹیوں پر مخصوص خاندانوں کی اجارہ داری قائم رکھنے پر توانائیاں خرچ کی گئیں۔ قرارداد پاکستان کا مقصد صرف علیحدہ ریاست حاصل کرنا نہ تھا بلکہ ایک ایسا آزاد اور خود مختار ملک حاصل کرنا تھا جس میں مسلمان اپنے عقائدکے مطابق اندرونی اور بیرونی دباؤ سے آزاد ہو کر عمل کر سکیں۔

23 مارچ 2014ء

اوکاڑہ: پاکستان عوامی تحریک کے زیراہتمام استحکام پاکستان موٹر سائیکل ریلی

اوکاڑہ: پاکستان عوامی تحریک کے زیراہتمام استحکام پاکستان موٹر سائیکل ریلی

پاکستان عوامی تحریک اوکاڑہ کے زیراہتمام استحکام پاکستان ریلی کا انعقاد کیا گیا جس میں کارکنان کی کثیر تعداد نے شرکت کی۔ ریلی کا آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ اس موقع پر شرکاء نے پلے کارڈز اٹھا رکھے تھے جس پر کرپٹ نظام کے خلاف نعرے درج تھے۔ ریلی میں پاکستان عوامی تحریک کے آرگنائزر خالد محمود، تحصیل صدر مرزا محمد ابراہیم، ضلعی امیر ٹی ایم کیو اوکاڑہ محمد حفیظ قادری، ایم ایس ایم ضلعی کوآرڈینیٹر عبدالکریم کمیانہ، ناظم فرید احمد اور میڈیا سیکرٹری شیخ گلفام علی قادری بھی شریک تھے۔

23 مارچ 2014ء

حجرہ شاہ مقیم (اوکاڑہ) : تربیتی کیمپ

حجرہ شاہ مقیم (اوکاڑہ) : تربیتی کیمپ

تحریک منہاج القرآن حجرہ شاہ مقیم، اوکاڑہ کے زیراہتمام مصطفٰوی کارکنان کیلئے تربیتی کیمپ منعقد ہوا، جس میں زونل ناظم ساہیوال ڈویژن شاہد لطیف مدنی اور مرکزی ناظم تربیت غلام مرتضیٰ علوی نے خصوصی شرکت کی۔ غلام مرتضی علوی نے تربیتی کیمپ کے شرکاء سے گفتگو کرتے ہوئے کہا کہ شیخ الاسلام نے کارکنان و وابستگانِ تحریک کی علمی، فکری، روحانی اور اخلاقی تربیت کے لئے جو منہاج العمل دیا ہے اس پر عمل کر کے ہی ہم مصطفوی مشن کی منزل کو حاصل کر سکتے ہیں۔

23 مارچ 2014ء

گوجرہ: پاکستان عوامی تحریک کی مہنگائی، بیروزگاری، کرپشن اور دہشت گردی کے خلاف احتجاجی ریلی

گوجرہ: پاکستان عوامی تحریک کی مہنگائی، بیروزگاری، کرپشن اور دہشت گردی کے خلاف احتجاجی ریلی

پاکستان عوامی تحریک پاکستان کے مرکزی صدر شیخ زاہد فیاض نے ریلی سے خطاب کرتے ہوئے کہا کہ یہ نام نہاد جمہوری حکمران جن کا نعرہ تھا کہ ہم ہوم ورک کر کے آئے ہیں، ملک سے بے روزگاری، غربت اور دہشت گردی آتے ہی ختم کر دیں گے مگر افسوس کہ آج مہنگائی، بیروزگاری اور دہشت گردی پہلے سے کہیں زیادہ بڑھ گئی ہے۔ آج ملک و قوم کے بچے بھوک سے مررہے ہیں اور کوئی ان کا حال پوچھنے والا نہیں ہے۔

22 مارچ 2014ء

کھپرو (سندھ): تحریک منہاج القرآن کے زیراہتمام درس عرفان القرآن

کھپرو (سندھ): تحریک منہاج القرآن کے زیراہتمام درس عرفان القرآن

تحریک منہاج القرآن تحصیل کھپرو کے زیراہتمام مکہ مسجد کھپرو میں درس عرفان القرآن کا انعقاد کیا گیا۔ پروگرام کا آغاز تلاوت قرآن مجید اور نعت رسول مقبول صلی اللہ علیہ آلہ وسلم سے ہوا۔ علامہ سعیدالحسن طاہر (مرکزی ناظم دعوت) نے" نیکی اور تقوی کے قرآنی تصور" کے موضوع پر خطاب کرتے ہوئے کہا کہ نیکی وتقوی کی بنیاد عقیدہ اور ایمان ہے اور سب سے بڑی نیکی مخلوق خدا کی خیر خواہی ہے۔ اسلام انسان کو خود غرض نہیں بلکہ دوسروں کے لئےنفع بخش بنانا چاہتا ہے۔ اس موقع پر عبدالستار چوہان، سید زاہد علی شاہ، شوکت علی قائم خانی، فوجی مشتاق قائم خانی، معززین شہر اور لوگوں کی کثیر تعداد نے شرکت کی۔

21 مارچ 2014ء

منہاج ویلفیئر فاؤنڈیشن کے تحت شادیوں کی اجتماعی تقریب 30 مارچ کو ہوگی

منہاج ویلفیئر فاؤنڈیشن کے تحت شادیوں کی اجتماعی تقریب 30 مارچ کو ہوگی

منہاج ویلفیئر فاؤنڈیشن کے زیراہتمام اس سال بھی 23 غریب اور بے سہارا بچیوں کی شادیوں کی پروقار اور عظیم الشان تقریب 30 مارچ (اتوار ) ہمدرد چوک، ٹاؤن شپ لاہور منہاج یونیورسٹی گراؤنڈ میں دن 11 بجے ہوگی۔ شادیوں میں ہر بچی کو ڈیڑھ لاکھ مالیت کا جہیز دیا جائے گا اور دولہا دلہن کے 50مہمانوں کو کھانا دیا جائے گا اس طرح تقریبا 2500 افراد کے کھانے کا انتظام کیا جائے گا۔

20 مارچ 2014ء

لاہور: ڈائریکٹر انٹرفیتھ ریلیشنز سہیل احمد رضا کی آرچ بشپ آف سویڈن اینڈرس ہیرلڈ ویجریڈ سے ملاقات

لاہور: ڈائریکٹر انٹرفیتھ ریلیشنز سہیل احمد رضا کی آرچ بشپ آف سویڈن اینڈرس ہیرلڈ ویجریڈ سے ملاقات

ڈائریکٹر انٹرفیتھ ریلیشنز منہاج القرآن انٹرنیشنل سہیل احمد رضا کی آرچ بشپ اینڈرس ہیرلڈ ویجریڈ (Archbishop Anders Harald Wejryd)، آرچ بشپ آف سویڈن سے اسلام آباد میں ملاقات کی۔ اس موقع پر سہیل احمد رضا نے منہاج القرآن انٹرنیشنل کی قومی اور بین الاقوامی سطح پر عالمی امن کے قیام، مذاہب عالم کے مابین فروغ اور دہشت گردی وانتہا پسندی کے خاتمے کے لیے شیخ الاسلام ڈاکٹر محمد طاہر القادری کی قیادت میں سرگرمیوں سے آگاہ کیا۔ آرچ بشپ آف سویڈن نے منہاج القرآن کی کاوشوں کو خراج تحسین پیش کیا۔

20 مارچ 2014ء

خوشاب: تحریک منہاج القرآن کے زیراہتمام منہاج ڈویلپمنٹ فنڈ کے حوالے سے خصوصی تقریب

خوشاب: تحریک منہاج القرآن کے زیراہتمام منہاج ڈویلپمنٹ فنڈ کے حوالے سے خصوصی تقریب

تحریک منہاج القرآن خوشاب کے تحت منہاج ڈویلپمینٹ فنڈ کی کولیکشن کے حوالے سے جوہرآباد میں تقریب کا اہتمام کیا گیا جس میں خصوصی شرکت شیخ زاہد فیاض (صدر پاکستان عوامی تحریک) نے کی۔ تقریب کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ اس موقع پر سردار بشیر خان لودھی (ڈائریکٹر MDF)، سردار عمر دراز (زونل ڈائریکٹر TMQ تنظیمات) بھی شریک تھے۔

20 مارچ 2014ء

خانیوال: ایم ایس ایم کے زیراہتمام بیداری طلبہ ریلی

خانیوال: ایم ایس ایم کے زیراہتمام بیداری طلبہ ریلی

مصطفوی سٹوڈنٹس موومنٹ خانیوال کے زیراہتمام 7مارچ کو بیدارئ طلبہ مارچ نکالا گیا جس کی قیادت مرکزی صدر ایم ایس ایم پاکستان چوہدری عرفان یوسف نے کی۔ ریلی میں طلبہ کی کثیر تعداد شریک تھی۔ ریلی سے خطاب کرتے ہوئے چوہدری عرفان یوسف نے کہا کہ ایم ایس ایم ملک میں انقلاب برپا کرنے کیئے سرگرم عمل ہے۔ ہم معاشرے سے ظلم، ناانصافی، غیر منصفافہ طبقاتی تقسیم اور فرسودہ نظام تعلیم کو ختم کرنے کیلئے سربکف ہیں اور وقت کے ظالموں کو للکار رہے ہیں۔ انہوں نے کہا کہ یقینا یہ جدوجہد پیغمبرانہ فریضہ ہے۔

19 مارچ 2014ء

تلہ گنگ: بیدارئ شعور ورکرز کنونشن

تلہ گنگ: بیدارئ شعور ورکرز کنونشن

تحریک منہاج القرآن تلہ گنگ کے زیراہتمام بیدارئ شعور ورکرز کنونشن کا انعقاد کیا گیا جس میں نائب ناظم اعلی تنظیمات احمد نواز انجم نے خصوصی شرکت کی۔ کنونشن کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ اس موقع پر تحریک منہاج القرآن کے جملہ فورمز کے عہدیداران وکارکنان کے علاوہ لوگوں کی کثیر تعداد بھی موجود تھی۔ کنونشن سے احمد نواز انجم نے خصوصی خطاب کیا۔ کنونشن کے اختتام پر ملک وقوم کی سلامتی کے لیے خصوصی دعا کی گئی۔

19 مارچ 2014ء

اسلام آباد: فیڈرل منہاجینز فورم کا ڈاکٹر حسین محی الدین قادری کے ساتھ تعارفی نشست کا انعقاد

اسلام آباد: فیڈرل منہاجینز فورم کا ڈاکٹر حسین محی الدین قادری کے ساتھ تعارفی نشست کا انعقاد

راولپنڈی اور اسلام آباد میں موجود منہاجینز کے نمائندہ فورم فیڈرل منہاجینز فورم کے زیراہتمام اسلام آباد ہوٹل میں ڈاکٹر حسین محی الدین قادری(صدر منہاج القرآن انٹرنیشنل) کے ساتھ ایک تعارفی نشست کا اہتمام کیا گیا۔ حافظ شاہد عظیم نے تلاوت کلام رحمن سے پروگرام کا باقاعدہ آغاز کیا، بعد ازاں قاری انصر علی قادری اور ظل حسین قادری نے بارگاہ رسالت مآب صلی اللہ علیہ وآلہ وسلم میں عقیدت کے پھول نچھاور کیے۔ پروگرام کے پہلے سیشن میں مختلف ساتھیوں نے فورم کے حوالے سے اپنی قیمتی تجاویز پیش کیں۔

19 مارچ 2014ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

Views of Dignitaries

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top