تحریک منہاج القرآن پاکستان کی خبریں

لاہور : تحریک منہاج القرآن کی قومی ہاکی ٹیم کو مبارکباد

لاہور : تحریک منہاج القرآن کی قومی ہاکی ٹیم کو مبارکباد

تحریک منہاج القرآن اور نظامت منہاجینز کی طرف سے پاکستان ہاکی ٹیم کو چیمپئنز ٹرافی 2012ء میں کانسی کا تمغہ جیتنے پر خصوصی مبارکباد پیش کی گئی ہے۔ اس سلسلہ میں 13 دسمبر 2012ء کو منہاجینز کے وفد نے پاکستان ہاکی فیڈریشن کے صدر دفتر میں صدر پی ایچ ایف قاسم ضیاء، سیکرٹری آصف باجوہ اور چیف کوچ قومی ہاکی ٹیم چوہدری اختر رسول سے ملاقات کی۔ وفد میں تحریک منہاج القرآن کے رہنماء جی ایم ملک، سینیئر نائب صدر منہاجینز جواد حامد اور سیکرٹری منہاجینز شہزاد رسول قادری بھی شامل تھے۔

13 دسمبر 2012ء

گوجر خان : MYL اور MSM کے مختلف کالجز میں دورہ جات برائے عوامی استقبال

گوجر خان : MYL اور MSM کے مختلف کالجز میں دورہ جات برائے عوامی استقبال

منہاج القرآن یوتھ لیگ اور مصطفوی سٹوڈنٹس موومنٹ گوجرخان نے 23 دسمبر کے حوالے سے مختلف کالجز کے دورہ جات کیے۔ جن میں گوجرخان شہر کے معروف کالجز ابن سینا سائنس سکول اینڈ کالج، اقراء کالج آف کامرس اور ونگز کالج گوجرخان میں بھی 23 دسمبر کی مہم کے سلسلے میں شیخ الاسلام پروفیسر ڈاکٹرمحمد طاہرالقادری کا خطاب بذریعہ پروجیکٹر دکھایا و سنایا گیا۔

13 دسمبر 2012ء

راولپنڈی : ایم ایس ایم کے زیراہتمام پاکستان بچاؤ طلبہ ریلی

راولپنڈی : ایم ایس ایم کے زیراہتمام پاکستان بچاؤ طلبہ ریلی

ریلی کا آغاز منہاج القرآن آفس چاندنی چوک سے ہوا، اور راولپنڈی کی معروف شاہراہ مری روڑ سے ہوتی ہوئی کمیٹی چوک پر ختم ہوئی۔ ریلی کے شروع سےآخر تک مری روڑ جرات و بہادری طاہرالقادری اور نظام بدلنے کے نعروں سے گونجتا رہا ۔ طلبہ نے پاکستانی جھنڈے ہوا میں لہرائے۔ دوران ریلی سارے راستے بارش بھی جاری رہی مگر مصطفوی طلبہ موسمی حالات کو خاطر میں لائے بغیر نہایت نظم و ضبط کا مظاہرہ کرتے ہوئے ریلی میں شریک رہے۔

13 دسمبر 2012ء

سیاست نہیں ریاست بچاؤ کا نعرہ اس بکھری ہوئی قوم کی شیرازہ بندی کیلئے ضروری ہے : ڈاکٹر عبدالقدیر خان

سیاست نہیں ریاست بچاؤ کا نعرہ اس بکھری ہوئی قوم کی شیرازہ بندی کیلئے ضروری ہے : ڈاکٹر عبدالقدیر خان

محسن پاکستان ڈاکٹر عبدالقدیر خان نے کہا ہے کہ ریاست پاکستان کو شدید خطرات لاحق ہیں، اس لئے ’سیاست نہیں ریاست بچاؤ‘ کا نعرہ اس بکھری ہوئی قوم کی شیرازہ بندی کیلئے ضروری ہے۔ ان خیالات کا اظہار انہوں نے گزشتہ روز تحریک منہاج القرآن کے وفد سے ملاقات کے دوران گفتگو کرتے ہوئے کیا۔ ڈاکٹر عبدالقدیر نے ڈاکٹر طاہرالقادری نے نظریات کو سراہتے ہوئے ملک میں تبدیلی کے ایجنڈے پر اپنے جانب سے مکمل تائید کا یقین دلایا۔

13 دسمبر 2012ء

منگلہ ہملٹ میرپور : عوامی استقبال کے سلسلے میں تشہیری مہم

منگلہ ہملٹ میرپور : عوامی استقبال کے سلسلے میں تشہیری مہم

تحریک منہاج القرآن یو سی منگلہ ہملٹ تحصیل افضل پور ضلع میر پور آزاد کمشیر کے زیراہتمام شیخ الاسلام ڈاکٹر محمد طاہرالقادری کی پاکستان آمد اور 23 دسمبر کو مینار پاکستان پر ہونے والے عظیم الشان سیاست نہیں ریاست بچاؤ عوامی اجتماع کے سلسلے میں علاقے بھر میں تشہیری مہم کا کام جاری ہے، اس سلسلے میں علاقے بھر میں وال چاکنگ، فلیکس ہولڈنگز، بینرز اور پوسٹرز لگائے جا رہے ہیں، جبکہ عوامی رابطہ مہم اور دعوتی مہم کا کام بھی تیزی سے جاری ہے۔

13 دسمبر 2012ء

منہاج القرآن ضلع قصور کے قائدین کی ڈاکٹر حسن محی الدین قادری کیساتھ نشست

منہاج القرآن ضلع قصور کے قائدین کی ڈاکٹر حسن محی الدین قادری کیساتھ نشست

تحریک منہاج القرآن ضلع قصور کی تمام باڈیز کے صدور اور ناظمین کی صاحبزادہ ڈاکٹر حسن محی الدین قادری سے خصوصی نشست 13 دسمبر 2012ء کو مرکزی سیکرٹریٹ میں ہوئی۔ منہاج القرآن قصور کے ناظم رحمت انصاری، قصور کے ضلع رہنما سید محمد علی شاہ، منہاج القرآن پتوکی کے صدر ندیم مصطفائی، منہاج القرآن مصطفیٰ آباد کے صدر چوہدری سرفراز، منہاج القرآن کوٹ رادھا کشن کے ناظم حامد سعید، منہاج القرآن کھڈیاں خاص کے صدر رانا اکبر علی، منہاج القرآن الہ آباد کے صدر شیخ ظفر اقبال جنید اور ضلع قصور کے دیگر رہنماء معزز مہمانوں میں شامل تھے۔

13 دسمبر 2012ء

تحریک منہاج القرآن ناڑی خوشاب کی تشہیری مہم

تحریک منہاج القرآن ناڑی خوشاب کی تشہیری مہم

تحریک منہاج القرآن ناڑی خوشاب نے 23 دسمبر 2012ء کے حوالے سے اپنی تمام تیاریاں مکمل کر لی ہیں۔ اس سلسلہ میں علاقے میں جگہ جگہ وال چاکنگ کرائی گئی ہے۔ اس کے علاوہ 23 دسمبر کے حوالے بینرز، پوسٹرز اور دیگر تشہیری میٹریل بھی استعمال میں کیا گیا ہے۔ شیخ الاسلام کے استقبال کے حوالے ایک تشہیری فلوٹ بھی تیار کیا گیا ہے۔ جس پر علاقے کے مختلف مقامات پر روزانہ بذریعہ اعلانات لوگوں کو 23 دسمبر کے ایونٹ میں شرکت کا پیغام پہنچایا جا رہا ہے۔ منہاج القرآن ناڑی خوشاب سے بسوں کا ایک قافلہ لاہور مینار پاکستان کے لیے روانہ ہوگا۔

12 دسمبر 2012ء

پیدل کاررواں کی گجرات آمد

پیدل کاررواں کی گجرات آمد

تحریک منہاج القرآن اسلام آباد کے بزرگ رہنما بابا غلام حیدر بٹ اپنے کارواں کے ساتھ پیدل سفر کرتے ہوئے گجرات پہنچ گئے ہیں۔ گجرات میں تحریک منہاج القرآن، منہاج القرآن یوتھ لیگ اور اہل علاقہ کی کثیر تعداد نے پیدل کارواں کو خوش آمدید کہا۔ کارواں کے شرکاء پر پھولوں کی پتیاں نچھاور کی گئیں اور انہیں ہار بھی پہنائے گئے۔ اس موقع پر استقبالی شرکاء نے سبز ہلالی پرچم بھی اٹھا رکھے تھے۔ بابا غلام حیدر بٹ اپنے پیدل کارواں کے ساتھ اسلام آباد سے سفر کر رہے ہیں، ان کا کہنا ہے کہ وہ 23 دسمبر کو مینار پاکستان لاہور پہنچ کر شیخ الاسلام کو خوش آمدید کہیں گے۔

12 دسمبر 2012ء

فیصل آباد : 'سیاست نہیں ریاست بچاؤ' سیمینار

فیصل آباد : 'سیاست نہیں ریاست بچاؤ' سیمینار

تحریک منہاج القرآن کے ضلعی امیر سید ہدایت رسول قادری نے کہا کہ 23 دسمبر کو پورے ملک سے عوام کا سیلاب مینار پاکستان پہنچے گا۔ جو تاریخ پاکستان کا سب سے بڑا پرامن اجتماع ہو گا۔ اس دن پوری قوم میں یہ شعور بٹے گا کہ 18 کروڑ کا رزق چند مٹھیوں میں کیوں اور کیسے بند ہے۔ وقت آ گیا ہے کہ غریب کے چہرے کی زردی اور لٹیروں کے چہروں کی لالی ختم کر دی جائے۔ اس کیلئے قوم کو اسلام کا معاشی نظام دیں گے۔ ڈاکٹر طاہرالقادری کی آمد پوری قوم کو حوصلہ دے گی کہ پرامن تبدیلی کا آپشن ابھی ختم نہیں ہوا۔ 23 دسمبر کو ہر کوئی جان لے گا کہ پاکستان کا مسیحا کون ہے۔

12 دسمبر 2012ء

پیدل کاررواں کے دینہ پہنچنے پر شاندار استقبال

پیدل کاررواں کے دینہ پہنچنے پر شاندار استقبال

تحریک منہاج القرآن اسلام آباد کے بزرگ رہنماء بابا غلام حیدر بٹ کا پیدل کارواں دینہ پہنچ گیا۔ جہاں مقامی لوگوں کی بڑی تعداد انہیں دیکھنے کے لیے جمع تھی۔ اس موقع پر منہاج القرآن دینہ کے قائدین نے آپ کا استقبال کیا۔ ان پر پھولوں کی پتیاں نچھاور کی گئیں۔ اس موقع پر بابا غلام حیدربٹ کے ساتھ ان کا پوتا محمد طلہ بھی پیدل کاررواں میں شامل ہے۔ وہ مینار پاکستان پر شیخ الاسلام کو خوش آمدید کہنے کی غرض سے 22 دسمبر 2012ء کو پاکستان جانا چاہتے ہیں۔

12 دسمبر 2012ء

بہاولپور : تحریک منہاج القرآن کے زیراہتمام ورکرز کنونشن

بہاولپور : تحریک منہاج القرآن کے زیراہتمام ورکرز کنونشن

امیر تحریک پنجاب احمد نواز انجم نے شرکاء سے خطاب کرتے ہوئے کہا کہ عوام موجودہ کرپٹ سسٹم کے خلاف بغاوت کردیں، ڈاکٹر محمد طاہرالقادری کی آمد کرپٹ نظام کے ایوانوں میں زلزلہ برپا کردے گی، مینارِ پاکستان کا جلسہ پاکستانی تاریخ کا سب سے بڑا جلسہ ہوگا، ڈاکٹر طاہرالقادری قوم کو جگا کر نظام بدلنا چاہتے ہیں اور سرِ عام بدلنا چاہتے ہیں، موجودہ کرپٹ اور یزیدی نظام میں انتخابی سیاست میں واپسی کو گناہِ کبیرہ سمجھتے ہیں۔

12 دسمبر 2012ء

منہاج القرآن گوجرانوالہ کے وفد کی انجمن تاجراں نورباوہ کے ساتھ میٹنگ

منہاج القرآن گوجرانوالہ کے وفد کی انجمن تاجراں نورباوہ کے ساتھ میٹنگ

تحریک منہاج القرآن ضلع گوجرانوالہ کے وفد کی انجمن تاجراں نورباوہ گوجرانوالہ کے ساتھ ایک میٹنگ ہوئی، جس میں نائب امیر تحریک ضلع گوجرانوالہ ڈاکٹر محمد منیر ہاشمی، علامہ حافظ شہباز صدیقی(امیر تحریک یونان)، میڈیا ناظم تحریک گوجرانوالہ حکیم رفعت اشفاق اور علامہ پروفیسر حمید القادری نے شرکت کی۔ میٹنگ میں انجمن تاجراں کے تمام عہداداران نے شرکت کی۔

12 دسمبر 2012ء

سید والہ : تحریک منہاج القرآن کے وفد کی صدر پریس کلب رائے محمد نواز کھرل سے ملاقات

سید والہ : تحریک منہاج القرآن کے وفد کی صدر پریس کلب رائے محمد نواز کھرل سے ملاقات

تحریک منہاج القرآن تحصیل سیدوالا کے وفد نے نائب ناظم پنجاب ملک حق نواز اعوان کی قیادت میں پریس کلب سید والا کے صدر رائے محمد نواز کھرل سے ملاقات کی، اس ملاقات میں انہوں نے صدر پریس کلب محمد نواز کھرل کو تحریک منہاج القرآن اور شیخ الاسلام ڈاکٹر محمد طاہرالقادری امت مسلمہ کے لیے کی جانے والی قومی و بین الاقوامی خدمات کے بارے میں آگاہی دی، صدر پریس کلب نے شیخ الاسلام کی خدمات کا اعتراف کرتے ہوئے خراج تحسین پیش کیا

12 دسمبر 2012ء

23 دسمبر 23 مارچ کی طرح تاریخ میں امر ہو جائے گا : ارشاد اقبال

23 دسمبر 23 مارچ کی طرح تاریخ میں امر ہو جائے گا : ارشاد اقبال

منہاج القرآن ویمن لیگ لاہور کی صدر ارشاد اقبال نے کہا ہے کہ تبدیلی کیلئے حوا کی بیٹیاں بھی سڑکوں پر نکل آئی ہیں اب موجودہ فرسودہ اور کرپٹ انتخابی نظام کو دفن کر کے دم لیں گے۔ 23 دسمبر کا سورج ملک میں تبدیلی کی نوید لے کر طلوع ہو گا اور 23 دسمبر 23 مارچ کی طرح تاریخ میں امر ہو جائے گا۔ یہ دن فیصلہ کر دے گا کہ پاکستانی قوم کا حقیقی لیڈر کون ہے؟ کچن کے ٹھنڈے چولہے روشن ہوں گے اور بنیادی ضروریات تعلیم، روزگار اور صحت کا حق ہر کسی کو ملے گا۔

11 دسمبر 2012ء

سجادہ نشین شرقپور شریف میاں جلیل احمد شرقپوری نے شیخ الاسلام کے استقبال کا اعلان کر دیا

سجادہ نشین شرقپور شریف میاں جلیل احمد شرقپوری نے شیخ الاسلام کے استقبال کا اعلان کر دیا

سابق ممبر قومی اسمبلی اور ضلع ناظم آستانہ عالیہ شرقپور شریف کے سجادہ نشین پیر میاں جلیل احمد شرقپوری نے 23 دسمبر 2012ء کو مینار پاکستان جا کر شیخ الاسلام ڈاکٹر محمد طاہرالقادری کا استقبال کرنے کا اعلان کر دیا ہے۔ اس بات کا اعلان انہوں نے منہاج القرآن پنجاب کے نائب ناظم حق نواز اعوان کے ساتھ ملاقات کے بعد کیا۔ میاں جلیل شرقپوری نے کہا ہے کہ وہ 23 دسمبر کو اپنے تمام مریدین کے ساتھ مینار پاکستان پہنچ کر شیخ الاسلام کو خوش آمدید کہیں گے۔ انہوں نے کہا کہ شیخ الاسلام ڈاکٹر محمد طاہرالقادری نے عالمی سطح پر اسلام کی جو خدمت کی ہے، اس کی مثال نہیں ملتی۔ آج ملک میں موجودہ بحرانی کیفیت ہے۔ ایسے میں شیخ الاسلام کی قیادت ہی مسائل حل کر سکتی ہے۔

11 دسمبر 2012ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top