تحریک منہاج القرآن پاکستان کی خبریں

منہاج ویلفیئر فاؤنڈیشن کے زیراہتمام اجتماعی شادیوں کی عظیم الشان تقریب

منہاج ویلفیئر فاؤنڈیشن کے زیراہتمام اجتماعی شادیوں کی عظیم الشان تقریب

منہاج ویلفیئر فاؤنڈیشن کے زیراہتمام اجتماعی شادیوں کی عظیم الشان تقریب مؤرخہ 6 مئی 2007 بروز اتوار مرکزی سیکرٹریٹ ماڈل ٹاؤن لاہور کے بالمقابل گراؤنڈ میں منعقد ہوئی جس میں ملک بھر سے غریب اور نادار خاندانوں کے 23 جوڑوں کی شادی کا اہتمام کیا گیا تھا۔ فی شادی ایک لاکھ روپے کے حساب سے 23 لاکھ روپے کے اخراجات ہوئے۔ پنڈال کو خوبصورتی سے سجایا گیا تھا اور بینڈ باجے کا بھی انتظام موجود تھا۔ سینکڑوں مہمانوں کے لئے بہترین کھانے کا اہتمام کیا گیا تھا۔ پنڈال وقفے وقفے سے جیوے جیوے طاہر جیوے اور مصطفیٰ کی ہے کلی طاہرالقادری کے نعروں سے گونجتا رہا۔ تقریب میں شریک ہونے والے جوڑوں کا تعلق لاہور، صوابی، راولپنڈی، مانگا منڈی، اوکاڑہ، مظفر آباد، مرید کے، پاکپتن، گوجر خان، جھنگ، نارنگ منڈی، مانسہرہ، دیپالپور اور لاڑکانہ سے تھا۔ اس پروقار تقریب کی صدارت ناظم اعلیٰ ڈاکٹر رحیق احمد عباسی نے کی۔ تقریب کے دوران صدر دارالافتاء منہاج القرآن مفتی عبدالقیوم خان ہزاروی نے 23 جوڑوں کے نکاح کا اعلان کیا اور وضاحت کی ہر جوڑے کا نکاح علیحدہ علیحدہ کرایا گیا ہے۔

06 مئی 2007ء

سرگودھا میں عظیم الشان یوتھ کنونشن

سرگودھا میں عظیم الشان یوتھ کنونشن

منہاج القرآن یوتھ لیگ اور مصطفوی سٹوڈنٹس موومنٹ کے زیر اہتمام مورخہ 29 اپریل کو شاہینوں کے شہر سرگودھا میں عظیم الشان یوتھ کنونشن کا انعقاد کیا گیا۔ ناظم اعلیٰ تحریک منہاج القرآن ڈاکٹر رحیق احمد عباسی نے اس تقریب کی صدارت کی اور مرکزی ناظم یوتھ ساجد محمود بھٹی اس تقریب کے مہمان خصوصی تھے۔ ان کے علاوہ منہاج یوتھ لیگ کے مرکزی راہنما بلال احمد مصطفوی، چوھدری ظہیر عباس گجر اور دیگر قائدین بھی معزز مہمانوں میں شامل تھے۔ سرگودھا آمد پر تمام مرکزی قائدین کے وفد کا شاندار استقبال کیاگیا۔ اس موقع پر پھولوں کے ہار پہنا کر تمام قائدین کو ایک وفد کی شکل میں پنڈال تک لایا گیا۔ اس دوران یوتھ کے کارکنان نے استقبالی نعروں کے ساتھ اس استقبالی جلوس کو مزید پروقار بنا دیا۔

29 اپریل 2007ء

سرگودھا میں عظیم الشان یوتھ کنونشن

سرگودھا میں عظیم الشان یوتھ کنونشن

منہاج القرآن یوتھ لیگ اور مصطفوی سٹوڈنٹس موومنٹ کے زیر اہتمام مورخہ 29 اپریل کو شاہینوں کے شہر سرگودھا میں عظیم الشان یوتھ کنونشن کا انعقاد کیا گیا۔ ناظم اعلیٰ تحریک منہاج القرآن ڈاکٹر رحیق احمد عباسی نے اس تقریب کی صدارت کی اور مرکزی ناظم یوتھ ساجد محمود بھٹی اس تقریب کے مہمان خصوصی تھے۔ ان کے علاوہ منہاج یوتھ لیگ کے مرکزی راہنما بلال احمد مصطفوی، چوھدری ظہیر عباس گجر اور دیگر قائدین بھی معزز مہمانوں میں شامل تھے۔ سرگودھا آمد پر تمام مرکزی قائدین کے وفد کا شاندار استقبال کیاگیا۔ اس موقع پر پھولوں کے ہار پہنا کر تمام قائدین کو ایک وفد کی شکل میں پنڈال تک لایا گیا۔ اس دوران یوتھ کے کارکنان نے استقبالی نعروں کے ساتھ اس استقبالی جلوس کو مزید پروقار بنا دیا۔

29 اپریل 2007ء

اسلامی فقہ پر شیخ الاسلام کا خصوصی لیکچر

اسلامی فقہ پر شیخ الاسلام کا خصوصی لیکچر

شیخ الاسلام ڈاکٹر محمد طاہرالقادری کا 23 اپریل کو اسلامی فقہ کے موضوع پر فرید ملت ریسرچ انسٹی ٹیوٹ میں خصوصی لیکچر ہوا۔ اس تقریب میں لاہور بار کے وکلاء لاہور ہائی کورٹ کے معزز جج صاحبان، مختلف طبقہ ہائے فکر کی معزز شخصیات اور علماء و مشائخ کی بڑی تعداد یہاں موجود تھی۔ تحریک منہاج القرآن کے مرکزی قائدین اور کالج آف شریعہ کے اساتذہ کرام کے ساتھ منہاج یونیورسٹی کے طلبہ بھی اس لیکچر میں شریک تھے۔ شیخ الاسلام نے اپنے لیکچر میں اسلامی فقہ کے حوالے سے گفتگو کرتے ہوئے کہا کہ ہمارے ملک میں ایسے سکالرز کی بڑی تعداد موجود ہے جو اسلامی تعلیمات کو صحیح نہ سمجھنے کی صورت میں غلط فہمی کا شکار ہیں۔ ایسے لوگوں کی اسلامی تعلیمات سے کم فہمی کی وجہ نام نہاد مغربی مفکرین کی اسلام کے حوالے سے لکھی گئی کتب کا مطالعہ کرنا ہے۔ ہمارے مسلم سکالرز مستشرقین کی کتب پڑھنے کے بعد اسلام کے حوالے سے اپنی رائے قائم کرتے ہیں۔ ایسے سکالرز خود کو اسلام کے سکالرز کہلاتے ہیں لیکن ان کی سٹڈی مغربی مفکرین اور مستشرقین کی انگلش کتب ہیں۔ یہ مسلم سکالرز جب اسلام کو اس کے اصل عربی متن کے ذریعے نہیں پڑھیں گے تو پھر ان کو اسلام کا صحیح علم کس طرح ہو گا؟ ایسے سکالرز اسلام کی اصل تعلیمات سے بہت دور ہیں۔

23 اپریل 2007ء

منتظمین و آرگنائزز عالمی میلاد کانفرنس کے اعزاز میں میلاد ڈنر

منتظمین و آرگنائزز عالمی میلاد کانفرنس کے اعزاز میں میلاد ڈنر

تحریک منہاج القرآن کی 23 ویں سالانہ عالمی میلاد کانفرنس کے کامیاب انعقاد پر شیخ الاسلام ڈاکٹر محمد طاہرالقادری نے کانفرنس کے منتظمین اور آرگنائزر کے اعزاز میں گزشتہ روز خصوصی میلاد ڈنر کا اہتمام کیا۔ پر تکلف عشائیہ کی یہ تقریب شیخ الاسلام کی رہائش گاہ کے سامنے پارک میں منعقد ہوئی۔ اس ڈنر میں عالمی میلاد کانفرنس کی انتظامی کمیٹیوں کے سربراہان اور ممبران کے ساتھ منتظمین کی بڑی تعداد موجود تھی۔ تقریب کا آغاز شب 9 بجے شیخ الاسلام کی آمد سے ہوا۔ ان کے ساتھ سٹیج پر امیر تحریک صاحبزادہ مسکین فیض الرحمٰن درانی، ناظم اعلٰی ڈاکٹر رحیق احمد عباسی، نائب ناظم اعلٰی شیخ زاہد فیاض، علامہ پروفیسر محمد نواز ظفر، جی ایم ملک اور تحریک کے دوسرے قائدین بھی موجود تھے۔ اس تقریب میں تحریک منہاج القرآن کی لائف ممبر فلمسٹار ندیم کی بیوی بھی موجود تھیں جو منہاج ویمن لیگ کی خصوصی مہمان تھیں۔

10 اپریل 2007ء

منہاج بکس ڈاٹ کوم کی افتتاحی تقریب

منہاج بکس ڈاٹ کوم کی افتتاحی تقریب

مؤرخہ 9 اپریل 2007ء بروز سوموار منہاج بکس ڈاٹ کوم کی افتتاحی تقریب منعقد ہوئی، جس میں صاحبزادہ حسین محی الدین قادری نے خصوصی شرکت کی۔ یہاں 21,000 سے زائد صفحات پر مبنی 128 کتب شائع کی گئی ہیں، جن میں ان شاء اللہ وقت کے ساتھ ساتھ مسلسل اضافہ ہوتا رہے گا۔ اس ویب سائٹ کے ذریعے اہل علم اور عامۃ الناس تک حضور شیخ الاسلام ڈاکٹر محمد طاہرالقادری کے افکار و نظریات اور تعلیمات ہزاروں صفحات پر مشتمل اس ڈیجیٹل لائبریری کی صورت میں پیش خدمت ہیں، جہاں دنیا بھر کے متلاشیانِ علم مختلف موضوعات پر سیر حاصل مواد تلاش کر سکتے ہیں۔

09 اپریل 2007ء

تحریک منہاج القرآن کا سالانہ ورکرز کنونشن

تحریک منہاج القرآن کا سالانہ ورکرز کنونشن

تحریک منہاج القرآن کا سالانہ ورکرز کنونشن مورخہ 8 اپریل 2007ء بروز اتوار مرکزی سیکرٹریٹ میں ہوا۔ یہ تقریب منہاج القرآن پارک میں منعقد ہوئی جہاں خوبصورت پنڈال بنایا گیا تھا۔ شیخ الاسلام ڈاکٹر محمد طاہرالقادری کی زیرصدارت اس تقریب میں ملک بھر سے تحریک منہاج القرآن کے ورکرز اور عہدیداران موجود تھے۔ معزز مہمانوں میں تحریک منہاج القرآن سپریم کونسل کے صدر صاحبزادہ حسن محی الدین قادری، ممبر سپریم کونسل نمائندہ یوتھ صاحبزادہ حسین محی الدین قادری، مرکز ی امیر صاحبزادہ مسکین فیض الرحمٰن درانی، ناظم اعلیٰ ڈاکٹر رحیق احمد عباسی، نائب ناظم اعلیٰ شیخ زاہد فیاض، سید علی غضنفر کراروی، آغا مرتضیٰ پویا، جی ایم ملک، عاقل ملک، شاہد لطیف قادری، علامہ الحاج امداد اللہ خان، علامہ احمد نواز انجم اور تحریک کے دیگر مرکزی قائدین بھی یہاں موجود تھے۔ اس تقریب کا آغاز صبح گیارہ بجے تلاوت کلام پاک سے ہوا۔ محمد سرور صدیق، شکیل احمد طاہر اور منہاج نعت کونسل نے نعت خوانی کی۔ شکیل احمد طاہر نے شیخ الاسلام ڈاکٹر محمد طاہرالقادری کے لیے خصوصی نظم بھی پڑھی۔

08 اپریل 2007ء

تحریک منہاج القرآن کی تیئسویں سالانہ عالمی میلاد کانفرنس

تحریک منہاج القرآن کی تیئسویں سالانہ عالمی میلاد کانفرنس

تحریک منہاج القرآن کی تیئسویں سالانہ عالمی میلاد کانفرنس 11 ربیع الاول کی شب اقبال پارک مینار پاکستان لاہور کے سائے میں منعقد ہوئی۔ اس تاریخی میلاد کانفرنس کا آغاز شب 8 بجے ہوا تاہم پاکستان بھر اور دنیا کے اطراف و اکناف سے شرکاء یہاں نماز مغرب سے پہلے ہی پہنچ چکے تھے۔ شام 7 بجے مینار پاکستان میں قائم پنڈال کا ایک حصہ حاضرین سے بھر چکا تھا۔ دوسری طرف ہزاروں شرکاء اس عالمی میلاد کانفرنس میں شرکت کے لئے بسوں کے قافلوں کے ساتھ مینار پاکستان پہنچ رہے تھے۔ جبکہ اس دوران تحریک منہاج القرآن کی ضیافت میلاد بھی جاری رہی۔ اس ضیافت میلاد میں بھی بارہ سو بکرے ذبح کر کے خصوصی کھانا تیار کیا گیا۔ یہ پروقار ضیافت شب 9 بجے تک جاری رہی جس میں ہر شخص مہمان خاص تھا، خواتین کے لئے الگ اور باپردہ ضیافت کا انتظام تھا۔ عالمی میلاد کانفرنس کے پنڈال کو مینار پاکستان کی جنوبی طرف دو حصوں میں تقسیم کیا گیا تھا۔ مردوں کے علاوہ دنیا بھر سے ہزاروں خواتین بھی یہاں موجود تھیں۔ سیکیورٹی کے فول پروف انتظامات کیے گئے تھے۔

31 مارچ 2007ء

تحریک منہاج القرآن کے زیراہتمام سالانہ محفل سماع

تحریک منہاج القرآن کے زیراہتمام سالانہ محفل سماع

تحریک منہاج القرآن کے زیراہتمام سالانہ محفل سماع گزشتہ روز مرکزی سیکرٹریٹ میں منعقد ہوئی۔ یہ محفل سماع ضیافت میلاد کی تقریب کا حصہ تھی۔ شیخ الاسلام ڈاکٹر محمد طاہرالقادری نے اس تقریب کی صدارت کی جبکہ دیگر معزز مہمانوں میں سجادہ نشین کوٹ مٹھن شریف صاحبزادہ معین الدین محبوب کوریجہ، پیر سید خلیل الرحمٰن چشتی، پیر سید جمیل الرحمٰن چشتی، سید علی غضنفر کراروی، خواجہ صوفی خاکسار، خواجہ صوفی زندہ پیر غالب لاہوری، ملتان سے صاحبزادہ شفاعت رسول، صاحبزادہ حسن محی الدین قادری، صاحبزادہ حسین محی الدین قادری، ناظم اعلیٰ ڈاکٹر رحیق احمد عباسی اور نائب ناظم اعلیٰ شیخ زاہد فیاض علماء مشائخ کے ساتھ تحریک کے دیگر مرکزی قائدین بھی موجود تھے۔

28 مارچ 2007ء

جشن عید میلاد النبی صلی اللہ علیہ وآلہ وسلم 2007

جشن عید میلاد النبی صلی اللہ علیہ وآلہ وسلم 2007

تحریک منہاج القرآن کے زیراہتمام جشن عید میلاد النبی صلی اللہ علیہ وآلہ وسلم 2007ء کے حوالے سے خبریں، اخباری کوریج، پریس ریلیز، اور خطابات کی سمری رپورٹ

26 مارچ 2007ء

تحریک منہاج القرآن کے زیراہتمام مشعل بردار میلاد جلوس

تحریک منہاج القرآن کے زیراہتمام مشعل بردار میلاد جلوس

تحریک منہاج القرآن کے زیراہتمام میلادالنبی صلی اللہ صلیٰ علیہ والہ وسلم کی خوشی میں یکم ربیع الاول کو داتا دربار سے مشعل بردار میلاد جلوس نکالا گیا۔ یہ جلوس داتا دربار لاہور سے شروع ھوا اور مینار پاکستان تک گیا۔ اس کی قیادت تحریک کے مرکزی قائدین نے کی جس میں مرکزی صدر منہاج علماء کونسل پنجاب علامہ حاجی امداد اللہ خان، ناظم میڈیا ڈاکٹر شاہد محمود، تحریک منہاج القران یوتھ اور عاشقان رسول صلی اللہ علیہ وآلہ وسلم کی بڑی تعداد اس جلوس میں شریک تھی۔ جلوس کے شرکاء نے مشعلیں اور سبز جھنڈے اٹھائے ہوئے تھے۔ شرکاء نے نعرہ تکبیر و رسالت کے ساتھ میلاد مصطفیٰ صلی اللہ علیہ والہ وسلم کے نعرے بھی لگائے۔ داتا دربار سے یادگار تک پہچتے ہوئے اس جلوس میں سینکڑوں شہری اور راہ گیر بھی شریک ھو گئے جس سے اس جلوس کا درمیانی سفر ایک گھنٹے سے زائد وقت میں طے ھوا۔ مینار پاکستان پر پہچنے کے بعد تحریک کے مرکزی قائدین نے اختتامی دعا کرائی۔

24 مارچ 2007ء

شہید تنویر احمد قریشی کی پہلی برسی پر خصوصی تقریب

شہید تنویر احمد قریشی کی پہلی برسی پر خصوصی تقریب

تحریک منہاج القرآن کے مرکزی رہنما شہید تنویر احمد قریشی کی پہلی برسی کے موقع پر خصوصی تقریب 23مارچ کو تحریک منہاج القرآن کے مرکزی سیکرٹریٹ میں منعقد ہوئی۔ شیخ الاسلام ڈاکٹر محمد طاہرالقادری نے اس تقریب میں خصوصی طور پر شرکت کی۔

23 مارچ 2007ء

منہاج القرآن ویمن لیگ لاہور کے زیراہتمام محفل میلادِ مصطفیٰ (ص)

منہاج القرآن ویمن لیگ لاہور کے زیراہتمام محفل میلادِ مصطفیٰ (ص)

منہاج القرآن ویمن لیگ لاہور کے زیراہتمام مرکزی سیکرٹریٹ تحریک منہاج القرآن میں گزشتہ روز ایک عظیم الشان محفل میلاد مصطفیٰ صلی اللہ علیہ وآلہ وسلم منعقد ہوئی جس میں لاہور بھر سے سینکڑوں خواتین نے شرکت کی۔ محفل کا آغاز تلاوت کلام مجید اور نعت رسول مقبول صلی اللہ علیہ وآلہ وسلم سے ہوا۔

20 مارچ 2007ء

تحریک منہاج القرآن کراچی کے زیراہتمام ماہانہ درس عرفان القرآن

تحریک منہاج القرآن کراچی کے زیراہتمام ماہانہ درس عرفان القرآن

تحریک منہاج القرآن کراچی ڈویژن کے زیراہتمام گزشتہ دنوں 10 مارچ 2007ء کو منہاج یونیورسٹی شاہ لطیف ٹاؤن میں ماہانہ درس عرفان القرآن منعقد کیا گیا۔ جس کی صدارت امیر تحریک منہاج القرآن کراچی ڈویژن قیصر اقبال قادری نے کی۔ پروگرام کا آغاز قاری محمد نذیر نے تلاوت کلام مجید سے کیا جبکہ سرکار رسالت مآب صلی اللہ علیہ وآلہ وسلم کی بارگاہ میں ہدیہ عقیدت منہاج نعت کونسل کے سید معاذ نظامی نے پیش کیا۔ درس قرآن کی اس تقریب میں تحریک منہاج القرآن سپریم کونسل کے ممبر پروفیسر ابوالحسن نعمانی، سید ظفر اقبال، سید محمد خان محسود، ظہور احمد اعوان، محمود میمن، ناظم یوتھ زاہد حسین، علامہ غوث چشتی، حافظ محمد اصغر، علامہ عبدالرزاق، مفتی عطاء محمد فہیم، علامہ عبدالقیوم حیدری، عصمت اللہ نیازی مہمان تھے۔ ان کے علاوہ منہاج ویمن لیگ کی پروین مصطفوی، شاہدہ نعمانی، نسرین اختر اور خواتین کی کثیرتعداد بھی یہاں بھی موجود تھی۔

10 مارچ 2007ء

شہادت امام حسین (علیہ السلام) کانفرنس ۔ لیاری ٹاؤن کراچی

شہادت امام حسین (علیہ السلام) کانفرنس ۔ لیاری ٹاؤن کراچی

تحریک منہاج القرآن ویمن لیگ کے زیراہتمام لیاری ٹاؤن میں ایک عظیم الشان ’’شہادت امام حسین کانفرنس‘‘ مورخہ 10 مارچ 2007ء بمطابق 20 صفر کو منعقد ہوئی۔ جس کی صدارت محترمہ پروین مصطفوی صدر منہاج القرآن ویمن لیگ نے کی۔ جبکہ مہمانان خصوصی میں نگران ویمن لیگ کراچی مسز امتیاز جاوید اور ناظمہ نسرین اختر، کے علاوہ ویمن لیگ کراچی ڈویژن کی قائدین نے شرکت کی۔ کانفرنس کو کامیاب کرنے میں محترمہ زینب اعوان، محترمہ کوثر کامدار( ناظمہ صدرٹاؤن)، محترمہ مسز فاروق اعوان، محترم سعدیہ، نائب ناظمہ کراچی ڈویژن محترمہ ریحانہ جاوید نے بھرپور کردار ادا کیا۔ پروگرام میں علاقے کی 500 کے قریب خواتین نے شرکت کی۔ تقریب کے آغازپر تلاوت کلام پاک کی سعادت محترمہ فرح نے جبکہ حمد باری تعالیٰ محترمہ انعم شہزادی اور ہدیہ نعت بحضور سرورکونین صلی اللہ علیہ وآلہ وسلم کی سعادت محترمہ نرگس حاکم نے حاصل کی۔ تنظیم بابا بھٹ کی محترمہ رابعہ، محترمہ حمیرا نے دف پر خوبصورت نعتیں پیش کی۔ جبکہ حلقہء گوشہء درود کی شرکاء نے محترمہ سمیرا ملک اور انعم شہزادی نے پرسوز آواز میں درودپاک کا ورد کرایا۔

10 مارچ 2007ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top