تحریک منہاج القرآن پاکستان کی خبریں

شکار پور: منہاج ویلفیئر فاؤنڈیشن کی طرف سے ہزاروں خاندانوں میں راشن کی تقسیم

شکار پور: منہاج ویلفیئر فاؤنڈیشن کی طرف سے ہزاروں خاندانوں میں راشن کی تقسیم

منہاج ویلفیئر فاؤنڈیشن کی طرف سے شکار پور میں سیلاب سے متاثرہ ہزاروں خاندانوں میں فوڈ بیگ، ہائی جین کٹس اور دیگر ضروریات زندگی کی اشیاء تقسیم کی گئیں۔ اس موقع پر ڈپٹی سپریٹنڈنٹ سندھ رینجرز محمد عامر نے اپنی ٹیم کے ہمراہ تقسیمِ راشن پیکج کی تقریب میں خصوصی شرکت کی۔ انہوں نے ڈائریکٹر آپریشنز منہاج ویلفیئر فاؤنڈیشن عدنان سہیل کے ہمراہ سیلاب سے متاثرہ خاندانوں میں راشن تقسیم کیا، رینجرز کی ٹیم نے امدادی کارروائیوں میں مکمل تعاون کی یقین دہانی کروائی۔

11 ستمبر 2022ء

کروڑ لعل عیسن: منہاج ویلفیئر فاؤنڈیشن کیطرف سے سینکڑوں متاثرہ خاندانوں میں راشن پیکج کی تقسیم

کروڑ لعل عیسن: منہاج ویلفیئر فاؤنڈیشن کیطرف سے سینکڑوں متاثرہ خاندانوں میں راشن پیکج کی تقسیم

منہاج ویلفیئر فاؤنڈیشن کی طرف سے لیہ کی تحصیل کروڑ لعل عیسن میں سیلاب سے متاثرہ سینکڑوں خاندانوں میں راشن پیکج اور دیگر ضروریات زندگی کی اشیاء تقسیم کی گئیں۔ اس سلسلہ میں مقبول گارڈن میرج ہال کروڑ لعل عیسن میں سیلاب زدگان میں راشن کی تقسیم کی گئی، جہاں تقریب میں متاثرینِ سیلاب میں راشن پیکج، ہائی جین کٹس، خیمے، اور دیگر ضروریات زندگی کی اشیاء دی گئیں۔

11 ستمبر 2022ء

پہاڑ پور، ڈیرہ اسماعیل خان: منہاج ویلفیئر فاؤنڈیشن کی طرف سے سینکڑوں متاثرہ خاندانوں میں راشن پیکج تقسیم

پہاڑ پور، ڈیرہ اسماعیل خان: منہاج ویلفیئر فاؤنڈیشن کی طرف سے سینکڑوں متاثرہ خاندانوں میں راشن پیکج تقسیم

نہاج ویلفیئر فاؤنڈیشن کی طرف سے خیبر پختونخوا میں پہاڑ پور اور ڈیرہ اسماعیل خان کے سیلاب سے متاثرہ سینکڑوں خاندانوں میں راشن پیکج اور دیگر ضروریات زندگی کی اشیاء تقسیم کی گئیں۔ اس موقع پر منعقدہ تقریب میں ناظم اعلیٰ منہاج القرآن انٹرنیشنل خرم نواز گنڈاپور، ناظم تنظیمات حافظ عبدالحی علوی، منہاج القرآن ویمن لیگ کی مرکزی ذمہ داران سدرہ کرامت، عائشہ مبشر، ام حبیبہ اسماعیل، ارشاد اقبال و دیگر ذمہ داران موجود تھے۔

11 ستمبر 2022ء

منہاج القرآن گوجرانوالہ، شگرگڑھ اور ظفروال میں ورکرز کنونشن

منہاج القرآن گوجرانوالہ، شگرگڑھ اور ظفروال میں ورکرز کنونشن

تحریک منہاج القرآن گوجرانوالہ، شگرگڑھ اور ظفروال میں ورکرز کنونشن منعقد ہوئے، جس میں نائب ناظم اعلیٰ تنظیمات علامہ رانا محمد ادریس قادری نے خصوصی شرکت کی۔ اس موقع پر انہوں نے کنونشنز میں اظہار خیال کرتے ہوئے سیلاب سے متاثرہ ملکی صورتحال اور منہاج ویلفیئر فاؤنڈیشن کی فلاحی سرگرمیوں کے حوالے سے روشنی ڈالی۔ انہوں نے کہا کہ سیلاب سے متاثرین بہن بھائیوں کی مدد کرنا ہم سب کی ذمہ داری ہے۔

11 ستمبر 2022ء

منہاج القرآن ضلع سیالکوٹ بی کا ورکرز کنونشن

منہاج القرآن ضلع سیالکوٹ بی کا ورکرز کنونشن

تحریک منہاج القرآن و جملہ فورمز ضلع سیالکوٹ بی کے زیراہتمام ورکرز کنونشن منعقد ہوا، جس میں نائب ناظم اعلیٰ سنٹرل پنجاب علامہ رانا محمد ادریس نے خصوصی شرکت کی۔ اس موقع پر علامہ رانا محمد ادریس قادری نے تحریک منہاج القرآن سیالکوٹ کے صدر حاجی محمد اسلم بسراء کے بڑے بھائی کے انتقال پر ان سے اظہارِ تعزیت بھی کیا۔

11 ستمبر 2022ء

منہاج ویلفیئر فاؤنڈیشن کے زیراہتمام ہزاروں متاثرین کو ہائی جین کٹس کی فراہمی، 2 ہزار خاندانوں کو راشن دیا جائے گا

منہاج ویلفیئر فاؤنڈیشن کے زیراہتمام ہزاروں متاثرین کو ہائی جین کٹس کی فراہمی، 2 ہزار خاندانوں کو راشن دیا جائے گا

منہاج ویلفیئر فاؤنڈیشن کی طرف سے ہزاروں متاثرین سیلاب کو فوڈ بیگز کی فراہمی کے ساتھ ساتھ خصوصی طور پر تیار کروائی گئی ہائی جین کٹس بھی فراہم کی جارہی ہے۔ ہائی جین کٹس ڈیٹرجینٹ پاؤڈرز، باتھ سوپ، ٹوتھ پیسٹ، ٹوتھ برش، انڈر گارمنٹس، پیڈز، مگ پر مشتمل ہے۔منہاج ویلفیئر فاؤنڈیشن کے ایم ڈی فیصل حسین نے بتایا کہ ہماری سرویز ٹیم نے بتایا ہے کہ سیلاب سے متاثرہ علاقوں میں مارکیٹیں بند ہونے کی وجہ سے متاثرین کو اشیائے ضروریہ خریدنے میں دقت کا سامنا ہے۔

10 ستمبر 2022ء

فیروزوالا: ڈاکٹر حسین محی الدین قادری کا ’’ختمِ نبوت کانفرنس‘‘ سے خطاب

فیروزوالا: ڈاکٹر حسین محی الدین قادری کا ’’ختمِ نبوت کانفرنس‘‘ سے خطاب

تحریک منہاج القرآن فیروز والا کے زیراہتمام منعقدہ ’’ختم نبوت کانفرنس‘‘ سے خطاب کرتے ہوئے ڈاکٹر حسین محی الدین قادری نے کہا نبی اکرم ﷺ وجۂ تخلیق کائنات ہیں، آپ ﷺ کائنات کا مرکز اور اس کی روح ہیں۔ اللہ تعالیٰ نے تخلیقِ آدم کے وقت حضرت آدم علیہ السلام میں جو روح پھونکی وہ نورِ محمدی ﷺ ہی تھا۔ نبوتِ محمدی ﷺ کا فیصلہ تخلیقِ آدم سے قبل ہوچکا تھا۔ آپ ﷺ انبیاء علیہم السلام کے اوّلین بھی ہیں اور آخرین بھی ہیں۔

10 ستمبر 2022ء

منہاج ویلفیئر فاؤنڈیشن کی طرف سے سوات میں 800 متاثرہ خاندانوں میں راشن پیکج تقسیم

منہاج ویلفیئر فاؤنڈیشن کی طرف سے سوات میں 800 متاثرہ خاندانوں میں راشن پیکج تقسیم

منہاج ویلفیئر فاؤنڈیشن کی طرف سے سوات میں 800 سیلاب سے متاثرہ خاندانوں میں راشن اور دیگر ضروریات زندگی کی اشیاء تقسیم کی گئی۔ منہاج ویلیفیئر فاؤنڈیشن کے رضا کاروں نے سوات کے علاقوں بحرین، گبین جبہ، مدین، کالام میں راشن بیگ، بستر گرم کپڑے تقسیم کئے۔ اس موقع پر صدر عوامی تحریک خیبر پختون خواہ عثمان علی نے گفتگو کرتے ہوئے کہا کہ سوات اور ملحقہ متاثرہ 20 ہزار خاندانوں میں راشن تقسیم کریں گے۔

10 ستمبر 2022ء

شیخ الاسلام ڈاکٹر محمد طاہرالقادری کی ضیاء الحق رازی سے تعزیت

شیخ الاسلام ڈاکٹر محمد طاہرالقادری کی ضیاء الحق رازی سے تعزیت

شیخ الاسلام ڈاکٹر محمد طاہرالقادری کے پرسنل ریسرچ اسسٹنٹ شیخ محمد ضیاء الحق رازی کے کزن طویل علالت کے بعد قضائے الٰہی سے انتقال کر گئے ہیں، انا للہ وانا الیہ راجعون۔ مرحوم کے انتقال پر شیخ الاسلام ڈاکٹر محمد طاہرالقادری نے اظہار تعزیت کرتے ہوئے دعا کی ہے کہ اللہ رب العزت مرحوم کے درجات بلند فرمائے اور ان کے اہل خانہ کو صبر جمیل عطا فرمائے۔

09 ستمبر 2022ء

منہاجینز رہنماوں کی ڈاکٹر حسین محی الدین قادری سے ملاقات

منہاجینز رہنماوں کی ڈاکٹر حسین محی الدین قادری سے ملاقات

منہاجینز پارلیمنٹ کے اجلاس کے سلسلہ میں جواد حامد (سینیئر نائب صدر منہاجینز) نے صدر منہاج القرآن انٹرنیشنل ڈاکٹر حسین محی الدین قادری کے ساتھ منہاج یونیورسٹی لاہور میں ملاقات کی۔ اس موقع پر محمد شہزاد رسول قادری (نائب صدر منہاجینز)، محمد وسیم افضل قادری (ناظم منہاجینز) اور محمد سعید اختر بھی موجود تھے۔

09 ستمبر 2022ء

منہاج موبائل میڈیکل یونٹ کا سیلاب متاثرین کیلئے مفت علاج معالجہ

منہاج موبائل میڈیکل یونٹ کا سیلاب متاثرین کیلئے مفت علاج معالجہ

منہاج ویلفیئر فاؤنڈیشن کے زیراہتمام منہاج موبائل میڈیکل یونٹ متاثرہ علاقوں میں کام کر رہا ہے، جہاں حالیہ سیلاب سے بے گھر ہونے والے خاندانوں کیلئے قائم کی گئی خیمہ بستیوں اور ان کے گرد و نواح کے متاثرینِ سیلاب کو روزانہ کی بنیاد پر طبی سہولیات اور مفت ادویات فراہم کی جا رہی ہیں۔ منہاج موبائل میڈیکل یونٹ میں باقاعدہ ڈاکٹر اور ماہرین کی ٹیمیں متاثرہ مریضوں کا چیک اپ کر رہی ہیں، مرض کی تشخیص کے بعد مریضوں کو مفت دوائیاں بھی فراہم کی جا رہی ہیں۔

08 ستمبر 2022ء

بلوچستان: جعفرآباد میں سیلاب متاثرین کے لیے منہاج ویلفیئر فاؤنڈیشن کا فری میڈیکل کیمپ

بلوچستان: جعفرآباد میں سیلاب متاثرین کے لیے منہاج ویلفیئر فاؤنڈیشن کا فری میڈیکل کیمپ

منہاج ویلفیئر فاونڈیشن کے زیراہتمام جعفرآباد میں سیلاب متاثرین کے لیے فری میڈیکل کیمپ کا انعقاد کیا گیا، جہاں 320 مریضوں کا چیک اپ کیا گیا اور انہیں مفت ادویات بھی فراہم کی گئیں۔ اس موقع پر منہاج ویلفیئر فاؤنڈیشن کے رضاکاران سیلاب سے متاثرہ علاقوں میں امدادی کام سرانجام دے رہے ہیں۔ بلوچستان میں یہ وہ علاقے ہیں، جہاں سیلاب کی وجہ سے بہت زیادہ تباہی ہوئی اور بلوچستان کے ایسے اضلاع تک پہنچنا بھی انتہائی مشکل تھا۔

08 ستمبر 2022ء

ریڈیو پاکستان ٹورانٹو کے نمائندہ خصوصی محمد ارشد بھٹی کا مرکزی سیکرٹریٹ کا دورہ

ریڈیو پاکستان ٹورانٹو کے نمائندہ خصوصی محمد ارشد بھٹی کا مرکزی سیکرٹریٹ کا دورہ

ریڈیو پاکستان ٹورانٹو کے نمائندہ خصوصی اور ڈائریکٹر ٹورانٹو 360 ٹی وی محمد ارشد بھٹی نے منہاج القرآن کے مرکزی سیکرٹریٹ کا دورہ کیا، اس موقع پر انہوں نے ناظم اعلیٰ منہاج القرآن انٹرنیشنل خرم نواز گنڈاپور سے ملاقات بھی کی۔ یہاں ڈائریکٹر فارن افیئرز منہاج القرآن انٹرنیشنل جی ایم ملک اور محمد اشرف بھٹی بھی موجود تھے۔ معزز مہمانوں نے مرکزی سیکرٹریٹ کے مختلف شعبہ جات، جامع شیخ الاسلام اور فریدِ ملت ریسرچ انسٹیٹیوٹ کا دورہ بھی کیا۔

07 ستمبر 2022ء

سندھ: ایم ایس ایم کی سیلاب متاثرین کیلئے امدادی مہم

سندھ: ایم ایس ایم کی سیلاب متاثرین کیلئے امدادی مہم

منہاج ویلفیئر فاؤنڈیشن کے زیراہتمام مصطفوی سٹوڈنٹس موومنٹ کے رضا کاروں نے سندھ گمبٹ میں سیلاب سے متاثرہ سینکڑوں خاندانوں میں راشن، مچھر دانیاں، چارپائیاں، ترپالیں، برتن، پانی اور گھریلو ضروریات کا دیگر سامان تقسیم کیا۔ اس موقع پر MSM کے مرکزی صدر چوہدری عرفان یوسف، صدر MSM سندھ علی قریشی، زوار حسین انقلابی اور منہاج ویلفیئر فاؤنڈیشن کے رضاکاربھی موجود تھے۔

07 ستمبر 2022ء

جعفرآباد: منہاج ویلفیئر فاؤنڈیشن کا متاثرین میں فوڈ پیک کی تقسیم

جعفرآباد: منہاج ویلفیئر فاؤنڈیشن کا متاثرین میں فوڈ پیک کی تقسیم

منہاج ویلفیئر فاؤنڈیشن کے زیراہتمام بلوچستان کے ضلع جعفر آباد میں سیلاب متاثرین میں فوڈ پیک تقسیم کیے گئے۔ کنٹری ڈائریکٹر منہاج ویفلیئر فاؤنڈیشن سید امجد علی شاہ اور حافظ وقار قادری نگران تنظیمات بلوچستان نے متاثرین سیلاب میں راشن، پینے کا صاف پانی اور ضروریات کی زندگی کی اشیاء تقسیم کیں۔

07 ستمبر 2022ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top