تحریک منہاج القرآن پاکستان کی اہم خبریں

مٹیاری (سندھ): انٹرنیشنل مشائخ امن کانفرنس

مٹیاری (سندھ): انٹرنیشنل مشائخ امن کانفرنس

ڈاکٹر حسن محی الدین قادری نے امن کانفرنس سے خطاب کرتے ہوئے کہا کہ یہ وقت خانقاہوں سے نکل کر رسم شبیری ادا کرنے کا ہے، اگر مزید وقت ضائع کیا گیا تو دین دشمن قوتیں پہلے ہی اسلام کا پرامن چہرہ مسخ کرنے کے درپے ہیں۔ آج جو تصور دین پوری دنیا میں اور نوجوان نسل کے سامنے پیش کیا جا رہا ہے اس کا اسلامی تعلیمات سے کوئی تعلق نہیں، اسلام جبر کی تعلیم نہیں دیتا بلکہ کردار کے ذریعے دین کی تبلیغ کی تعلیم پر زور دیتا ہے۔

25 مارچ 2014ء

گوجرہ: پاکستان عوامی تحریک کی مہنگائی، بیروزگاری، کرپشن اور دہشت گردی کے خلاف احتجاجی ریلی

گوجرہ: پاکستان عوامی تحریک کی مہنگائی، بیروزگاری، کرپشن اور دہشت گردی کے خلاف احتجاجی ریلی

پاکستان عوامی تحریک پاکستان کے مرکزی صدر شیخ زاہد فیاض نے ریلی سے خطاب کرتے ہوئے کہا کہ یہ نام نہاد جمہوری حکمران جن کا نعرہ تھا کہ ہم ہوم ورک کر کے آئے ہیں، ملک سے بے روزگاری، غربت اور دہشت گردی آتے ہی ختم کر دیں گے مگر افسوس کہ آج مہنگائی، بیروزگاری اور دہشت گردی پہلے سے کہیں زیادہ بڑھ گئی ہے۔ آج ملک و قوم کے بچے بھوک سے مررہے ہیں اور کوئی ان کا حال پوچھنے والا نہیں ہے۔

22 مارچ 2014ء

حیدرآباد: اسلام آباد لانگ مارچ اذان انقلاب تھی اور اب اقامت انقلاب کا وقت قریب آن پہنچا ہے۔ ڈاکٹر حسن قادری کا ورکرز کنونشن سے خطاب

حیدرآباد: اسلام آباد لانگ مارچ اذان انقلاب تھی اور اب اقامت انقلاب کا وقت قریب آن پہنچا ہے۔ ڈاکٹر حسن قادری کا ورکرز کنونشن سے خطاب

ڈاکٹر حسن محی الدین قادری نے حیدرآباد سندھ میں ورکرز کنونشن سے خطاب کرتے ہوئے کہا کہ ہم نے 14 جنوری اسلام آباد لانگ مارچ کے موقع پر اپنا کردار پوری دنیا کے سامنے رکھ دیا کہ لاکھوں افراد کی موجودگی میں کوئی ایک تشدد کا واقعہ رونما نہیں ہوا، یہ سب ہمارے عظیم قائد کی تعلیمات ہیں۔ وہ اذان انقلاب تھی اور اب اقامت انقلاب کا وقت قریب آن پہنچا ہے۔ ہم سنار کی ٹھک ٹھک کے قائل نہیں بلکہ اب لوہار کی ایک ہی چوٹ مار کر ایک پرامن انقلاب برپا کر کے ہی لوٹیں گے، ہم حکمرانوں اور ان کے حواریوں کو متنبہ کرتے ہیں کہ قوم کو ان کے حقوق لوٹا دیں اور ان کی عزتوں کی حفاظت کے اقدامات کریں۔

26 مارچ 2014ء

گوجرہ: منہاج القرآن ویمن لیگ کے زیراہتمام تنظیمی اجلاس

گوجرہ: منہاج القرآن ویمن لیگ کے زیراہتمام تنظیمی اجلاس

منہاج القرآن ویمن لیگ کے زیراہتمام تحصیلی آفس گوجرہ میں اہم اجلاس کا انعقاد کیا گیا جس میں خصوصی شرکت مرکزی سیکرٹریٹ لاہور سے محترمہ سیدہ شازیہ مظہر نے کی۔ اجلاس کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے کیا گیا۔ اس موقع پر صدر اور ناظمہ ویمن لیگ گوجرہ بھی موجود تھیں۔ اجلاس میں مصطفوی کارکنان کو انقلابی جانثاران کی تیاری کے حوالے سے خصوصی بریف کیا گیا۔

26 مارچ 2014ء

گجرات: ایم ایس ایم کے زیراہتمام بیدارئ شعور طلبہ ریلی

گجرات: ایم ایس ایم کے زیراہتمام بیدارئ شعور طلبہ ریلی

مصطفوی سٹوڈنٹس موومنٹ گجرات کے زیراہتمام بیدارئ شعور طلببہ ریلی کا انقعاد کیا گیا جس میں طلبہ کی کثیر تعداد نے شرکت کی۔ ریلی کی قیادت مصطفوی سٹوڈنٹس موومنٹ کے مرکزی صدر چوہدری عرفان یوسف نے کی۔ ریلی اندورن شہر سے ہوتی ہوئی پریس کلب گجرات پر اختتام پذیر ہوئی، اس دوران مصطفوی سٹوڈنٹس موومنٹ ڈسٹرکٹ گجرات کے عہدیداران اپنی بھرپور تقریروں سے طلباء کے جذبات کو گرماتے رہے۔ اس موقع پر مرکزی صدر چوہدری عرفان یوسف نے طلباء سے خطاب بھی کیا۔

25 مارچ 2014ء

نا اہل سیاستدانوں نے قرارداد پاکستان کی حقیقت کو فراموش کر کے بانی پاکستان قائد اعظم رحمۃ اللہ علیہ کی روح کو تکلیف دی: خرم نواز گنڈاپور

نا اہل سیاستدانوں نے قرارداد پاکستان کی حقیقت کو فراموش کر کے بانی پاکستان قائد اعظم رحمۃ اللہ علیہ کی روح کو تکلیف دی: خرم نواز گنڈاپور

پاکستان عوامی تحریک کے سیکر ٹری جنرل خرم نواز گنڈا پور نے کہا ہے کہ بانی پاکستان قائد اعظم رحمۃ اللہ علیہ جیسا مخلص، درد مند اور انتھک محنت کرنے والا لیڈر میسر ہو تو کرہ ارضی پر ملک حاصل کرنا بھی ممکن ہو جاتا ہے اور اگر قیادت کا بحران رہے تو 66 سال بعد بھی ملکی بقا ہی سب سے بڑا مسئلہ رہتا ہے۔ پاکستان میں کسی بھی حکمران نے اداروں کے استحکام پر توجہ نہیں دی۔ فرد کو طاقتور اور سیاسی پارٹیوں پر مخصوص خاندانوں کی اجارہ داری قائم رکھنے پر توانائیاں خرچ کی گئیں۔ قرارداد پاکستان کا مقصد صرف علیحدہ ریاست حاصل کرنا نہ تھا بلکہ ایک ایسا آزاد اور خود مختار ملک حاصل کرنا تھا جس میں مسلمان اپنے عقائدکے مطابق اندرونی اور بیرونی دباؤ سے آزاد ہو کر عمل کر سکیں۔

23 مارچ 2014ء

ہر پاکستانی کو کرپٹ نظام کے خاتمے کی جہد مسلسل کا حصہ بننے کا عہد کرنا ہو گا، یوم پاکستان کے موقع پر ڈاکٹر طاہر القادری کا پیغام

ہر پاکستانی کو کرپٹ نظام کے خاتمے کی جہد مسلسل کا حصہ بننے کا عہد کرنا ہو گا، یوم پاکستان کے موقع پر ڈاکٹر طاہر القادری کا پیغام

ڈاکٹر محمد طاہر القادری نے یوم پاکستان کے موقع پر اپنے پیغام میں کہا ہے کہ آج ہم تکمیل پاکستان کی جدوجہد سے تحفظ پاکستان تک اس لئے آ گئے ہیں کہ نظریہ پاکستان کی روح کمزور ترین ہو گئی ہے۔ دہشت گردی، انتہا پسندی اور نام نہاد جمہوریت کے لبادے میں نااہل سیاستدانوں کی وجہ سے پچھلی کئی دہائیوں سے نظریہ پاکستان پر حملے ہورہے ہیں۔ آج پاکستان کی نظریاتی و جغرافیائی سرحدوں کو خطرات لاحق ہیں، آج ہر پاکستانی کو موجودہ کرپٹ نظام کے خاتمے کی جہد مسلسل کا حصہ بننے کا عہد کرنا ہو گا تا کہ ملک میں حقیقی جمہوریت کا سویرا طلوع ہو سکے۔

23 مارچ 2014ء

منہاج القرآن ویمن لیگ کا پنجاب اور خیبر پختونخواہ کی طرف انقلابی سفر

منہاج القرآن ویمن لیگ کا پنجاب اور خیبر پختونخواہ کی طرف انقلابی سفر

منہاج القرآن ویمن لیگ کا دو رکنی وفد 12 مارچ تا 18 مارچ 2014ء پنجاب اور خیبر پختونخواہ کی مختلف تحصیلات میں انقلاب کا پیغام لے کر گیا۔ اس وفد میں مرکزی ناظمہ منہاج القرآن ویمن لیگ محترمہ راضیہ نوید اور مرکزی ناظمہ دعوت محترمہ سیدہ نازیہ مظہر شامل تھیں۔ جن علاقوں میں پروگرام کا انعقا د کیا گیا ان میں تحصیل جہلم، دینہ، گوجرخان، دولتالہ، چکوال، کلرکہار، چوآسیدن شاہ، ہری پور، حویلیاں، ایبٹ آباد، مانسہرہ اور پشاور شامل تھے۔ ان پروگرامزمیں کارکنان کی کثیر تعداد نے شرکت کی۔

18 مارچ 2014ء

ڈاکٹر طاہرالقادری نے کرپٹ نظام کو مسترد کر کے حقیقی تبدیلی کی راہ دکھائی۔ ڈاکٹر حسن محی الدین قادری

ڈاکٹر طاہرالقادری نے کرپٹ نظام کو مسترد کر کے حقیقی تبدیلی کی راہ دکھائی۔ ڈاکٹر حسن محی الدین قادری

ڈاکٹر حسن محی الدین قادری نے کہا کہ بدقسمتی سے پاکستان اس وقت دنیا کے کرپٹ ترین ممالک کی صف میں کھڑا نظر آتا ہے۔ اندھیروں کا اتنا راج ہے کہ اس بہار کے موسم میں بھی لوگوں کے پاس نہ بجلی ہے نہ پانی اور نہ روزگار۔ انتہا پسندی اور دہشت گردی نے قوم کی نیندیں اڑا رکھی ہیں۔ قرضوں کی معیشت دم توڑتی جا رہی ہے اور معیشت کو سہارا دینے کیلئے نئے قرضے لئے جا رہے ہیں۔ ڈاکٹر طاہر القادری نے اس نازک صورتحال میں بھی حقیقی رہنمائی کا فریضہ ادا کیا ہے۔ انہوں نے اس کرپٹ نظام کو مسترد کر کے حقیقی تبدیلی کی راہ دکھائی ہے۔

17 مارچ 2014ء

کراچی: پاکستان عوامی تحریک (ویمن ونگ) کے زیراہتمام عوامی احتجاج

کراچی: پاکستان عوامی تحریک (ویمن ونگ) کے زیراہتمام عوامی احتجاج

منہاج القرآن ویمن لیگ کراچی کی صدر تسبیحہ شفیق نے مہنگائی، کرپشن، دہشت گردی اور نجکاری کے خلاف منعقدہ احتجاجی ریلی سے خطاب کرتے ہوئے کہا کہ آئینِ پاکستان کے قانون کے آرٹیکلD38 کے مطا بق ریاستِ پاکستان کی ذمہ داری ہے کے وہ عوام کو انکے بنیادی حقوق روٹی، کپڑا، تعلیم، صحت اور روزگار مہیا کرے، قائدِاعظم نے پہلی قانون ساز اسمبلی سے خطاب کرتے ہوئے فرمایا تھا کہ اگر پاکستان کو ایک عظیم مملکت بنانا ہے تو وسائل کو یکساں بنیادوں پر منصفانہ طریقے سے کروڑوں عوام میں تقسیم کرنا ہونگے، جبکہ پاکستان میں جمہوریت کے نام پر چند خاندانوں نے اپنی آمریت قائم کی ہوئی ہے، جو قیامِ پاکستان سے لے کر اب تک غریبوں کا استحصال کرتے آرہے ہیں۔

19 مارچ 2014ء

بجلی کی قیمتوں میں اضافے اور مہنگائی کے خلاف یوتھ لیگ کا احتجاجی مظاہرہ

بجلی کی قیمتوں میں اضافے اور مہنگائی کے خلاف یوتھ لیگ کا احتجاجی مظاہرہ

لاہور () پاکستان عوامی تحریک یوتھ ونگ کے زیراہتمام بجلی کی قیمتوں میں حالیہ اضافے، مہنگائی، بیروزگاری، بدامنی اور کرپشن کے خلاف مال روڈ پر پنجاب اسمبلی کے سامنے پرامن احتجاجی مظاہرہ کیا گیا۔ پاکستان عوامی تحریک کے مرکزی سیکرٹری کوآرڈینیشن ساجد محمود بھٹی نے احتجاجی مظاہرہ میں خصوصی طور پر شرکت کی۔ مظاہرے کی قیادت مرکزٰ صدر محمد شعیب طاہر نے کی۔ مظاہرین سے خطاب کرتے ہوئے یوتھ ونگ کے مرکزی صدر محمد شعیب طاہر نے کہا کہ بجلی کی قیمتوں میں حالیہ اضافے، مہنگائی، بیروزگاری اور بدامنی نے غریب عوام کی کمر توڑ کر رکھ دی ہے۔ حالیہ اضافہ غریب عوام کی توقعات کے بالکل برعکس ہے۔

18 مارچ 2014ء

دہشت گردی کے ناسور سے نجات کے لئے انقلابی اقدامات کی ضرورت ہے۔ ڈاکٹر حسین محی الدین قادری کا امن کانفرنس سے خطاب

دہشت گردی کے ناسور سے نجات کے لئے انقلابی اقدامات کی ضرورت ہے۔ ڈاکٹر حسین محی الدین قادری کا امن کانفرنس سے خطاب

ڈاکٹر حسین محی الدین القادری نے امن کانفرنس سے خطاب کرتے ہوئے کہا کہ پاکستان سے دہشت گردی کے ناسور سے نجات کے لئے انقلابی اقدامات کی ضرورت ہے جو موجودہ حکمرانوں میں نہیں ہے، ہر کوئی جانتا ہے کہ بدامنی کا ذمہ دار کون ہے، امن کے لئے کی جانے والی کاوشیں کامیاب نہ ہو سکیں، اس ملک میں جانوں کے ضیاع کی رفتار بڑھتی جارہی ہے۔ پاکستان میں دہشت گردی کے خاتمے کے لئے منصوبے بنے، آپریشن بھی ہوئے مگر افسوس اس سنگین نوعیت کے مسئلے کے مستقل حل کے لئے کوئی ٹھوس حکمت عملی نہیں اپنائی گئی۔

16 مارچ 2014ء

ظالم حکمرانوں کی عدم توجہی اور نا اہلی کی بدولت آج ہزاروں نرسیں سڑکوں پر ہیں، عائشہ شبیر کا مال روڈ پر نرسوں کے دھرنے سے خطاب

ظالم حکمرانوں کی عدم توجہی اور نا اہلی کی بدولت آج ہزاروں نرسیں سڑکوں پر ہیں، عائشہ شبیر کا مال روڈ پر نرسوں کے دھرنے سے خطاب

پاکستان عوامی تحریک ویمن ونگ کی مرکزی رہنماء عائشہ شبیر نے کہا ہے کہ ظالم حکمرانوں کی عدم توجہی اور نا اہلی کی بدولت آج ہزاروں نرسیں سڑکوں پر ہیں۔ مقدس پیشے سے وابستہ حوا کی ان بیٹیوں کے جائز مطالبات کی شنوائی نہیں ہو رہی۔ حکومت کے ایسے غیر سنجیدہ اقدامات ملکی تباہی میں آخری کیل ثابت ہونگے۔ اگر حکمرانوں نے نرسوں کے جائز مطالبات کو پورا نہ کیا تواپنی ان بہنوں کے ساتھ مل کر پورے ملک میں احتجاجی تحریک چلائی جائے گی۔ قوم کی خدمت کرنے والی بیٹیوں پر لاٹھی چارج اور وحشیانہ تشدد بہت بڑا ظلم ہے۔

15 مارچ 2014ء

لاہور: نیشنل پیس اینڈ ہارمنی نیٹ ورک پاکستان کے زیراہتمام بین المذاہب مشاورتی اجلاس میں ڈائریکٹر انٹرفیتھ ریلیشنز کی شرکت

لاہور: نیشنل پیس اینڈ ہارمنی نیٹ ورک پاکستان کے زیراہتمام بین المذاہب مشاورتی اجلاس میں ڈائریکٹر انٹرفیتھ ریلیشنز کی شرکت

نیشنل پیس اینڈ ہارمنی نیٹ ورک پاکستان کے زیراہتمام بین المذاہب مشاورتی اجلاس ایمبیسیڈر ہوٹل لاہور میں منعقد ہوا، جس کی صدارت آرچ بشپ آف کیتھولک چرچ لاہور، آرچ بشپ سبسٹین فرانسس شاؤ نے کی۔ ڈائریکٹر انٹرفیتھ ریلیشنز منہاج القرآن انٹرنیشنل سہیل احمد رضا نے وفد کے ہمراہ شرکت کی۔ اجلاس میں پاکستان کی تمام مذہبی اقلیتوں کے رہنماؤں جن میں بہائی لیڈر ڈاکٹر روحیا مفیدی، سردار ترنجیت سنگھ، ڈاکٹر جیمز چنن، ڈاکٹر مرقس فدا، مسیحی ایم پی اے طارق مسیح گل جاوید ولیم، یوئل بھٹی، پنڈت ہارون سراب ڈیال نے بھی شرکت کی۔

14 مارچ 2014ء

قحط متاثرین تھرپارکر میں راشن کی تقسیم

قحط متاثرین تھرپارکر میں راشن کی تقسیم

منہاج ویلفیئر فاؤنڈیشن کا وفد متاثرین تھر کے لیے امدادی سامان کے 10 ٹرک لے کر پہنچا، جہاں وفد نے مٹھی، کوٹ اسلام، ننگرپارکر، چھاچھورہ کے متاثرہ علاقوں میں امدادی سامان تقسیم کیا، جس میں آٹا، چاول، کوکنگ آئل، چینی، سرخ مرچ، دال چنا، بسکٹ، دودھ، نمک اور ڈیڑھ لیٹر کی 30 پانی کی بوتلیں فی خاندان شامل ہیں۔

11 مارچ 2014ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top