تحریک منہاج القرآن پاکستان کی اہم خبریں

بہاولپور: مصطفوی سٹوڈنٹس موومنٹ کا ARY نیوز پر مقدمے کیخلاف مظاہرہ

بہاولپور: مصطفوی سٹوڈنٹس موومنٹ کا ARY نیوز پر مقدمے کیخلاف مظاہرہ

صطفوی سٹوڈنٹس موومنٹ اسلامیہ یونیورسٹی بہاولپور نے 27 اگست 2013 کو اے آر وائی نیوز کی حمایت اور بلوچستان حکومت کے آمرانہ رویے کیخلاف مظاہرہ کیا۔ اس موقع پر طلبہ رہنماوں نے خطاب کرتے ہوئے کہا کہ بلوچستان حکومت نے آزادی صحافت کو سلب کرنے کا آغاز کیا ہے، ان کا یہ فعل خلاف آئین اور میڈیا پر شب خون مارنے کے مترادف ہے۔ تمام رہنماؤں نے ARY نیوز چینل کو سچ کی آواز بلند کرنے پر خراج تحسین پیش کیا۔

26 اگست 2013ء

ARY نیوز کے ساتھ اظہار یکجہتی کیلئے پاکستان عوامی تحریک کے ملک بھر میں احتجاجی مظاہرے

ARY نیوز کے ساتھ اظہار یکجہتی کیلئے پاکستان عوامی تحریک کے ملک بھر میں احتجاجی مظاہرے

پاکستان عوامی تحریک نے ملک بھر میں ARY نیوز کے ساتھ اظہار یکجہتی کیلئے حکومت بلوچستان کے آمرانہ رویے کے خلاف مظاہرے کئے۔ آزادی صحافت سلب کرنے کے حکومت بلوچستان کے اقدام کے خلاف تمام بڑے شہروں کے پریس کلبز کے باہر احتجاجی مظاہرے کئے گئے جس میں پاکستان عوامی تحریک کے کارکنان اور عوام الناس نے ہزاروں کی تعداد میں شرکت کر کے الیکٹرونک میڈیا کے بانی ARY کے خلاف درج کئے جانیوالے مذموم مقدمے کے خلاف آواز اٹھائی۔

27 اگست 2013ء

منکرین ختم نبوت کے لئے پیر مہر علی شاہ رحمۃ اللہ علیہ کی سیف جلی چلتی رہے گی، ڈاکٹر حسن محی الدین قادری

منکرین ختم نبوت کے لئے پیر مہر علی شاہ رحمۃ اللہ علیہ کی سیف جلی چلتی رہے گی، ڈاکٹر حسن محی الدین قادری

ڈاکٹر حسن محی الدین قادری نے تاجدار ختم نبوت کانفرنس کے شرکاء سے خطاب کرتے ہوئے کہا ہے کہ منکرین ختم نبوت کے لئے تاجدار گولڑہ حضرت پیر مہر علی شاہ رحمۃ اللہ علیہ کی سیف جلی چلتی رہے گی اور تاجدارگولڑہ پیر مہر علی شاہ کا فیضان پوری امت کے لئے تاقیامت جاری و ساری رہے گا۔

25 اگست 2013ء

تبدیلی چاہنے والے ڈاکٹر طاہرالقادری کی آواز پر لبیک کہتے ہوئے انقلاب کی راہ کے مسافر بن جائیں، ڈاکٹر حسن قادری

تبدیلی چاہنے والے ڈاکٹر طاہرالقادری کی آواز پر لبیک کہتے ہوئے انقلاب کی راہ کے مسافر بن جائیں، ڈاکٹر حسن قادری

ڈاکٹر حسن محی الدین قادری نے کہا ہے کہ ملک کو ایسی قیادت کی ضرورت ہے جو قوم کے مفاد میں بڑی سے بڑی طاقت کے سامنے کلمہ حق کہنے کی جرات رکھتا ہو۔ انہوں نے کہا کہ ڈاکٹر طاہرالقادری کی صورت میں قوم کو ایک جرات مند اور حقیقی قیادت میسر آچکی ہے، اب ہر پاکستانی پر یہ فرض عائد ہوتا ہے کہ اگر حقیقی تبدیلی چاہتا ہے تو ڈاکٹر طاہرالقادری کی آواز پر لبیک کہتے ہوئے ایک کروڑ نمازیوں کی صف میں شامل ہو کر انقلاب کی راہ کا مسافر بن جائے۔

25 اگست 2013ء

شیخ الاسلام کا گوشہ درود کی پُرشکوہ عمارت منارۃ السلام کا افتتاح

شیخ الاسلام کا گوشہ درود کی پُرشکوہ عمارت منارۃ السلام کا افتتاح

تحریک منہاج القرآن کے گوشہ درود کی پُرشکوہ عمارت منارۃ السلام کی تعمیر مکمل ہو چکی ہے، جس کا افتتاح شیخ الاسلام ڈاکٹر محمد طاہرالقادری نے اپنے دست مبارک سے کیا۔ اس موقع پر شیخ الاسلام نے کہا کہ تحریک منہاج القرآن کے مرکز پر قائم گوشہء درود آقا دو جہاں صلی اللہ علیہ وآلہ وسلم کی بہت بڑی کرم نوازی ہے، جس کی عمارت کا آج افتتاح ہو رہا ہے۔ گوشہء درود حرمین شریفین کے بعد روئے زمین پر وہ واحد مقام ہے جہاں چوبیس گھنٹے سال کے 365 دن ہر لمحہ حضور نبی اکرم صلی اللہ علیہ وآلہ وسلم کی بارگاہ میں درود و سلام کے نذرانے پیش کیے جاتے ہیں۔

22 اگست 2013ء

اپیل برائے متاثرین سیلاب

اپیل برائے متاثرین سیلاب

وطن عزیز میں شدید بارشوں کا سلسلہ جاری ہے اور دریاؤں میں طغیانی کی وجہ سے ملک کے اکثر علاقے شدید سیلاب کی زد میں ہیں اور ہزار ہا لوگ اپنی املاک سے محروم ہو چکے ہیں اور کھلے آسمان کے نیچے بے یار و مددگار زندگی گزارنے پر مجبور ہیں۔

15 اگست 2013ء

نظریاتی قومیں صرف دفاع کیلئے نہیں بلکہ اپنی فکر کے عالمگیر فروغ کیلئے جیا کرتی ہیں۔ ڈاکٹر طاہر القادری

نظریاتی قومیں صرف دفاع کیلئے نہیں بلکہ اپنی فکر کے عالمگیر فروغ کیلئے جیا کرتی ہیں۔ ڈاکٹر طاہر القادری

پاکستان عوامی تحریک کے قائد ڈاکٹر محمد طاہر القادری نے 67ویں یوم آزادی پر قوم کے نام پیغام میں کہا ہے کہ نظریاتی قومیں صرف دفاع کیلئے نہیں بلکہ اپنی فکر کے عالمگیر فروغ کیلئے جیا کرتی ہیں۔ آزادی کی خوشی منانا زندہ قوموں کا شیوہ ہے۔ آج خوشی کے ساتھ ساتھ ہمیں انفرادی اور اجتماعی طور پر خود احتسابی کے رویوں کو پروان چڑھانے پر بھی محنت کرنا ہو گی۔

14 اگست 2013ء

مختلف مذاہب کے راہنماؤں کی ڈاکٹر طاہرالقادری سے ملاقات اور عید کی مبارکباد

مختلف مذاہب کے راہنماؤں کی ڈاکٹر طاہرالقادری سے ملاقات اور عید کی مبارکباد

مختلف مذاہب کے پیروکاروں کے نمائندوں پر مشتمل وفد نے شیخ الاسلام ڈاکٹر محمد طاہرالقادری کی رہائش گاہ پر عید کے دن ملاقات کی۔ انہوں نے پھولوں کے گلدستے پیش کرتے ہوئے شیخ الاسلام کو عید کی مبارکباد دی۔ وفد میں سکھ راہنما سردار بش سنگھ (چیئرمین بابا گرونانک جی ویلفیئر سوسائٹی)، سردار رنجیت سنگھ، سردار پنڈت بھگت لال، ہندو راہنما، مسیحی راہنما فادر پاسکل پولوس، بہائی فیتھ کے راہنما یوسف بجنوری شامل تھے۔

09 اگست 2013ء

شہراعتکاف 2013 کا اختتامی روز، شیخ الاسلام کی رقت آمیز دعا

شہراعتکاف 2013 کا اختتامی روز، شیخ الاسلام کی رقت آمیز دعا

تحریک منہاج القرآن کے زیراہتمام 23واں سالانہ شہراعتکاف 8 اگست 2013ء کو چاند نظر آنے پر مکمل ہوگیا ہے۔ فہم دین، اصلاح احوال، توبہ اور آنسوئوں کی بستی میں شیخ الاسلام ڈاکٹر محمد طاہرالقادری نے اختتامی دعا کرائی، اس موقع پر ہرآنکھ پرنم تھی۔ شہر اعتکاف میں معتکفین نے اپنے ایمانی جوش وجذبہ سے شرکت کی اور شیخ الاسلام ڈاکٹر محمد طاہرالقادری کے ایمان افروز دروس تصوف سنے۔ معتکفین کی تعلیم وتربیت کا خاص اہتمام کیا گیا تھا۔

08 اگست 2013ء

شہر اعتکاف 2013: عورت کو تعلیم سے دور رکھنا ظلم ہے۔ شیخ الاسلام

شہر اعتکاف 2013: عورت کو تعلیم سے دور رکھنا ظلم ہے۔ شیخ الاسلام

شیخ الاسلام نے معتکفین و معتکفات سے "خواتین اور بیویوں کے حقوق" پر خطاب کرتے ہوئے کہا کہ بنیادی طور پر عورت کے حقوق بھی مرد کے برابر ہیں۔ عورت کے ساتھ مودت، محبت اور ادب سے پیش نہ آنا غیر اسلامی عمل ہے۔ ہمارے معاشرے کا عالم یہ ہے کہ مرد، عورت کے حقوق کو سرے سے مانتا ہی نہیں۔ بلکہ دیہاتوں میں تو یہ غلط رواج ہے کہ مرد، عورت کو اپنی جوتی سمجھتے ہیں۔

07 اگست 2013ء

ستائیسویں شب کا عالمی روحانی اجتماع 2013ء (شب توبہ)

ستائیسویں شب کا عالمی روحانی اجتماع 2013ء (شب توبہ)

شیخ الاسلام نے لیلۃ القدر کے عالمی روحانی اجتماع کے شرکاء سے خطاب کرتے ہوئے کہا کہ لوگو، آج ہم طالبان دنیا ہو گئے، ہمارے قول اور عمل جھوٹے ہو گئے۔ ہماری محبتیں جھوٹی ہو گئیں، ہمارے ارادے جھوٹے رہ گئے۔ آئو اس راہ پر پلٹ آئو جس راہ پر اللہ کی محبت، قربت اور صدق ملتا ہے۔ جوانو، آو آج اپنی زندگیاں بدل لو۔ ایسی زندگی بنا لو، جس سے اگلے زمانوں کی جھلک نظر آئے۔ جس سے اللہ تعالیٰ کو ایسا صدق نظر آئے کہ وہ ہماری توبہ قبول کر لے۔

06 اگست 2013ء

شہر اعتکاف 2013: والدین کے حقوق کی ادائیگی جہاد کرنے سے افضل ہے، شیخ الاسلام

شہر اعتکاف 2013: والدین کے حقوق کی ادائیگی جہاد کرنے سے افضل ہے، شیخ الاسلام

شہر اعتکاف لاہور میں شیخ الاسلام ڈاکٹر محمد طاہرالقادری نے والدین اور قرابت داروں کے حقوق پر خطاب کرتے ہوئے کہا کہ اللہ تعالیٰ نے قرآن مجید میں بہت تصریح کے ساتھ والدین کے حقوق کی ادائیگی کا حکم دیا ہے۔ حدیث مبارکہ کا حوالہ دیتے ہوئے آپ نے کہا کہ ماں باپ کی خدمت کرنا اور بڑھاپے میں ان کا دل بہلانے کے لیے خوبصورت باتیں کرنے کا درجہ اور ثواب جہاد کے برابر ہے۔

05 اگست 2013ء

شہر اعتکاف 2013: محفل قرات و خطاب شیخ الاسلام

شہر اعتکاف 2013: محفل قرات و خطاب شیخ الاسلام

شیخ الاسلام نے معتکفین و معتکفات سے خطاب کرتے ہوئے کہا کہ سیدنا مولا علی المرتضیٰ نے فرمایا کہ کوئی شخص بھی قرآن کے ساتھ ہم نشین ہو اور قرآن کی صحبت اختیار کر ے۔ قرآن کو محبت کے ساتھ سنے، پڑھے اور قرآن کی مجلس میں بیٹھے تو دو چیزیں لے کر اٹھے گا۔ ایک تو ہدایت بڑھ چکی ہوگی اور دوسرا گمراہی کم ہو چکی ہوگی۔ انہوں نے کہا کہ قرآن کسی کو خالی دامن اپنی مجلس سے نہیں اٹھنے دیتا۔

03 اگست 2013ء

معاشرے کا سکون اس لئے اجڑ گیا کہ غالب ترین اکثریت کے دلوں پر نفس کا قبضہ ہو چکا۔ نوشابہ ضیاء

معاشرے کا سکون اس لئے اجڑ گیا کہ غالب ترین اکثریت کے دلوں پر نفس کا قبضہ ہو چکا۔ نوشابہ ضیاء

دل کے گھر کو محبت الہٰی اور محبت رسول صلی اللہ علیہ وآلہ وسلم سے معمور کرنے کی جدوجہد ہر مسلمان کی اولین ترجیح ہونا چاہیے۔ محبت کے راستے پر چلنے کی ابتدا توبہ سے ہوتی ہے۔ سابقہ گناہوں کا اعتراف کر کے گریہ و زاری اور ندامت و شرمندگی سے اللہ سے معافی مانگنا اور گناہوں سے ہمیشہ کیلئے برات کرنا توبہ ہے۔ اللہ کے حضور عام مسلمان کا اعتراف گناہ کرنا توبہ کہلاتا ہے، جبکہ اولیاء کرام اور عرفاء کی توبہ "انابہ" کہلاتی ہے اور انبیاء کرام کی توبہ کو "اوبہ" کہتے ہیں۔ نظر آنے والے گناہوں کا علاج نظر آنے والے نیک اعمال سے کیا جاتا ہے۔

03 اگست 2013ء

دسمبر میں تاریخ ساز جلسہ اور جنوری میں لانگ مارچ کر کے اذان دی تھی، جماعت ہونا ابھی باقی ہے، ڈاکٹر طاہرالقادری

دسمبر میں تاریخ ساز جلسہ اور جنوری میں لانگ مارچ کر کے اذان دی تھی، جماعت ہونا ابھی باقی ہے، ڈاکٹر طاہرالقادری

ڈاکٹر محمد طاہر القادری نے کہا ہے کہ دسمبر میں تاریخ ساز جلسہ اور جنوری میں لانگ مارچ کر کے اذان دی تھی، جماعت ہونا ابھی باقی ہے۔ موذن اذان دے کر جماعت کھڑی ہونے تک چپ رہتا ہے۔ ہم چھوٹے چھوٹے نان ایشوز میں نہیں الجھنا چاہتے۔ ایک کروڑ نمازی تیار ہو جائیں گے تو اقامت کہہ کر کھڑے ہو جائینگے۔ جس دن جماعت قائم ہو گی باطل خس و خاشاک کی طرح بہہ جائے گا۔ اللہ کے فضل اور نبی کریم صلی اللہ علیہ وآلہ وسلم کی نسبت کے صدقے ہمارا عزم جوان ہے۔ پاکستان عوامی تحریک سنار کی ٹھک ٹھک پر یقین نہیں رکھتی، وقت آنے پر ایک ہی ضرب لگائیں گے۔ اسکے بعد ظلم و استبداد اور گمراہی کے بادل چھٹ جائیں گے۔

03 اگست 2013ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top