گجرات: منہاج ویلفیئر فاؤنڈیشن کے زیر اہتمام اجتماعی شادیوں کی تقریب

گجرات: 17 جون 2013ء بروز پیر منہاج ویلفیئر فاؤنڈیشن گجرات کے زیر اہتمام پانچ یتیم اور مستحق بچیوں کی اجتماعی شادی کا پروگرام قندفشان بینکوئٹ ہال گلزار مدینہ چوک گجرات میں منعقد کیا گیا۔ جس میں 600 سے زائد مہمان مدعو کئے گئے۔ ان میں شہر بھر کے کاروبارہ، سماجی اور سیاسی شخصیات نے بھرپور طریقے سے شرکت کی۔

معززین شہر کے علاوہ ضلع بھر کی تنظیمات کے عہدیداران اور مقامی یونین کونسلز کے عہدیداران کے ساتھ ساتھ دولہوں اور دلہنوں کے عزیز و عقارب بھی پروگرام میں شریک تھے۔

پروگرام کا آغاز تلاوت کلام پاک اور نعت رسول مقبول صلی اللہ علیہ وآلہ وسلم سے کیا گیا۔ خطبہ استقبالیہ صدر تحریک جناب پروفیسر علامہ مظہر حسین قادری نے دیا جس میں مہانوں کا شکریہ ادا کرنے کے ساتھ ساتھ MWF کے اغراض و مقاصد اور اسکے ملک بھر اور مقامی سطح پر چلنے والے پروجیکٹس کا تفصیلی ذکر کیا گیا۔

بعد ازاں مہمان خصوصی پیر سید فرحت حسین شاہ مرکزی ناظم علماء کونسل نے اپنے خیالات کا اظہار فرمایا اور خطبہ نکاح کے بعد نو بیاہتہ جوڑوں کی نئی زندگی کے سفر پر خصوصی دعا فرمائی۔ کھانے کے بعد دولہوں اور دلہنوں کو بالترتیب بٹھا کر عرفان القرآن، المنہاج السوی، فیوضات محمدیہ اور تحریک منہاج القرآن کے تعارفی سی ڈیز کا سیٹ اور پانچ پانچ ہزار فی کس نقد رقم بطور تحفہ حضور شیخ الاسلام پروفیسر ڈاکٹر محمد طاہر القادی مد ظلہ العالی کی جانب سے نا صرف پیش کیا گیا بلکہ تمام جوڑوں کی تاحیات رفاقت کے فارم بھی حاجی ارشد جاوید وڑائچ کی طرف سے پر کروائے گئے۔ اور ان کو رخصت کیا گیا۔

 

 

 

جو سامان دلہن کو دیا گیا ہے ان کی تفصیل درج ذیل ہے۔

فہرست سامان جہیز برائے دلہن