ڈاکٹر حسن محی الدین قادری کا G-9 مرکز میں تحریک منہاج القرآن اسلام آباد کے زونل آفس کا افتتاح
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے G-9 مرکز میں تحریک منہاج القرآن اسلام آباد کے زونل آفس کا افتتاح کیا۔
اس موقع پر گفتگو کرتے ہوئے چیئرمین سپریم کونسل نے تحریک منہاج القرآن کے جملہ فورمز کے ذمہ داران و کارکنان کو نئے زونل آفس کی تکمیل پر مبارکباد دی، انہوں نے کہا کہ یقیناً یہ مرکز اللہ رب العزت، حضور تاجدارِ کائنات، اسلام اور پاکستان کے پیغام کو پھیلانے میں نہ صرف اپنا موثر کردار ادا کرے گا بلکہ معاشرے کے جملہ طبقہ ہائے زندگی کے لیے بھی خیر و برکت کا باعث بنے گا، اللہ رب العزت ہم سب کو دین اسلام کی ترویج و اشاعت کے لیے خدمات کرنے کی توفیق عطا فرمائے۔
زونل آفس میں تحریک منہاج القرآن کے جملہ فورمز پاکستان عوامی تحریک، منہاج ویمن لیگ، منہاج یوتھ لیگ، مصطفوی سٹوڈنٹس موومنٹ اور ذیلی ڈیپارٹمنٹس کے دفاتر کے ساتھ ساتھ کانفرنس ہال بھی شامل ہے۔
اس موقع پر ناظم اعلیٰ نظام المدارس پاکستان ڈاکٹر میر آصف اکبر قادری، محمد حفیظ اعوان زونل صدر، عرفان محمد خان زونل ناظم، میر اشتیاق، منیر اعجاز، حنیف آرائیں، سردار جاوید، ابرار رضا ایڈووکیٹ، کرنل خالد، انار خان گوندل، محمد یسین ایڈووکیٹ، سید انجم شاہ بخاری، علامہ عبدالرحمن، عثمان امین، ابرار قریشی، حسیب اعوان، سلمان کریم، نصرت امین، روزینہ ریاض سمیت ذمہ داران موجود تھے۔
تبصرہ