سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج سسٹرز لیگ ڈنمارک کی ٹیم نے چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری کے ساتھ خصوصی تربیتی و روحانی نشست کا انعقاد کیا، جس میں منہاج القرآن انٹرنیشنل ڈنمارک زون ون کے صدر سید محمود شاہ، منہاج القرآن ڈنمارک کے صدر ڈاکٹر عرفان ظہور اور دیگر عہدیدار بھی موجود تھے۔ چیئرمین سپریم کونسل نے اظہار خیال کرتے ہوئے کہا کہ خواتین کی ترقی کے بغیر معاشرہ ادھورا ہے۔ انہوں نے کہا کہ اسلام نے خواتین کو معاشرتی ترقی میں نمایاں مقام دیا ہے۔ اسلام ہی نے خواتین کے حقوق کا اصل محافظ ہے۔
منہاج القرآن ویمن لیگ ڈنمارک کے زیراہتمام 3 دسمبر 2016 کو منہاج القرآن اسلامک سینٹر ویلبی میں محفلِ میلاد النبی صلی اللہ علیہ وآلہ وسلم کا انعقاد کیا گیا جس میں خواتین اور بچوں کی بڑی تعداد نے شرکت کی۔ محفل کا آغاز تلاوتِ قرآنِ پاک سے ہوا جس کی سعادت میمونہ رحمٰن نے حاصل کی۔ شبانہ احمد نے حمد باری تعالیٰ پیش کی، جبکہ کوکب اپل، مریم ارشاد اور وحیدہ ملک نے آقائے کائنات صلی اللہ علیہ وآلہ وسلم کی بارگاہ میں عقیدت کے پھول نچاور کیے۔ نقابت کے فرائض شازیہ رانا نے احسن انداز میں سرانجام دئیے۔
منہاج القرآن ویمن لیگ ڈنمارک کے زیراہتمام شہدائے کربلا کی یاد میں سالانہ ’’شہادت امام حسین کانفرنس‘‘ 22 اکتوبر 2016ء نارتھ ویسٹ میں منعقد ہوئی۔ محفل میں کوپن ہیگن کے گرد و نواح سے خواتین اور چھوٹے بچوں نے کثیر تعداد میں شرکت کی۔ کانفرنس کا باقاعدہ آغاز تلاوت قرآن مجید سے ہوا، جس کی سعادت موسی مصطفی اور سجل خان نے حاصل کی۔ خدیجہ سجاد نے حمد باری تعالیٰ شبانہ احمد نے نعت مبارکہ پڑھی۔
کوپن ہیگن: منہاج القرآن ویمن لیگ ویلبے نے 21 اگست 2016 کو مقامی پارک میں مینابازار کا اہتمام کیا جس میں پاکستانی کمیونٹی سمیت ڈینش اور دوسرے ممالک کے تارکینِ وطن کی فیملیز نے بڑی تعداد میں شرکت کی۔ مینا بازار کا مقصد جامع مسجد منہاج القرآن ویلبے کی تزئین و آرائش کے لیے فنڈ ریزنگ کرنا تھا۔ مینا بازار کے انعقاد میں منہاج القرآن انٹرنیشنل ڈنمارک کے مختلف شعبہ جات کلیدی کردار ادا کیا۔
منہاج القرآن انٹرنیشنل ڈنمارک کے مرکز منہاج اسلامک سینٹر نارتھ ویسٹ کوپن ہیگن میں منہاج القرآن ویمن لیگ نے پہلی بار خواتین کے لیے مسنون اعتکاف کا اہتمام کیا جس میں پچاس سے زائد خواتین نے مسنون اور 27 رمضان المبارک سے کچھ خواتین نے نفلی اعتکاف کیا۔ معتکفات اپنے کمسن بچوں کے ساتھ اعتکاف میں شریک ہوئیں۔ کم عمر معتکفین میں ایک سالہ حسان جنید، حسان عرفان، ماہ نور عرفان، محمد احسان رانا، آمنہ حبیب اور میمونہ سراج شامل تھے۔
منہاج القرآن ویمن لیگ ویلبی کے زیراہتمام 13 رمضان المبارک کو عظیم الشان ’سیدہ فاطمہ الزہرہ علیہا السلام کانفرنس‘ کا انعقاد کیا گیا جس میں خواتین اور بچوں کی بڑی تعداد نے شرکت کی۔ کانفرنس کا آغاز تلاوتِ قرآن پاک سے ہوا جس کی سعادت منہاج اسلامک سنٹر کی طالبات زویا علی اور مبشرہ ظہیر احمد نے حاصل کی۔ شبانہ احمد نے حمد باری تعالٰی، رومانہ کیانی، ہاجرہ شاہ، نیلم علی، ماہ رخ علی، میمونہ رحمان، ماہ نور علی، زینب ظہور احمد، سمیرہ اور عائشہ ارم احمد نے نعت رسول مقبول صلیٰ اللہ علیہ وآلہ وسلم کا نذرانہ پیش کیا۔ روش قیصر نے اردو میں سیدہ فاطمہ الزہرہ سلام اللہ علیہا کی شخصیت پر گفتگو کی۔
صدر منہاج ویمن یورپین کونسل محترمہ سمیرا فیصل نے معراج النبی صلی اللہ علیہ وآلہ وسلم کے موضوع پر مدلل خطاب کیا۔ انہوں نے سفر معراج کی حکمتوں پر روشی ڈالی اور بتایا کہ اللہ رب العزت نے اپنے حبیب مکرم صلی اللہ علیہ وآلہ وسلم کو اس وقت اپنی ملاقات کا شرف بخش کر آپ صلی اللہ علیہ وآلہ وسلم کی ہمت و ڈھارس بندھائی جب آپ صلی اللہ علیہ وآلہ وسلم اپنی زوجہ محترمہ حضرت خدیجہ رضی اللہ عنہا اور حضرت ابو طالب رضی اللہ عنہ کی وفات سے انتہائی غمزدہ تھے۔
آج کے اس پرفتن دور میں جیسے جیسے امت مسلمہ کے قلوب و اذہان سے روح محمدی صلی اللہ علیہ وآلہ وسلم نکالنے کے لئے شیطانی حملوں میں اضافہ ہو رہا ہے ویسے ویسے الحمدللہ اپنے ھادی و آقا صلی اللہ علیہ وآلہ وسلم سے محبت کرنے والوں میں بھی اضافہ ہو تا جا رہا ہے اسکا ثبوت میلادالنبی صلی اللہ علیہ وآلہ وسلم میں ایک کثیر تعداد میں شریک خواتین و یوتھ نے اپنی شرکت سے دیا۔
منہاج القرآن ویمن لیگ ڈنمارک کے زیر اہتمام مورخہ 04 مئی 2014 کو سالانہ معراج النبی صلی اللہ علیہ وآلہ وسلم کانفرنس منعقد ہوئی جس میں خواتین اور یوتھ کی کثیر تعداد نے شرکت کی۔نقابت کے فرائض یوتھ لیگ کی صدر طیبہ کوثر نے احسن طورپر سرانجام دیئے۔
سمیرا فیصل نے مشن کے اغراض و مقاصد پر مفصل روشنی ڈالی اور کہا کہ منہاج القرآن کا اہم مقصد معاشرے میں ایک ایسی تبدیلی لانا ہے جس سے ہماری اخلاقی اور روحانی قدریں زندہ ہوسکیں اور امت مسلمہ اپنا کھویا ہوا وہ وقار اور عزت حاصل کر سکے جو اسکو آقا صلی اللہ علیہ وآلہ وسلم نے عطا فرمایا تھا۔ آج کے دور میں لوگوں کا اللہ تعالیٰ اور اسکے رسول صلی اللہ علیہ وآلہ وسلم اور قرآن سے تعلق یا تو ٹوٹ گیا ہے یا کمزور ہو گیا ہے۔
مورخہ 8 فروری منہاج القرآن ویمن لیگ ڈنمارک نے عید میلاد النبی صلی اللہ علیہ وآلہ وسلم کانفرنس کا انعقا د کیا، جس میں نظامت کے فرائض مسرت ظہور یوتھ کی صدر نے انجام دئیے۔ قرآت کی سعادت محترمہ حافظہ مبشرہ ظہیر نے حاصل کی، حمد باری تعالیٰ فرحت قادری نے پیش کی، عقیدت کے پھول سلمیٰ، حنا اور عظمیٰ نے نچھاور کئے۔
ذکر حسین رضی اللہ عنہ ذکر مصطفی صلی اللہ علیہ وآلہ وسلم ہے اور محبت حسین رضی اللہ عنہ محبت مصطفی صلی اللہ علیہ وآلہ وسلم ہے۔ انہوں نے کہا کہ آقا ء علیہ السلام کا ارشاد گرامی ہے کہ حسین رضی اللہ عنہ مجھ سے ہے اور میں حسین رضی اللہ عنہ سے ہوں۔ جس نے حسن رضی اللہ عنہ اور حسین رضی اللہ عنہ سے محبت کی گویا اس نے حضور نبی اکرم صلی اللہ علیہ وآلہ وسلم سے محبت کی اور جس نے نبی کریم صلی اللہ علیہ وآلہ وسلم سے محبت کی اس نے اللہ سے محبت کی۔
منہاج القرآن انٹرنیشنل جہاں مسلمانان عالم کی دینی اور مذہبی راہنمائی کا فریضہ انجام دے رہی ہے وہیں تعلیم کے میدان میں بھی گرانقدر خدمات انجام دینے کا شاندار ریکارڈ رکھتی ہے۔ رقبے اور آبادی کے لحاظ سے چھوٹا ملک ہونے کے باوجود ڈنمارک میں منہاج القرآن کے چار مستقل سنٹرز مسلم بچوں کی تعلیمی و تربیت کا کام احسن طریقے سے کررہے ہیں۔
منہاج القرآن ویمن لیگ اور سسٹر لیگ ڈنمارک کے زیر اہتمام مورخہ 23جون کومنعقدہ ملک گیر ورکرز کنونشن سے منہاج القرآن انٹرنیشنل کی فیڈرل کونسل کے صدر ڈاکٹر حسین محی الدین قادری نے خصوصی خطاب کیا۔ منہاج القرآن ڈنمارک کے چاروں مراکز کی ویمن لیگ، سسٹر لیگ اور متحرک خواتین کارکنان نے شرکت کی۔
شعبہء تعلیمات منہاج القرآن ڈنمارک انٹرنیشنل جہاں نصابی سرگرمیو ں کے ذریعے بچوں کو زیور تعلیم سے آراستہ کر رہا ہے وہیں غیر نصابی سرگرمیوں کی مدد سے بچوں کی ذہنی اور جسمانی نشوونماپر بھی خصوصی توجہ دی جاتی ہے۔ اسی مقصد کی خاطرکوپن ہیگن ٹی وی( مقامی ٹی وی لنک)ا ورریڈیو آپکی آواز کے تعاون سے یوم والدین کے موقع پر مرکز منہاج القرآن انٹرنیشنل ڈنمارک پربچوں کے لیے ایک خصوصی پروگرام ترتیب دیاگیا
3.8M
فیس بک
1.9M
ٹوٹر
© 1994 - 2024 Minhaj-ul-Quran International.
