منہاج القرآن ویمن لیگ پاکستان کی خبریں

شہر اعتکاف 2015: محترمہ غزالہ حسن قادری کا خواتین اعتکاف گاہ کا دورہ

شہر اعتکاف 2015: محترمہ غزالہ حسن قادری کا خواتین اعتکاف گاہ کا دورہ

محترمہ غزالہ حسن قادری نے خواتین اعتکاف گاہ اور مختلف رہائشی بلاکس کا دورہ کیا۔ اس موقع پر خواتین ان کے ساتھ گھل مل گئیں۔ معتکفات نے غزالہ حسن قادری کو اپنے درمیان پا کر خوشی کا اظہار کیا۔ محترمہ غزالہ حسن قادری نے خواتین سے گفتگو کرتے ہوئے ان کے مذہبی جذبے کو سراہا۔ ان کا کہنا تھا کہ خواتین کا اعتکاف کے لیے شہر اعتکاف کا رخ کرنا وہ بامقصد عمل ہے جو ان کی فکری و روحانی تربیت کا باعث بنے گا۔

10 جولائی 2015ء

شہر اعتکاف 2015 : خواتین اعتکاف گاہ میں محفل ذکر و نعت کا انعقاد

شہر اعتکاف 2015 : خواتین اعتکاف گاہ میں محفل ذکر و نعت کا انعقاد

منہاج ویمن لیگ نے خواتین شہراعتکاف میں 22 رمضان المبارک کی شب سالانہ محفل ذکر و نعت کا اہتمام کیا۔ طاق رات کی مناسبت منعقدہ یہ محفل نماز تروایح کے بعد شروع ہوئی اور سحری سے پہلے دو بجے تک جاری رہی۔ محفل ذکر و نعت کا باقاعدہ آغاز تلاوت قرآن مجید سے ہوا۔ سلسلہ نعت میں منہاج نعت کونسل اور اعتکاف میں شریک خواتین بہنوں نے اپنی خوبصورت آواز میں ثناء خوانی کی۔

10 جولائی 2015ء

خواتین اعتکاف گاہ کے تربیتی حلقہ جات

خواتین اعتکاف گاہ کے تربیتی حلقہ جات

شہر اعتکاف میں شرکاء کی علمی و روحانی تربیت کے لیے روزانہ تربیتی حلقہ جات کا انعقاد کیا جاتا ہے۔ خواتین اعتکاف گاہ میں منہاج ویمن لیگ کی اسکالرز خواتین شرکاء کو لیکچرز دیتی ہیں۔ تربیتی حلقہ جات کا انعقاد ظہر کی نماز کے بعد کیا جاتا ہے۔ ان حلقہ جات میں فکری، علمی اور فقہی موضوعات پر لیکچرز ہوتے ہیں۔ تربیتی حلقہ جات کے لیے باقاعدہ نصاب مقرر کیا گیا ہے۔

11 جولائی 2015ء

خواتین اعتکاف گاہ میں نماز جمعہ کا اجتماع

خواتین اعتکاف گاہ میں نماز جمعہ کا اجتماع

22 رمضان المبارک کو جمعۃ المبارک کا روحانی اجتماع منعقد ہوا، جس میں ہزاروں خواتین نے نماز جمعہ باجماعت ادا کی۔ خواتین کے لیے جمعہ کے اجتماع کا آغاز دوپہر ساڑھے بارہ بجے ہوا۔ اس موقع پر جامع المنہاج سے ڈاکٹر حسن محی الدین قادری کا جمعہ کے اجتماع سے خصوصی خطاب خواتین کے پنڈال میں بھی براہ راست دکھایا گیا۔

10 جولائی 2015ء

شہر اعتکاف 2015: محترمہ فضہ حسین قادری کی معتکفات کے ساتھ نشست

شہر اعتکاف 2015: محترمہ فضہ حسین قادری کی معتکفات کے ساتھ نشست

منہاج القرآن ویمن لیگ نے شہراعتکاف کی خواتین اعتکاف گاہ میں محترمہ فضہ حسین قادری کے ساتھ معتکفات کی نشست کا اہتمام کیا۔ محترمہ فضہ قادری نے معتکفات کے جذبے کو سراہتے ہوئے انہیں اللہ کے دین کی خدمت کرنے پر مبارکباد پیش کی۔ انہوں نے کہا کہ دین کی سربلندی اور فروغ و اشاعت کے لیے خواتین کا گھر سے باہر نکلنا حقیقی جہاد ہے۔

11 جولائی 2015ء

منہاج ویمن لیگ کے شہر اعتکاف میں ہزاروں خواتین شریک ہیں: فرح ناز

منہاج ویمن لیگ کے شہر اعتکاف میں ہزاروں خواتین شریک ہیں: فرح ناز

منہاج القرآن ویمن لیگ کی صدر، اعتکاف کمیٹی برائے خواتین کی سربراہ فرح ناز نے شہر اعتکاف میں خصوصی بات چیت کرتے ہوئے کہا کہ رواں سال آسٹریلیا، سپین، لندن کے ساتھ ساتھ اندرون ملک سے ہزاروں خواتین انتہائی جوش و خروش اور مذہبی عقیدت و احترام کے ساتھ شہر اعتکاف کا حصہ بنی ہیں۔ انہوں نے کہا کہ ہم صحافت اور سیاست سمیت زندگی کے ہر شعبہ سے وابستہ نامور خواتین کو دعوت دیتی ہیں کہ وہ شہر اعتکاف میں آ کر اعتکاف کی بابرکت ساعتوں اور پرنور مناظر کا اپنی آنکھوں سے مشاہدہ کریں۔

09 جولائی 2015ء

شہر اعتکاف 2015: خواتین اعتکاف گاہ میں منہاج فری میڈیکل کیمپ کا انعقاد

شہر اعتکاف 2015: خواتین اعتکاف گاہ میں منہاج فری میڈیکل کیمپ کا انعقاد

منہاج القرآن ویمن لیگ نے شہر اعتکاف 2015ء کی خواتین اعتکاف گاہ میں شرکت کرنے والی معتکفات کے لیے میڈیکل کیمپ قائم کیا ہے۔ ڈاکٹر نوشانہ حمید کی نگرانی میں کام کرنے والی میڈیکل کمیٹی اس میڈیکل کیمپ کی نگرانی کر رہی ہے۔ کیمپ کا مقصد معتکفات کو بروقت طبی سہولیات کی فراہمی ہے۔ میڈیکل کمیٹی کی سربراہی کلثوم قمر کر رہی ہیں۔ ان کے ہمراہ نائب سربراہ کی ذمہ داری حمیرا خالد نبھارہی ہیں۔ مرکزی کمیٹی کی معاونت کے لیے تمام اعتکاف گاہ کے تمام ہالز میں بھی میڈیکل کمیٹیاں تشکیل دی گئی ہیں۔

10 جولائی 2015ء

حضور صلی اللہ علیہ وآلہ وسلم نے فرمایا ’’اے علی تو مجھ سے اور میں تجھ سے ہوں‘‘ ڈاکٹر طاہرالقادری کا شہر اعتکاف سے خطاب

حضور صلی اللہ علیہ وآلہ وسلم نے فرمایا ’’اے علی تو مجھ سے اور میں تجھ سے ہوں‘‘ ڈاکٹر طاہرالقادری کا شہر اعتکاف سے خطاب

ڈاکٹر محمد طاہرالقادری نے معتکفین سے خطاب کرتے ہوئے کہا ہے کہ اصحاب رسول رضی اللہ عنہم اخوت و محبت کے لازوال رشتے میں بندھے ہوئے تھے، یہ عظیم انسان حضور صلی اللہ علیہ وآلہ وسلم کے براہ راست تربیت یافتہ تھے، انکی شخصیت کی تعمیل اور کردار کی تشکیل خود معلم اعظم حضور سرور کونین صلی اللہ علیہ وآلہ وسلم نے فرمائی تھی۔ حکمت اور دانائی حضور صلی اللہ علیہ وآلہ وسلم کے صحابہ کرام رضی اللہ عنہم کے گھر کی باندی تھی۔

08 جولائی 2015ء

منہاج القرآن ویمن لیگ نے خواتین اعتکاف گاہ میں انتظامات کو حتمی شکل دے دی

منہاج القرآن ویمن لیگ نے خواتین اعتکاف گاہ میں انتظامات کو حتمی شکل دے دی

منہاج القرآن ویمن لیگ کی صدر فرح ناز کی زیرِ صدارت شہرِاعتکاف 2015 کی تیاریوں کے سلسلے میں اعتکاف کی تمام کمیٹیوں کی میٹنگ ہوئی۔ میٹنگ میں تمام انتظامی کمیٹیوں نے اپنا لائحہ عمل پیش کیا اور اب تک مکمل ہو جانے والے انتظامات کا جائزہ لیا گیا۔

04 جولائی 2015ء

جہلم: شہدائے ماڈل ٹاؤن کے ایصال ثواب کے لئے قرآن خوانی کی تقریب

جہلم: شہدائے ماڈل ٹاؤن کے ایصال ثواب کے لئے قرآن خوانی کی تقریب

شہدائے ماڈل ٹاؤن نے اپنی جانوں کا نذرانہ دے کر جس انقلاب کی بنیاد رکھی ہے ہم اسے پائے تکمیل تک پہنچا کر دم لیں گے۔ شہداء کے ورثا نے حکومتی دولت کے بدلے اپنے خون کا سودا نہ کر کے غیرت، جرآت اور حب الوطنی کا ثبوت دیا۔ ہم شہداء کی قربانیوں کو رائیگاں نہیں جانے دیں گے۔ قاتلوں سے دیت نہیں عدل و انصاف کے تقاضوں کے مطابق قصاص لیں گے۔

17 جون 2015ء

مجلس وحدت المسلمین کے زیراہتمام ’’چھٹا مرج البحرین جشن‘‘، منہاج القرآن ویمن لیگ کے وفد کی شرکت

مجلس وحدت المسلمین کے زیراہتمام ’’چھٹا مرج البحرین جشن‘‘، منہاج القرآن ویمن لیگ کے وفد کی شرکت

محترمہ گلشن ارشاد نے اپنے خطاب میں سیدہ کائنات سلام اللہ علیہا کی شان بیان کرتے ہوئے کہا کہ سیدہ کائنات وہ ہستی ہیں جو تاجدار کائنات صلی اللہ علیہ وآلہ وسلم کے انوار صحبت سے بلا واسطہ اکتساب کرتی رہی ہیں۔ آپ حرم نبوی صلی اللہ علیہ وآلہ وسلم کے فیوضات کی قاسم و مختار ہیں۔ آپ لخت جگر رسول صلی اللہ علیہ وآلہ وسلم اور جنت کی عورتوں کی سردار ہیں۔

18 جون 2015ء

یوم شہداء سانحہ ماڈل ٹاؤن لاہور: تعزیتی و احتجاجی اجتماع

یوم شہداء سانحہ ماڈل ٹاؤن لاہور: تعزیتی و احتجاجی اجتماع

شہدائے ماڈل ٹاؤن کی سالانہ برسی اور احتجاجی اجتماع سے خطاب کرتے ہوئے ڈاکٹر طاہرالقادری نے کہا ہے کہ 24 گھنٹے کام کرنے اور جاگنے کا پروپیگنڈا کرنے والا وزیراعلیٰ 16 جون کی رات کو گہری نیند کیوں سو گیا؟ حکمران اپنی حرام کی دولت سے شہداء کا خون خریدنے گئے اور ان کے بچوں کے جوتے بھی نہ خرید سکے۔ جن کے ضمیر مردہ ہوں وہ تخت بچانے کیلئے ڈیلیں کرتے ہیں۔ ہمارے طرف سے ڈیل کرنے قبول کرنے اور تہمتیں لگانے والوں پر خدا کی لعنت ہو۔ ہمارے کارکن عشق مصطفی اور ایمان کی دولت سے مالا مال ہیں۔ اگر حکمرانوں کا دامن صاف ہے اور وہ سانحہ ماڈل ٹاؤن کی قتل وغارت گری کی منصوبہ بندی میں ملوث نہیں تو غیر جانبدار جے آئی ٹی کی تشکیل سے خوفزدہ کیوں ہیں اور جوڈیشل کمیشن کی رپورٹ شائع کیوں نہیں کرتے؟

16 جون 2015ء

عوامی تحریک کی خواتین کی طرف سے وزیراعلیٰ اور آئی جی کیلئے چوڑیوں کے تمغوں کا اعلان

عوامی تحریک کی خواتین کی طرف سے وزیراعلیٰ اور آئی جی کیلئے چوڑیوں کے تمغوں کا اعلان

پاکستان عوامی تحریک اور منہاج القرآن ویمن لیگ کی طرف سے لبرٹی چوک میں شہدائے ماڈل ٹاؤن تنزیلہ امجد اور شازیہ مرتضیٰ کی یاد میں شمعیں روشن کی گئیں۔ اس موقع پر خواتین رہنماؤں کی طرف سے 17 جون کو ماڈل ٹاؤن میں خواتین کے منہ پر گولیاں مار کر انہیں شہید کرنے پر وزیراعلیٰ پنجاب، وزیر قانون رانا ثناء اللہ، آئی جی پنجاب، ڈی آئی جی آپریشن اور ماڈل ٹاؤن آپریشن میں حصہ لینے والی پولیس نفری کیلئے چوڑیوں کا انعام دیا گیا۔ خواتین نے قاتل حکومت نہ منظور، انصاف دو یا مار دو کے فلک شگاف نعرے لگائے۔

10 جون 2015ء

محفل شب برات، روحانی اجتماع 2015

محفل شب برات، روحانی اجتماع 2015

شب برات کے روحانی اجتماع سے خصوصی خطاب کرتے ہوئے بانی و سرپرست اعلیٰ تحریک منہاج القرآن شیخ الاسلام ڈاکٹر محمد طاہرالقادری نے کہا کہ شعبان کی 15 ویں رات کو ’’شب برات‘‘ کہا جاتا ہے۔ ’’شب ‘‘کے معنی رات اور ’’برات ‘‘کے معنی چھٹکارے کے ہیں، اس بابرکت رات اللہ رب العزت قبیلہ بنی قلب کی بکریوں کی بالوں کی تعداد سے زیادہ گناہ گاروں کی بخشش فرماتا ہے۔ شعبان کی 15 ویں رات بخشش اور مغفرت کی رات ہے۔ ہماری دعائیں اس لیے قبول نہیں ہوتیں کہ ہم اللہ تعالیٰ کی نافرمانی سے باز نہیں آتے، دعا ایک اہم عبادت ہے اور اس کے علاوہ کوئی شے تقدیر کو بدل نہیں سکتی۔

02 جون 2015ء

جہلم: منہاج القرآن ویمن لیگ کے زیراہتمام ورکرز کنونشن کا انعقاد

جہلم: منہاج القرآن ویمن لیگ کے زیراہتمام ورکرز کنونشن کا انعقاد

منہاج القرآن ویمن لیگ تحصیل جہلم کی صدر صفیہ رفعت نے ویمن لیگ کی کارکردگی رپورٹ مرکزی نائب ناظمِ اعلیٰ احمد نواز انجم کو پیش کی جسے انہوں نے سراہا۔ اس موقع پر جدوجہدِ انقلاب اور انقلاب مارچ میں بہترین کاکردگی پر خواتین کارکنان میں اسناد اور شیلڈز تقسیم کی گئیں، اور آئندہ لائحہ عمل سے کارکنان کو آگاہ کیا گیا۔ صفیہ رفعت نے منہاج القرآن ویمن لیگ کی معاونت کرنے پر تمام فورمز کا شکریہ ادا کیا۔

06 جون 2015ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top