سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
الحمدللہ ہر سال کی طرح اس سال بھی ماہ ربیع النور کا چاند نظر آتے ہی MWL لیاری ٹاؤن، کراچی کے زیراہتمام محافل میلاد منعقد کی گئیں۔ لیاری کے مختلف علاقوں، گلی کوچوں، محلوں اور گھروں میں منہاج نعت کونسل سسٹرز لیاری نے محافل میلاد کو سجایا اور لیاری کی بہنوں کو عشق مصطفوی صلی اللہ علیہ وآلہ وسلم کے ترانے سنا کر ایمان کو تازگی بخشی اور نسبت مصطفی صلی اللہ علیہ وآلہ وسلم کی مضبوطی کا سامان مہیا کیا۔
تحریک منہا ج القرآن کراچی کے زیراہتمام موتی مسجد جہانگیر روڈ سے لیاقت آباد ڈاکخانہ تک میلاد مارچ نکالا گیا جس کی قیادت تحریک منہاج القرآن کراچی کے سید جمیل اشرف، ڈاکٹر جہانگیر مغل، صابر انصاری اور دیگر جید علماء ومشائخ کرام نے شرکت کی۔ اس موقع پر جمیل اشرف نے کہا کہ امت مسلمہ کو درپیش مسائل کا واحد حل حضور صلی اللہ علیہ وآلہ وسلم کی ذات سے تعلق عشق کی بحالی میں ہے اور اس تعلق کو بحال اور مضبوط کرنے کیلئے ماہ میلاد سے بڑھ کر کوئی مہینہ نہیں ہو سکتا۔
تحریک منہاج القرآن کی 30ویں سالانہ عالمی میلاد کانفرنس مینار پاکستان کے علاوہ وطن عزیز کے 250 شہروں میں منعقد کی گئی، جس میں لاکھوں خواتین وحضرات نے شرکت کی۔ بن قاسم ٹاؤن کراچی میں بھی ہزاروں عاشقان رسول صلی اللہ علیہ وآلہ وسلم نے شرکت کر کے آقائے دو جہاں صلی اللہ علیہ وآلہ وسلم سے اپنی عقیدت ومحبت کا اظہار کیا۔ اس موقع پر شیخ الاسلام ڈاکٹر محمد طاہر القادری کا ویڈیو لنک کے ذریعے خطاب سننے کے لیے بڑی سکرین کا انتظام کیا گیا تھا۔
تحریک منہاج القرآن کی 30ویں سالانہ عالمی میلاد کانفرنس مینار پاکستان کے علاوہ وطن عزیز کے 250 شہروں میں منعقد کی گئی، جس میں لاکھوں خواتین وحضرات نے شرکت کی۔ لیاری( کراچی) میں بھی ہزاروں عاشقان رسول صلی اللہ علیہ وآلہ وسلم نے شرکت کر کے آقائے دو جہاں صلی اللہ علیہ وآلہ وسلم سے اپنی عقیدت ومحبت کا اظہار کیا۔ اس موقع پر شیخ الاسلام ڈاکٹر محمد طاہر القادری کا ویڈیو لنک کے ذریعے خطاب سننے کے لیے بڑی سکرین کا انتظام کیا گیا تھا۔
تحریک منہاج القرآن کی 30 ویں سالانہ عالمی میلاد کانفرنس مینار پاکستان کے علاوہ وطن عزیز کے 250 شہروں میں جاری ہے، جس میں لاکھوں خواتین و حضرات شریک ہیں۔ اورنگی ٹاؤن کراچی میں بھی ہزاروں عاشقان رسول صلی اللہ علیہ وآلہ وسلم شریک ہو کر آقائے دو جہاں صلی اللہ علیہ وآلہ وسلم سے محبت کا اظہار کر رہے ہیں۔
مصطفوی سٹوڈنٹس موومنٹ کے مرکزی صدر چوہدری عرفان یوسف نے مورخہ 9 تا 12 جنوری 2014ء کراچی کا دورہ کیا، دورے میں سابق مرکزی صدر ایم ایس ایم پاکستان امجد حسین جٹ ان کے ہمراہ تھے۔ اپنے اس تنظیمی دورے میں انہوں نے لانڈھی ٹاؤن، بلدیہ ٹاؤن، بن قاسم ٹاؤن، لیاری ٹاؤن، شاہ فیصل ٹاؤن اور دیگر علاقوں کا دورہ کیا، جہاں مصطفوی سٹوڈنٹس موومنٹ کے کارکنان و وابستگان اور طلبہ سے ملاقاتیں بھی کیں۔
کراچی ایکسپو سنٹر میں نوویں انٹرنیشنل بُک فیئرمیں پاکستان بھر کے پبلشرز کے علاوہ تقریباً 30 ممالک کے پبلشرز نے بھی شرکت کی ہے۔ جس میں منہاج القرآن پبلشرکی طرف سے جامعۃ المنہاج لیاری اور تحریک منہاج القرآن لیاری ٹاؤن کے تعاون سے شیخ الاسلام ڈاکٹر محمد طاہرالقادری کی کتب و کیسٹ کا سٹال لگایا گیا۔
تحریک منہاج القرآن ومنہاج القرآن یوتھ لیگ اورنگی ٹاؤن کراچی کی جانب سے مختلف یوسیز، چوراہوں، روڈ، گلیوں اور بازاروں میں پروجیکٹر پروگرامز کے ذریعے بیدارئ شعور کا کام روزانہ کی بنیاد پر کیا جا رہا ہے۔ یہ پروگرامز گزشتہ دو ماہ سے زیادہ کے عرصہ سے جاری ہیں۔ ان پروگرامز کی بدولت اورنگی ٹاؤن میں سینکڑوں کی تعداد میں لوگ تحریک سے منسلک ہو چکے ہیں۔ پروگرام کا آغاز تلاوت کلام پاک اور نعت رسول مقبول صلی اللہ علیہ وآلہ وسلم سے کیا جاتا ہے۔
محترمہ شاہدہ نعمانی کو کراچی یونیورسٹی سے مورخہ 04 دسمبر 2013ء کو ڈاکٹریٹ کی ڈگری کی تکمیل پر شیخ الاسلام ڈاکٹر محمد طاہرالقادری نے مبارکباد دیتے ہوئے کہا کہ شاہدہ نعمانی منہاج القرآن انٹرنیشنل کی خواتین ونگ میں پی ایچ ڈی کی ڈگری حاصل کرنے والی پہلی خاتون ہیں جس پر منہاج القرآن ویمن لیگ اور دیگر کارکنان کو مبارکباد پیش کرتا ہوں۔
تحریک منہاج القرآن ویمن لیگ لیاری ٹاؤن کراچی کے زیراہتمام حلقہ درود وسلام کا انعقاد کیا گیا جس میں خواتین کی کثیر تعداد نےشرکت کی۔ حلقہ کا باقاعدہ آغاز تلاوت کلام پاک سے کیا گیا بعد ازاں تاجدار کائنات صلی اللہ علیہ وآلہ وسلم کی بارگاہ میں اجتماعی طور پر درود وسلام کے گجرے پیش کیے گئے۔ اس موقع پر ناظمہ منہاج القرآن ویمن لیگ لیاری ٹاؤن ریحانہ جاوید اور جملہ عہدیداران نے شرکت کی۔
منہاج القرآن ویمن لیگ لیاری ٹاؤن کراچی کے زیراہتمام 17 نومبر کو مصطفوی کارکنان کے لیے ٹریننگ ورکشاپ کا انعقاد کیا گیا جس میں کارکنان کی کثیر تعداد نے شرکت کی۔ تقریب کا باقاعدہ آغاز صحیفہ انقلاب کی آیات بینات سے کیا گیا بعد ازاں تاجدار کائنات صلی اللہ علیہ وآلہ وسلم کی بارگاہ میں گلہائے عقیدت نچھاور کیے گئے۔ اس موقع پر مسز ریحانہ جاوید ناظمہ لیاری ٹاون، مسز رضوانہ شاہد ناظمہ دعوت، ثمینہ عباس مصطفوی منہاج نعت کونسل نے خصوصی شرکت کی۔
تحریک منہاج القرآن اور منہاج القرآن یوتھ لیگ اورنگی ٹاؤن (کراچی) کے زیراہتمام کراچی شہر کے مختلف ٹاؤنز اور یونین کونسلز میں پروجیکٹر پروگرامز کا آغاز کر دیا گیا ہے، اس سلسلے کا ایک پروگرام 11 نومبر کو صابری چوک میں منعقد کیا گیا جس میں شیخ الاسلام ڈاکٹر محمد طاہر القادری کے بیدارئ شعور اور موجودہ سیاسی، سماجی اور کرپٹ نظام انتخاب سے متعلق خطابات، انٹرویوز اور شارٹ کلپس سنائے گئے۔ واضح رہے کہ پروگرامز کا انعقاد روزانہ کی بنیاد پر کیا جائے گا۔
تحریک منہاج القرآن ویمن لیگ اور ایم ایس ایم سسٹرز لیاری ٹاؤن (کراچی) کے زیراہتمام 12 نومبر کو پیغام امام حسین کانفرنس کا انعقاد کیا گیا جس میں خواتین کی کثیر تعداد نے شرکت کی۔ تقریب کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا بعد ازاں حضرت امام حیسن علیہ السلام کی بارگاہ میں منقبت پیش کی گئی۔ اس موقع پر رابعہ انور ناظمہ تربیت کراچی ڈویژن، مس انیلہ ناظمہ دعوت کراچی ڈویژن، ریحانہ جاوید ناظمہ لیاری ٹاؤن کراچی نے خصوصی شرکت کی۔
تحریک منہاج القرآن لیاری ٹاؤن (کراچی) کے زیراہتمام ایک کروڑ نمازیوں کے سلسلہ میں بیدارئ شعور ورکرز کنونشن کا انعقاد کیا گیا جس میں مرد و خواتین کی کثیر تعداد نے شرکت کی۔ تقریب کا باقاعدہ آغاز صحیفہ انقلاب کی آیات بینات سے کیا گیا، بعد ازاں تاجدار کائنات صلی اللہ علیہ وآلہ وسلم کی بارگاہ میں گلہائے عقیدت نچھاور کیے گئے۔ اس موقع پر صدر ایم ایس ایم کراچی لطافت اختر، نائب ناظم ڈسٹرکٹ ساؤتھ لیاری ٹاؤن محمد نواب، کوآرڈینیٹر لیاری ٹاؤن ایاز محمود بھی شریک تھے۔
شرکائے کانفرنس سے خطاب کرتے ہوئے راضیہ نوید (مرکزی ناظمہ منہاج القرآن ویمن لیگ) نے کہا کہ منہاج القرآن ویمن لیگ اسوہء سیدہ فاطمۃ الزہراہ رضی اللہ عنہا و سیدہ زینب رضی اللہ عنہا کی امین ہے۔ آج وقت نے ہمیں ایک ایسے دوراہے پر لاکھڑا کیا ہے جہاں ایک طرف حسینی کردار ہے تو دوسری طرف یزیدی۔ اب ہم پر منحصر ہے کہ ہم کون سی راہ اختیار کرنا چاہتے ہیں۔ میدانِ کربلا میں خانوادہ رسول صلی اللہ علیہ وآلہ وسلم کی شہادت کے بعد جس طرح سیدہ زینب رضی اللہ عنہا نے جرات مندی، ہمت اور حوصلہ کی مثال قائم کی ہے وہ امتِ مسلمہ کی خواتین کے لئے مشعلِ راہ ہے۔
3.8M
فیس بک
1.9M
ٹوٹر
© 1994 - 2024 Minhaj-ul-Quran International.
