سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
پاکستان عوامی تحریک شورکوٹ کے زیراہتمام کرپٹ نظام انتخاب کے خلاف موٹر سائیکل ریلی کا انعقاد کیا گیا جس میں لوگوں کی کثیر تعداد نے شرکت کی۔ ریلی کا آغاز دن 11 بجے ہوا اور تمام شہر کے چوکوں اور بازاروں سے ہوتی ہوئی دن 1 بجے اختتام پذیر ہوئی۔ ریلی کی صدارت صدر پاکستان عوامی تحریک شورکوٹ چوہدری محمد اعظم چٹھہ نے کی۔
گوشہ درود کی ماہانہ مجلس ختم الصلوۃ النبی صلی اللہ علیہ وآلہ وسلم سے خطاب کرتے ہوئے ڈاکٹر حسن محی الدین قادری نے کہا کہ اللہ تعالیٰ نے اپنے پیارے نبی محتشم حضور صلی اللہ علیہ وآلہ وسلم کو مسجد ضرار میں قیام نہ کرنے کا حکم محض تقویٰ اور آپ صلی اللہ علیہ وآلہ وسلم کے سراپا رحمۃ العالمین ہونے کی وجہ سے دیا۔
لاہور ایئرپورٹ پر میڈیا سے گفتگو کرتے ہوئے ڈاکٹر طاہر القادری نے کہا کہ 11 مئی کے انتخابات میں چہرے بھی نہیں بدلیں گے۔ قوم پہلے اس نظام سیاست کا بھیانک انجام دیکھ لے اس کے بعد میں قوم کو نیا نظام دوں گا۔ انہوں نے کہا کہ اس وقت ملک میں پرویز مشرف کے علاوہ کوئی نااہل نہیں ہے۔ کرپٹ الیکشن کمیشن نے ہر کرپٹ آدمی کو تحفظ دیا اور سب کو پاک صاف بناکر بھیج دیا۔ میری زبان سے ادا ہونے والا ایک ایک لفظ سچا ثابت ہوگیا۔
مرکزی نظامت تربیت اور منہاج القرآن ویمن لیگ واہگہ ٹاون کے زیراہتمام عرفان القرآن اسلامک سینٹر بلال کالونی بند روڈ میں 2 مئی 2013 کو بنیادی اسلامی عقائد کی پختگی کے لیے عرفان العقائد کورس کا آغاز کیاگیا ہے۔ اس کورس میں بنیادی اسلامی عقائد کی تعریفات، شرعی حکم اور ہر عقیدے پر چار چار قرآنی آیات اور صحاح ستہ سے چار چار احادیث نصاب میں شامل کی گئی ہیں۔
یوم مئی پر ڈاکٹرطاہرالقادری نے اپنے خصوصی پیغام میں کہا کہ اسلام نے مزدور کو جو حقوق دیئے، وہ دنیا کے کسی معاشی نظریہ میں نہیں۔ دوسری جانب پاکستان میں آج بھی مزدور کے حقوق مکمل طور پر بحال نہیں کیے گئے، بلکہ مزدور کا استحصال جاری ہے۔ ملک میں سرمایہ داری کے جن نے مزدور کو زندہ نگل لیا ہے۔
شیخ الاسلام ڈاکٹر محمد طاہرالقادری نے یوم شہداء پر اپنا خصوصی پیغام دیتے ہوئے کہا کہ پاکستان کی تاریخ شہداء کی قربانیوں سے بھری پڑی ہے۔ 30 اپریل پاک فوج کے شہداء کی عظیم قربانیوں کا دن ہے۔ 1948ء کا معرکہ ہو یا پھر 1965ء اور 1971ء کی جنگیں، سیاچین یا کارگل کے محاذ ہوں ہر جگہ فوج نے جانثاری، شجاعت اور بہادری کی تاریخ رقم کر کے ارض وطن کی حفاظت کی۔ ہم شہداء کے اس جذبہ حب الوطنی کو سلام پیش کرتے ہیں۔
ڈاکٹر محمد طاہرالقادری نے ARY News کے پروگرام "سوال یہ ہے" میں ڈاکٹر دانش کو War on Terror پر اپنے انٹرویو میں کہا کہ اس ملک میں فرقہ واریت کا فروغ بڑھا۔ اس ملک میں انتہاء پسندی کی ڈویلپمنٹ ہوئی، اس ملک میں ٹیررازم ہے۔ اور وہ ناقابل کنٹرول، ایک آفریت اور بھوت بن گیا۔ اس میں باہر کی فنڈنگ کا بہت بڑا رول ہے۔ یہاں میں بہت اہم بات کہنا چاہتا ہوں کہ غیر جانبدار کمیشن بنا کر تحقیق کی جائے اور ان تمام جماعتوں کو بین کر دیا جائے۔ ایسے تمام لیڈر جو مذہبی ہوں یا سیاسی ہوں۔ انہیں قومی مجرم قرار دے کر بلیک لسٹ کر دیا جائے۔
پاکستانی عوام اور ساری دنیا جان لے کہ پاکستان میں انتخابات کے نام پر فراڈ کیا جا رہا ہے۔ کراچی، کوئٹہ اور خیبر پختونخواہ میں دہشت گردی اور خون کی ہولی کھیلی جا رہی ہے، نہ عوام محفوظ ہیں نہ سیاست دان۔ کاروبار زندگی معطل ہے۔ خوف اور دہشت کے سائے میں عوام کا گھروں سے نکلنا محال ہے۔ ایسے میں صرف پنجاب کے الیکشن کو پورے پاکستان کے انتخابات قرار دینا پاکستان توڑنے کی سازش ہے۔ کوئی ذی شعور پاکستانی اور عالمی دنیا اسے غیر جانب دار الیکشن ماننے کو تیار نہیں ہوگی۔ ان خیالات کا اظہار ڈاکٹر محمد طاہرالقادری نے عالمی ورکرز کنونش سے خطاب کرتے ہوئے کیا۔
شیخ الاسلام ڈاکٹر محمد طاہرالقادری نے انٹرنیشنل ورکرز کنونش سے خطاب کرتے ہوئے کہا کہ آقا صلی اللہ علیہ وآلہ وسلم نے فرمایا کہ اس وقت تک قوم خیر پر رہے گی اور اس کے لیے خیر کا دروازہ بند نہیں ہو گا جب تک میری امت کا ایک عالم دین وہ اپنے اللہ کے دئیے ہوئے علم کے ذریعے قوم کو حق بتاتا رہے گا، خواہ وہ ایک ہی کیوں نہ ہو۔
ایرانی خانہ فرہنگ کلچر قونصلیٹ کے ایم ڈی ڈاکٹر عباس فاموری کی خصوصی دعوت پر ڈاکٹر حسین محی الدین قادری (صدر فیڈرل کونسل منہاج القرآن انٹرنیشنل) نے اعلیٰ سطحی وفد کے ہمراہ وزٹ کیا۔ وفد میں سہیل احمد رضا (ڈائریکٹر انٹرفیتھ ریلیشنز MQI)، ناصر اقبال ایڈووکیٹ، حسنین جاوید اور علامہ یاسر خان شامل تھے۔ کلچرل قونصلیٹ لاہور پہنچنے پر ڈاکٹر عباس فاموری نے پرتپاک استقبال کیا۔
منہاج القرآن انٹرنیشنل کینیڈا کے رہنماء احسن ارشاد پاکستان واپس پہنچ گئے ہیں۔ ناظم امور خارجہ جی ایم ملک، پاکستان عوامی تحریک کے ترجمان قاضی فیض الاسلام نے لاہور ائیرپورٹ پر ان کا استقبال کیا۔ اس موقع پر جی ایم اور قاضی فیض الاسلام نے معزز مہمان کو خوش آمدید کہتے ہوئے انہیں گلدستہ پیش کیا۔
شاعر مشرق علامہ محمد اقبال کے یوم وفات کے موقع پر ڈائریکٹر انٹرفیتھ ریلیشنز سہیل احمد رضا کی قیادت میں مزار اقبال پر حاضری دی گئی۔ اس دوران علامہ محمد اقبال کی روح کے ایصال ثواب کے لیے فاتحہ خوانی کی گئی اور شیخ الاسلام ڈاکٹر محمد طاہر القادری کی جانب سے مزار پر پھولوں کی چادر چڑھائی گئی۔
ڈاکٹر طاہرالقادری نے ریلی کے شرکاء سے خطاب کرتے ہوئے کہا کہ آج ادارے مل کر بدی اور شر کو تحفظ دے رہے ہیں۔ موجودہ کرپٹ نظام کے تحت ووٹ دینا بڑا گناہ ہو گا۔ 11 مئی کے بعد کی اسمبلیاں پائیدار حکومت تشکیل نہ دے سکیں گی۔ 11 مئی کے الیکشن سیاسی عیاشیوں کو تحفظ دینے کی سازش ہو گی۔ جعلی ڈگریوں کو حقیقی ڈگریاں قرار دیکر HEC کے منہ پر طمانچہ مارا گیا ہے اب ہائر ایجوکیشن کمیشن کو تالا لگا دینا چاہیے۔ ملک جمہوری آمریت کی گرفت میں ہے، زبانیں، قلم اور ضمیر خریدنے کی سازش ہو رہی ہے۔ میڈیا پر تسلسل سے اتنا جھوٹ بلوایا جا رہا ہے کہ آخر کار عوام اسی کو سچ سمجھنے پر مجبور بنا دئیے جائیں گے۔
ناظم تحریک منہاج القرآن الہ آباد شیخ ظفر اقبال جنید کے بھائی اور محمد نواز شریف منہاجین کے چچا جان بابا نور محمد قادری نوشاہی انتقال کر گئے۔ حادثہ مورخہ 15 اپریل 2013ء بروز سوموار کو ٹھینگ موڑ (الہ آباد) کنگن پور بائی پاس پر ہوا۔
عظیم اسکالر ڈین فیکلٹی آف شریعہ پنجاب یونی ورسٹی اور سابق چانسلر منہاج یونیورسٹی لاہور پروفیسر ڈاکٹر بشیر احمد صدیقی گزشتہ دن اس جہانِ فانی سے رختِ سفر باندھ کر مالک حقیقی کی طرف روانہ ہو گئے۔ مرحوم تحریک منہاج القرآن کے بانی و سرپرست اعلیٰ شیخ الاسلام ڈاکٹر محمد طاہر القادری کے اساتذہ میں سے تھے۔
4M
فیس بک
2M
ٹوٹر
© 1994 - 2025 Minhaj-ul-Quran International.
