تحریک منہاج القرآن پاکستان کی خبریں

کورونا: منہاج یوتھ لیگ حافظ آباد کی طرف سے راشن کی تقسیم

کورونا: منہاج یوتھ لیگ حافظ آباد کی طرف سے راشن کی تقسیم

کورونا وائرس کے باعث موجودہ صورت حال نے غریب، متوسط اور دیہاڑی دار طبقے کو بہت زیادہ متاثر کیا ہے، روزانہ اجرت پر کام کرنے والوں کیلئے روزی روٹی کا بندوبست کرنا مشکل ہو گیا ہے، وہ سب گھروں میں قید ہو کر رہ گئے ہیں۔ ایسی صورت حال میں ہم سب کا دینی، ملی اور اخلاقی فریضہ ہے کہ ہم حسب استطاعت ان کی مدد کریں۔ منہاج القرآن انٹرنیشنل دبئی کے رہنما صابر حسین گجر کے تعاون سے منہاج یوتھ لیگ نے اپنے ٹیم ورک کے ذریعے 60 گھروں تک 45 من راشن باعزت انداز میں پہنچایا۔

29 مارچ 2020ء

کورونا: منہاج ویلفیئر فاؤنڈیشن کی طرف سے فیصل آباد بھر میں ماسک اور سینی ٹائزر کی تقسیم

کورونا: منہاج ویلفیئر فاؤنڈیشن کی طرف سے فیصل آباد بھر میں ماسک اور سینی ٹائزر کی تقسیم

منہاج ویلفیئر فاوَنڈیشن فیصل آباد کے زیراہتمام پی پی 116 میں کروناوائرس کی آگاہی مہم میں، ملت چوک، نشاط آباد، مانانوالہ، ملک پور عوام میں 5000 ماسک اور 2000 سینی ٹائزر لوشن تقسیم کیے گئے۔ اس مہم میں پی پی 116کے عہدیداران، کارکنان، نے بھرپورحصہ لیا۔ اس موقع پر مرکزی نائب ناظم اعلیٰ انجینئر محمد رفیق نجم، رانا رب نوازانجم، علامہ عزیزالحسن، رانا طاہرسلیم نے گفتگو کرتے ہوئے کہا کہ انسانی جان کا تحفظ مقدس ترین فریضہ ہے، پاکستان سمیت پوری دنیا کو اس وقت ایک قدرتی وباء کا سامنا ہے، وباء کے نتیجے میں ہونیوالی ہلاکتیں افسوسناک انسانی المیہ ہے۔

28 مارچ 2020ء

ڈاکٹر طاہرالقادری کی وباء سے نجات کیلئے دعا

ڈاکٹر طاہرالقادری کی وباء سے نجات کیلئے دعا

قائد تحریک منہاج القرآن ڈاکٹر محمد طاہرالقادری نے کورونا وائرس کی وباء سے بچاؤ کیلئے خصوصی دعا کرتے ہوئے کہا کہ نماز اللہ کی ناراضگی کو دور کرتی ہے اور صدقہ و خیرات سے بلائیں ٹلتی ہیں، انسانیت مشکل میں ہے، ذخیرہ اندوز اشیاء ذخیرہ کر کے ہلاکت نہ خریدیں، کورونا وائرس کا ایک پہلو طبی ہے جبکہ دوسرا روحانی ہے، عالمگیر وباء اللہ کی ناراضگی ہے، امت نماز کی عادت پختہ کر کے اللہ کو راضی کرے۔ برے اعمال کو اچھے اعمال میں بدلیں، نوجوان فرصت کے لمحات میں ترجمے کے ساتھ قرآن مجید پڑھیں۔

27 مارچ 2020ء

کورونا: منہاج ویلفیئر فاؤنڈیشن کی ایبٹ آباد شہر میں ماسک کی تقسیم

کورونا: منہاج ویلفیئر فاؤنڈیشن کی ایبٹ آباد شہر میں ماسک کی تقسیم

منہاج ویلفیئر فاؤنڈیشن ایبٹ آباد مشکل کی اس گھڑی میں اپنے شہریوں کے شانہ بشانہ مدد کے لئے ہر لمحہ سرگرم ہے۔ منہاج ویلفیئر فاؤنڈیشن نے کورونا وبا سے بچاؤ کے لئے ہزاروں کی تعداد میں ماسک تیار کرنے میں مصروف ہے، ایبٹ آباد شہر میں ماسک کی فراہمی بھی شروع کر دی گئی ہے۔ اللہ پاک رضا کاران کی جملہ کاوشوں کو شرف قبولیت عطا فرمائے اور عالم انسانیت کو اس موذی وبا سے نجات عطا فرمائے۔

27 مارچ 2020ء

جان لیوا وباء کی صورت میں نماز گھر میں ادا ہو سکتی ہے: ڈاکٹر طاہرالقادری

جان لیوا وباء کی صورت میں نماز گھر میں ادا ہو سکتی ہے: ڈاکٹر طاہرالقادری

شیخ الاسلام ڈاکٹر محمد طاہرالقادری نے باجماعت نماز جمعہ کی ادائیگی کے احکامات کے موضوع پر خصوصی گفتگو کرتے ہوئے کہا کہ وباء اور قدرتی آفت کی وجہ سے جب انسانی جان کے لیے خطرات پیدا ہو جائیں تو میل ملاپ ترک کر دینا، فاصلے رکھنا اور خود کو محصور کر لینا نبوی تعلیمات کے عین مطابق ہے، نماز گھروں میں ادا کرنے کا حکم ہے، حضور نبی اکرم ﷺ نے ایک موقع پر شدید بارش کی وجہ سے نمازیوں کو گھروں میں نماز کی ادائیگی کی تلقین کی اور اذان میں ”نماز کیلئے آؤ“ کے الفاظ کو نماز گھر اور جہاں ہو ادا کرنے کے الفاظ شامل کروائے۔

26 مارچ 2020ء

کورونا وائرس، لاک ڈاؤن، ڈاکٹر طاہرالقادری 24 مارچ کو تجاویز دینگے

کورونا وائرس، لاک ڈاؤن، ڈاکٹر طاہرالقادری 24 مارچ کو تجاویز دینگے

ڈاکٹر محمد طاہرالقادری 24 مارچ کو کورونا وائرس اور لاک ڈاؤن کے موضوع پر خصوصی گفتگو کریں گے اور حکومت کو تجاویز دیں گے، انہوں نے اپنے بیان میں کہا کہ وزراء، وزارت صحت کے ذمہ داران، افسران، علمائے کرام، اینکر پرسن، کالم نویس ہر طبقہ، ہر فیملی اور ہر فرد یہ گفتگو ضرور سنے، انہوں نے کہا کہ میں گزشتہ کئی روز سے کورونا وائرس کے نتیجے میں پیدا ہونے والی صورتحال کا مشاہدہ کرتا رہا ہوں، تجاویز کی صورت میں اپنے مشاہدے سے آگاہ کرنا قومی، دینی، ملی فریضہ سمجھتا ہوں۔

24 مارچ 2020ء

کرفیو کی طرح لاک ڈاؤن نہ ہوا تو وبا بڑھے گی: ڈاکٹر طاہرالقادری

کرفیو کی طرح لاک ڈاؤن نہ ہوا تو وبا بڑھے گی: ڈاکٹر طاہرالقادری

کرفیو کی طرح لاک ڈاؤن نہ ہوا تو وبا بڑھے گی: ڈاکٹر طاہرالقادری

24 مارچ 2020ء

کرفیو کی طرح لاک ڈاؤن نہ ہوا تو وبا بڑھے گی: ڈاکٹر طاہرالقادری

کرفیو کی طرح لاک ڈاؤن نہ ہوا تو وبا بڑھے گی: ڈاکٹر طاہرالقادری

ڈاکٹر محمد طاہرالقادری نے کہا ہے کہ کرفیو طرز کا سنجیدہ لاک ڈاؤن نہ ہوا تو معیشت بھی تباہ ہو گی اور وبا بھی برقرار رہے گی، کورونا وائرس کا کوئی علاج نہیں احتیاط اور پرہیز اس کا واحد علاج ہے۔ انہوں نے کورونا وائرس کے حوالے سے خصوصی گفتگو کرتے ہوئے کہا کہ قوم کے ہر فرد کا دینی ملی قومی انسانی فریضہ ہے کہ وہ اس جدوجہد میں شریک ہو جائے اور اپنی ذمہ داریوں کا احساس کرے، بلاضرورت گھر سے باہر نہ نکلے، خود بھی بچے اور دوسروں کو بھی بچائے ہر شخص اپنے گھر کے اندر بھی مکمل تنہائی اختیار کرے، گھروں میں نماز پنجگانہ ادا کی جائے۔

24 مارچ 2020ء

منہاج ویلفیئر کے زیراہتمام اجتماعی شادیوں کی انتہائی سادہ اور پروقار تقریب

منہاج ویلفیئر کے زیراہتمام اجتماعی شادیوں کی انتہائی سادہ اور پروقار تقریب

کورونا وائرس سے بچنے کیلئے احتیاطی تدابیر کے طور پر منہاج ویلفیئر فاؤنڈیشن کے زیر اہتمام شادیوں کی اجتماعی تقریب میں نوبیاہتا جوڑے باراتیوں کے بغیر شریک ہوئے، حکومتی ہدایات کے پیش نظر تقریب کو مختصر اور سادہ رکھا گیا، دولہا اور دلہنوں کے والدین کو علیحدہ علیحدہ بلا کر جہیز کا سامان ان کے حوالے کیا گیا۔ منہاج ویلفیئر فاؤنڈیشن کے زیراہتمام شادیوں کی اجتماعی تقریب میں مسیحی جوڑے سمیت 23 جوڑے رشتہ ازدواج میں منسلک ہوئے، دولہوں کو نقدی اور گھڑی کا تحفہ جبکہ ہر دلہن کو پونے دو لاکھ روپے کا گھریلو سامان دیا گیا۔

15 مارچ 2020ء

ڈاکٹر محمد طاہرالقادری 14 مارچ کو کورونا وائرس جیسی جان لیوا آفات سے نمٹنے کیلئے خصوصی گفتگو کریں گے

ڈاکٹر محمد طاہرالقادری 14 مارچ کو کورونا وائرس جیسی جان لیوا آفات سے نمٹنے کیلئے خصوصی گفتگو کریں گے

قائد تحریک منہاج القرآن ڈاکٹر محمد طاہرالقادری 14 مارچ کو قرآن و سنت کی تعلیمات اور نبوی اقدامات و احکامات کی روشنی میں کورونا وائرس جیسی جان لیوا آفات سے نمٹنے کے حوالے سے خصوصی گفتگو کریں گے، جسے بعد ازاں منہاج القرآن کی ویب سائٹ اور آفیشل پیجز پر جاری کیا جائے گا۔

14 مارچ 2020ء

کورونا وائرس: شیخ الاسلام ڈاکٹر محمد طاہرالقادری کی خصوصی گفتگو

کورونا وائرس: شیخ الاسلام ڈاکٹر محمد طاہرالقادری کی خصوصی گفتگو

قائد تحریک منہاج القرآن ڈاکٹر محمد طاہرالقادری نے مشاورتی کونسل کے اجلاس میں ویڈیو لنک پر کورونا وائرس پر ہفتہ کی شب بذریعہ ویڈیو لنک خصوصی گفتگو کی۔ کورونا وائرس نے پوری دنیا کو متاثر کیا ہے اسے ایک عالمگیر وباء قرار دیا گیا ہے، اس سے بچاؤ کے لیے ملکی بین الاقوامی ہیلتھ آرگنائزیشن جو احتیاطی تدابیر اختیار کرنے کی ہدایات جاری کر رہی ہیں ان پر من و عن عمل درآمد کیا جائے۔

14 مارچ 2020ء

گوشہ درود میں مرحومین کے لیے فاتحہ خوانی و دعائیہ تقریب

گوشہ درود میں مرحومین کے لیے فاتحہ خوانی و دعائیہ تقریب

مرکزی گوشہ درود منہاج القرآن میں مرکزی سیکرٹریٹ کے سٹاف ممبران، تحریک منہاج القرآن کے قائدین و کارکنان کے مرحومین کے لیے دعائیہ تقریب منعقد ہوئی، دعائیہ تقریب میں جی ایم ملک، نور اللہ صدیقی، جواد حامد، قاضی فیض الاسلام، محمود الحسن شاہ، علامہ لطیف مدنی و دیگر رہمناء و کارکنان اور مرکزی سٹاف ممبران نے شرکت کی۔

10 مارچ 2020ء

ڈاکٹر حسن محی الدین قادری کا رکن الدین ندیم حامدی سے اظہار تعزیت

ڈاکٹر حسن محی الدین قادری کا رکن الدین ندیم حامدی سے اظہار تعزیت

منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین القادری نے اپنے دورہ ملتان کے دوران بانی متحدہ میلاد کونسل و مرکزی میلاد کمیٹی رکن الدین ندیم حامدی سے ملاقات کی اور انکی والدہ محترمہ کی وفات پر اظہار تعزیت کیا۔

10 مارچ 2020ء

منہاج القرآن مظفرآباد کے زیراہتمام ’’سفیر امن‘‘ سیمینار

منہاج القرآن مظفرآباد کے زیراہتمام ’’سفیر امن‘‘ سیمینار

تحریک منہاج القرآن مظفرآباد و جملہ فورمز کے زیراہتمام ’’سفیر امن‘‘ سیمینار منعقد ہوا، جس میں مرکزی ناظم اعلیٰ خرم نواز گنڈا پور مہمان خصوصی تھے۔ پروگرام میں محسن مشتاق مصطفوی مرکزی ڈپٹی سیکرٹری جنرل منہاج یوتھ لیگ اور دیگر قائدین نے شرکت کی۔ اس موقع پر ناظم اعلیٰ خرم نواز گنڈاپور نے خطاب کیا۔

10 مارچ 2020ء

آغوش گرائمر سکول سیالکوٹ کی چوتھی سالانہ تقریب تقسیم انعامات

آغوش گرائمر سکول سیالکوٹ کی چوتھی سالانہ تقریب تقسیم انعامات

آغوش گرائمر سکول سیالکوٹ کی چوتھی سالانہ تقریب تقسیم انعامات منعقد ہوئی جس میں ڈائریکٹر منہاج ویلفیئر فاؤنڈیشن سید امجد علی شاہ، معاون خصوصی وزیراعظم پاکستان عثمان ڈار، چیئرمین زکوۃ کمیٹی ضلع سیالکوٹ عارف احمد خواجہ، پروفیسر منیر احمد، سرفراز احمد چودھری نے خصوصی شرکت کی۔ تقریب میں بچوں کے والدین کے علاوہ علاقہ بھر کے معززین نے شرکت کر کے بچوں کی حوصلہ افزائی کی۔

09 مارچ 2020ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

Views of Dignitaries

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top