ڈاکٹر طاہرالقادری کا شیخ الحدیث علامہ محمد معراج الاسلام کے انتقال پر گہرے دکھ اور غم کا اظہار

تحریک منہاج القرآن کے بانی و سرپرست اور پاکستان عوامی تحریک کے قائد ڈاکٹر طاہرالقادری نے شیخ الحدیث، محقق، مذہبی سکالر علامہ محمد معراج الاسلام کے انتقال پر گہرے دکھ اور غم کا اظہار کیا ہے۔ انہوں نے اپنے تعزیتی بیان میں کہا ہے کہ پاکستان ایک عظیم علمی شخصیت سے محروم ہو گیا، مرحوم نے قرآن و سنت کے علوم کی ترویج و اشاعت اور درس وتدریس کیلئے اپنی زندگی کو وقف کر رکھا تھا اور ان سے کسب فیض کرنے والوں کی تعداد ہزاروں میں ہے۔ ڈاکٹر طاہرالقادری نے کہاکہ علامہ معراج الاسلام تحریک منہاج القرآن کا قابل فخراثاثہ تھے۔ انہوں نے وفات پر مرحوم کے اہل خانہ سے تعزیت کرتے ہوئے دعا کی کہ اللہ رب العزت انہیں جنت الفردوس میں اعلیٰ مقام عطا کرے اور انکے پسماندگان اور ان سے محبت کرنیوالوں کو صبر جمیل عطا کرے۔

تحریک منہاج القرآن کی سپریم کونسل کے چیئرمین ڈاکٹر حسن محی الدین، تحریک منہاج القرآن کے صدر ڈاکٹر حسین محی الدین، امیر تحریک صاحبزادہ فیض الرحمان درانی، ناظم اعلیٰ خرم نواز گنڈا پور، احمد نواز انجم اور جی ایم ملک نے علامہ معراج الاسلام کے انتقال پر دلی دکھ اور تعزیت کا اظہار کیا ہے۔