شیخ الاسلام ڈے، القادریہ جھنگ میں شیخ الاسلام ڈاکٹر محمد طاہرالقادری کی 74ویں سالگرہ کی تقریب کا انعقاد

جھنگ: القادریہ جھنگ میں حسبِ روایت شیخ الاسلام ڈے کی عظیم الشان تقریب منعقد ہوئی، جس کا اہتمام پاکستان عوامی تحریک جھنگ نے کیا۔ یہ جھنگ والوں کے لیے ایک منفرد اعزاز ہے کہ وہ اسی مقام پر قائد ڈے مناتے ہیں جہاں شیخ الاسلام ڈاکٹر محمد طاہر القادری مدظلہ العالی کی ولادت ہوئی تھی۔

تقریب کی صدارت الحاج محمد صبغت اللہ قادری صاحب نے فرمائی۔ ممتاز علمی و فکری شخصیات، بشمول پیر صاحبزادہ محمد سلیمان قمر قادری، حاجی محمد انیس انصاری، اور نوجوان مفکر ثناءاللہ طاہری نے شیخ الاسلام مدظلہ العالی کی خدمات کو خراجِ تحسین پیش کیا۔ مقررین نے اس امر پر زور دیا کہ ہمیں شیخ الاسلام کے افکار و نظریات کو سمجھ کر ان پر عمل پیرا ہونا چاہیے۔

تقریب میں کثیر تعداد میں وابستگانِ تحریکِ منہاج القرآن اور شیخ الاسلام کے عقیدت مند شریک ہوئے۔ جن میں صاحبزادہ محمد طاہر قادری، صاحبزادہ محمد رضا المصطفیٰ قادری، صاحبزادہ زین العابدین قادری، عبدالقدیر قادری، ڈاکٹر عتیق الرحمن سراج، سید نور جمال شاہ صاحب اینڈ سنز،محمد خالد بھٹہ، حاجی محمد اسلم قادری، حاجی عبد الحمید قادری، حافظ محمد شکیل قادری، محمد طارق انصاری، عمر دراز انجم، حافظ اسامہ یعقوب، خورشید احمد بھٹی، زاہد یوسف قادری، غلام شبیر نظامی، محمد سلیم قادری اور رانا محمد ارشد منہاس مہمان خصوصی کے طور پر شامل ہیں۔

نقابت کے فرائض غلام مرتضیٰ قادری نے نہایت خوبصورت انداز میں سرانجام دیے۔ تقریب کے اختتام پر شیخ الاسلام ڈاکٹر محمد طاہر القادری مدظلہ العالی کی درازی عمر، صحت و سلامتی کے لیے خصوصی دعا کی گئی۔ اس موقع پر سالگرہ کا کیک بھی کاٹا گیا اور شرکاء کے لیے خصوصی ضیافت کا اہتمام کیا گیا۔