سیالکوٹ: محمد سلیم بٹ، حج پروگرام ملتوی کرکے مستحقین میں 10 لاکھ روپے مالیت کا راشن تقسیم

کورونا وائرس کے باعث موجودہ صورت حال نے غریب، متوسط اور دیہاڑی دار طبقے کو بہت زیادہ متاثر کیا ہے، روزانہ اجرت پر کام کرنے والوں کیلئے روزی روٹی کا بندوبست کرنا مشکل ہو گیا ہے، وہ سب گھروں میں قید ہو کر رہ گئے ہیں۔ ایسی صورت حال میں ہم سب کا دینی، ملی اور اخلاقی فریضہ ہے کہ ہم حسب استطاعت ان کی مدد کریں۔

قائد تحریک منہاج القرآن شیخ الاسلام ڈاکٹر محمد طاہرالقادری کی خصوصی ہدایت پر منہاج ویلفیئر فاؤنڈیشن اور تحریک منہاج القرآن کے دیگر فورمز ملک بھر میں مستحق گھرانوں تک راشن پیکج، ماسک اور سینیٹائزر پہنچا رہے ہیں۔ سرپرست تحریک منہاج القرآن سیالکوٹ محمد سلیم بٹ نے اپنا حج پروگرام ملتوی کرکے منہاج ویلفیئر فاؤنڈیشن سیالکوٹ کے پلیٹ فارم سے 10 لاکھ روپے کی مالیت کے 400 راشن پیکجز مستحق گھرانوں میں گفٹ کیے ہیں۔