تحریک منہاج القرآن پاکستان کی اہم خبریں

فیصل آباد : مصطفوی سٹوڈنٹس موومنٹ کے زیراہتمام آل سٹوڈنٹس آرگنائزیشن کانفرنس

فیصل آباد : مصطفوی سٹوڈنٹس موومنٹ کے زیراہتمام آل سٹوڈنٹس آرگنائزیشن کانفرنس

مؤرخہ 6 جنوری 2018 کو مصطفوی سٹوڈنٹس موومنٹ فیصل آباد کے زیراہتمام آل سٹوڈنٹس آرگنائزیشن کانفرنس کا انعقاد کیا گیا جس میں متفقہ قرارداد منظور کی گئی۔ آل سٹوڈنٹس آرگنائزیشن فیصل آباد سانحہ ماڈل ٹاؤن اور ختم نبوت کے قانون میں تبدیلی کی مذموم حرکت کی شدید الفاظ میں مذمت کرتی ہے۔ سانحہ ماڈل ٹاؤن ریاستی دہشت گردی کا بدترین واقعہ ہے جس میں ن لیگ کی قیادت نوازشریف، شہباز شریف اور رانا ثناء اللہ سمیت بیوروکریٹس، پولیس افسران اور حکومت پنجاب کے اہلکاران ملوث ہیں۔

06 جنوری 2018ء

اسلام آباد: مصطفوی سٹوڈنٹس موومنٹ کا معصوم زینب کے بہیمانہ قتل اور درندگی کے خلاف احتجاجی مظاہرہ

اسلام آباد: مصطفوی سٹوڈنٹس موومنٹ کا معصوم زینب کے بہیمانہ قتل اور درندگی کے خلاف احتجاجی مظاہرہ

مصطفوی سٹوڈنٹس موومنٹ اسلام آباد کے زیراہتمام قوم کی بیٹی معصوم زینب کے بہیمانہ قتل اور درندگی کے خلاف احتجاجی مظاہرہ کیا گیا، مظاہرے میں سید اطلس ہمدانی، افضل مذمل صدر ایم ایس ایم راولپنڈی، چوہدری طاہر، ظہور مصطفوی کے علاوہ دیگر کارکنوں نے شرکت کی۔ مصطفوی سٹوڈنٹس موومنٹ شمالی پنجاب کے صدر قاضی احسن، سید اطلس ہمدانی نے معصوم زینب کے سفاکانہ قتل کے خلاف احتجاجی مظاہرے سے خطاب کرتے ہوئے کہا ہے کہ زینب اور درندگی کا نشانہ بننے کے بعد قتل ہونے والے دیگر معصوموں کے قاتلوں کو سرعام سزا دے کر نشان عبرت بنا دیا جائے، تا کہ آئندہ کوئی بھی درندہ صفت ایسا ظلم کرنے کی جرات نہ کر سکے۔

13 جنوری 2018ء

منہاج القرآن ویمن لیگ کا لاہور پریس کلب کے باہر ’’جسٹس فار زینب‘‘ کیلئے احتجاجی مظاہرہ

منہاج القرآن ویمن لیگ کا لاہور پریس کلب کے باہر ’’جسٹس فار زینب‘‘ کیلئے احتجاجی مظاہرہ

پاکستان عوامی تحریک اور تحریک منہاج القرآن ویمن لیگ کی طرف سے لاہور پریس کلب کے باہر ’’جسٹس فار زینب‘‘ کے لیے احتجاجی مظاہرہ کیا گیا، احتجاجی مظاہرہ سے خطاب کرتے ہوئے مرکزی صدر ویمن لیگ فرح ناز نے کہا کہ زینب کے ساتھ ہونے والے ظلم کو بیان کرنے کیلئے کوئی الفاظ نہیں۔ انہوں نے لاہور پریس کلب کے باہر احتجاجی مظاہرہ کے دوران فیکٹ شیٹ جاری کرتے ہوئے کہا کہ موجودہ دور حکومت میں بچوں، بچیوں سے 15 ہزار 1 سو 85 سے زائد زیادتی کے کیس رجسٹرڈ ہوئے اور رجسٹرڈ نہ ہونے والے کیسز کی کل تعداد 30 ہزار سے زائد ہے۔

13 جنوری 2018ء

17 جنوری مال روڈ لاہور سے انصاف کیلئے طاقتور عوامی احتجاج شرو ع ہو گا: ڈاکٹر طاہرالقادری کی APC ایکشن کمیٹی کے ہمراہ پریس کانفرنس

17 جنوری مال روڈ لاہور سے انصاف کیلئے طاقتور عوامی احتجاج شرو ع ہو گا: ڈاکٹر طاہرالقادری کی APC ایکشن کمیٹی کے ہمراہ پریس کانفرنس

ڈاکٹر محمد طاہرالقادری نے اے پی سی ایکشن کمیٹی کے اجلاس کے بعد پریس کانفرنس میں متفقہ فیصلوں کا اعلان کرتے ہوئے کہا ہے کہ شہدائے ماڈل ٹاؤن کے انصاف، معصوم زینب اور قصور پولیس کی بربریت کا شکار شہریوں کے انصاف کیلئے 17 جنوری سے مال روڈ لاہور سے طاقت ور عوامی احتجاج کا آغاز ہوگا۔ قوی امید ہے احتجاج میں اے پی سی میں شریک تمام جماعتوں کی مرکزی قیادت شریک ہو گی۔ تمام آپشن کھلے ہیں کسی حد تک بھی جا سکتے ہیں۔ احتجاج کا آخری راؤنڈ فیصلہ کن ہو گا۔ 17 جنوری کے بعد کے لائحہ عمل کیلئے 16 جنوری کو 12 بجے دن ایکشن کمیٹی کا اجلاس عوامی تحریک کے مرکزی سیکرٹریٹ میں ہو گا۔

11 جنوری 2018ء

’’جسٹس فار زینب‘‘ احتجاجی مارچ

’’جسٹس فار زینب‘‘ احتجاجی مارچ

پاکستان عوامی تحریک کے سربراہ ڈاکٹر محمد طاہرالقادری نے مختلف سکولوں کے بچوں اور بچیوں کی طرف سے ’’جسٹس فار زینب‘‘ احتجاجی مارچ کی قیادت کرتے ہوئے کہا کہ اگر سنگین جرائم جڑ سے ختم کرنے ہیں تو پھر شہباز شریف، رانا ثناء اللہ کو او ایس ڈی بنانا اور عدالتوں میں طلب کرنا ہو گا، فائرنگ کا حکم ایس پی، ڈی ایس پی کی سطح کا افسر دیتا ہے۔ شہباز شریف صرف لاشوں کی قیمت لگاتے ہیں۔ تیس، تیس لاکھ لے کر قصور پہنچ گئے، حکمرانوں میں اتنی جرات نہیں کہ دن کی روشنی میں قصور جاتے، جب حکمران پبلک کو فیس نہ کرسکیں تو پھر انہیں سٹیپ ڈاؤن کر جانا چاہیے۔

11 جنوری 2018ء

شہدائے ماڈل ٹاؤن کے ساتھ شہدائے قصور کا بھی انتقام لیں گے، ڈاکٹر طاہرالقادری کی معصوم زینب کی نماز جنازہ پڑھانے کے بعد میڈیا سے گفتگو

شہدائے ماڈل ٹاؤن کے ساتھ شہدائے قصور کا بھی انتقام لیں گے، ڈاکٹر طاہرالقادری کی معصوم زینب کی نماز جنازہ پڑھانے کے بعد میڈیا سے گفتگو

پاکستان عوامی تحریک کے سربراہ ڈاکٹر محمد طاہرالقادری نے 7 سالہ بیٹی زینب جسے درندہ صفت عناصر نے اغواء کے بعد قتل کر دیا تھا کی قصور میں نماز جنازہ ادا کرنے کے بعد میڈیا سے گفتگو کرتے ہوئے کہا کہ شہدائے ماڈل ٹاؤن کے ساتھ شہدائے قصور کا بھی انتقام لیں گے، عوام کے جان و مال اور پھول جیسے بچوں بچیوں کے تحفظ میں ناکام حکمرانوں کا اقتدار میں رہنے کا کوئی جواز نہیں ہے، حکمران فی الفور عہدے چھوڑ دیں، ڈسٹرکٹ پولیس نے انصاف کیلئے آواز اٹھانے والے نہتے طلباء پر ڈائریکٹ فائرنگ کر کے سانحہ ماڈل ٹاؤن کی تاریخ دہرائی، جب تک یہ درندہ صفت، سفاک، قاتل حکمران مسلط رہیں گے، پھول جیسے بچے اور بچیاں قتل ہوتی رہیں گی۔

10 جنوری 2018ء

اے پی سی سٹیرنگ کمیٹی کا حکومت کے خلاف 17 جنوری سے احتجاجی تحریک شروع کرنے کا اعلان

اے پی سی سٹیرنگ کمیٹی کا حکومت کے خلاف 17 جنوری سے احتجاجی تحریک شروع کرنے کا اعلان

پاکستان عوامی تحریک کے سربراہ ڈاکٹر محمد طاہرالقادری نے اے پی سی سٹیرنگ کمیٹی کے اجلاس کے بعد پرہجوم پریس کانفرنس کے دوران حکومت کے خلاف 17 جنوری سے احتجاج کے آغاز کا اعلان کرتے ہوئے کہا کہ اب استعفے مانگیں گے نہیں استعفے لیں گے، بات استعفوں سے آگے چلی گئی، جہاں کہیں بھی ن لیگ ہے اس کا خاتمہ ہو گا، سانحہ ماڈل ٹاؤن کے منصوبہ ساز نواز شریف، شہباز شریف، رانا ثناء اللہ اور حواری ہیں، 17 جنوری سے شروع ہونے والے احتجاج کا نیوکلیس سانحہ ماڈل ٹاؤن کا انصاف ہے، 17 جنوری کے احتجاج میں عمران خان، آصف علی زرداری، چودھری شجاعت حسین، مصطفی کمال، راجہ ناصر عباس، سمیت دیگر جماعتوں کے صدور کو شرکت کی دعوت دے دی ہے۔

08 جنوری 2018ء

پاکستان عوامی تحریک کے زیراہتمام آل پارٹیز کانفرنس کی قرارداد

پاکستان عوامی تحریک کے زیراہتمام آل پارٹیز کانفرنس کی قرارداد

پاکستان عوامی تحریک کے زیراہتمام سانحہ ماڈل ٹاون میں انصاف کے حصول کے لیے آل پارٹیز کانفرنس منعقد ہوئی، جس کے بعد 10 نکاتی مشترکہ اعلامیہ جاری کیا گیا۔ اعلامیہ میں رانا ثناء اللہ اور شہباز شریف کے مستعفی ہونے کی 31 دسمبر ڈیڈ لائن کو 7 جنوری تک توسیع دی گئی۔ اس سے پہلے کانفرنس کے افتتاحی سیشن سے خطاب کرتے ہوئے ڈاکٹر طاہرالقادری نے کہا کہ اے پی سی میں 40 سیاسی و مذہبی جماعتیں شریک ہیں۔ اے پی سی میں مختلف الخیال جماعتوں اور قائدین کو شہداء کے خون نے اکٹھا کیا۔ ماڈل ٹاون کیس میں انصاف پر اب مشترکہ جدوجہد ہو گی۔

30 دسمبر 2017ء

منہاج یونیورسٹی کی ورلڈ اسلامک اکنامکس کانفرنس اختتام پذیر، 6 نکات پر مشتمل قرارداد منظور

منہاج یونیورسٹی کی ورلڈ اسلامک اکنامکس کانفرنس اختتام پذیر، 6 نکات پر مشتمل قرارداد منظور

منہاج یونیورسٹی لاہور کے زیراہتمام منعقدہ دو روزہ ’’ورلڈ اسلامک اکنامکس اینڈ فنانس کانفرنس‘‘ کے دوسرے اور آخری روز خطاب کرتے ہوئے ایم یو ایل کے ڈپٹی چیئرمین بورڈ آف گورنرز ڈاکٹر حسین محی الدین قادری نے اپنے اختتامی کلمات ادا کرتے ہوئے کہا کہ اسلامک بینکنگ کے فروغ کیلئے متفقہ شرعی قوانین بنانے کیلئے مسلم سکالرز سر جوڑ کر بیٹھیں، کانفرنس کے اختتام پر 6 نکات پر مشتمل قرارداد کی منظوری دی گئی اور اس بات سے اتفاق کیا گیا کہ شیخ الاسلام ڈاکٹر محمد طاہرالقادری کی سربراہی میں ایک ورکنگ گروپ بنایا جائے گا جو متفقہ شرعی قوانین کیلئے سفارشات مرتب کرے گا۔

04 جنوری 2018ء

منہاج یونیورسٹی لاہور کے زیراہتمام پہلی عالمی اسلامی اقتصادی کانفرنس 2018

منہاج یونیورسٹی لاہور کے زیراہتمام پہلی عالمی اسلامی اقتصادی کانفرنس 2018

منہاج یونیورسٹی لاہور کے زیراہتمام 2 روزہ پہلی عالمی، اسلامی، اقتصادی کانفرنس 3 جنوری 2018ء کو پرل کانٹی نیٹل ہوٹل لاہور میں شروع ہوئی۔ کانفرنس کی صدارت تحریک منہاج القرآن کے بانی وسرپرست، منہاج یونیورسٹی لاہور کے بورڈ آف گورنرز کے چیئرمین شیخ الاسلام ڈاکٹر محمد طاہرالقادری نے کی۔ کانفرنس کے کو چیئرز وائس چیئرمین منہاج یونیورسٹی لاہور ڈاکٹر حسین محی الدین اور ڈاکٹر محمد اسحاق بھٹی ہیں۔ عالمی اسلامی، اقتصادی اور فنانس کانفرنس میں امریکہ، آسٹریلیا، یوکے، انڈونیشا، ملائیشیا، سعودی عرب، متحدہ عرب امارات کے بین الاقوامی شہرت یافتہ اقتصادی ماہرین شریک ہیں۔

03 جنوری 2018ء

آصف علی زرداری کی ڈاکٹر محمد طاہرالقادری سے ون ٹو ون طویل ملاقات

آصف علی زرداری کی ڈاکٹر محمد طاہرالقادری سے ون ٹو ون طویل ملاقات

پاکستان عوامی تحریک کے سربراہ ڈاکٹر محمد طاہرالقادری اور پیپلز پارٹی کے شریک چیئرپرسن آصف علی زرداری کے مابین ون ٹو ون طویل ملاقات ہوئی اور سانحہ ماڈل ٹاؤن کے انصاف، اے پی سی کے ایجنڈے اور آئندہ کے لائحہ عمل کے حوالے سے دونوں رہنماؤں کے درمیان 55 منٹ سے تک ملاقا ت جاری رہی، ون ٹو ون ملاقات سے قبل دونوں جماعتوں کے رہنماؤں کا مشترکہ اجلاس بھی ہوا اور سانحہ ماڈل ٹاؤن کے قانونی پہلوؤں پر تفصیلی گفتگو ہوئی۔ سربراہ عوامی تحریک نے قانونی پیشرفت کے بارے میں بھی آگاہ کیا، اجلاس کے بعد دونوں رہنماؤں نے میڈیا سے خصوصی بات چیت کی۔

29 دسمبر 2017ء

چیئرمین تحریک انصاف عمران خان کی اعلیٰ سطحی وفد کے ہمراہ ڈاکٹر طاہرالقادری سے ملاقات

چیئرمین تحریک انصاف عمران خان کی اعلیٰ سطحی وفد کے ہمراہ ڈاکٹر طاہرالقادری سے ملاقات

پاکستان عوامی تحریک کے سربراہ ڈاکٹر محمد طاہرالقادری سے تحریک انصاف کے چیئرمین عمران خان اور پارٹی قائدین کے وفد نے ماڈل ٹاون میں ملاقات کی۔ اس موقع پر پریس کانفرنس سے خطاب کرتے ہوئے ڈاکٹر طاہرالقادری نے کہا کہ ایک بھائی پانامہ کیس میں گیا دوسرا ماڈل ٹاؤن قتل عام کیس میں گھر جائے گا۔ احتجاج کا فیصلہ اے پی سی میں مشاورت سے کریں گے۔ عمران خان نے پریس کانفرنس میں کہا کہ ماڈل ٹاون کی قتل و غارت گری خود ٹی وی پر براہ راست دیکھی۔ انصاف کیلئے پوری جماعت ڈاکٹر طاہرالقادری کے ساتھ ہے اور ڈاکٹر صاحب جو لائحہ عمل دیں گے ساتھ کھڑے ہوں یہ سیاسی معاملہ نہیں انسانی معاملہ ہے۔

26 دسمبر 2017ء

پاکستان کو جناح کا پاکستان بنانے کیلئے وسائل تعلیم پرخرچ کرنا ہونگے: ڈاکٹر حسین محی الدین قادری کا بانی پاکستان کے یوم ولادت پر تقریب سے خطاب

پاکستان کو جناح کا پاکستان بنانے کیلئے وسائل تعلیم پرخرچ کرنا ہونگے: ڈاکٹر حسین محی الدین قادری کا بانی پاکستان کے یوم ولادت پر تقریب سے خطاب

تحریک منہاج القرآن کے صدر ڈاکٹر حسین محی الدین نے بانی پاکستان قائد اعظم محمد علی جناح رحمۃ اللہ علیہ کے 142 ویں یوم پیدائش کے موقع پر مرکزی سیکرٹریٹ میں کیک کاٹنے کی تقریب سے خطاب کرتے ہوئے کہا کہ پاکستان کو جناح رحمۃ اللہ علیہ کا پاکستان بنانے کیلئے وسائل تعلیم پر خرچ کرنا ہونگے۔ اڑھائی سو ارب ڈالر کے مقروض پاکستان میں کروڑوں بچے تعلیم سے محروم ہیں، یہ بھاری اندرونی، بیرونی قرضہ کہاں خرچ ہوا؟

25 دسمبر 2017ء

ڈاکٹر طاہرالقادری کی بانی پاکستان قائد اعظم محمد علی جناح رحمۃ اللہ علیہ کے 142 ویں یوم پیدائش پر پوری قوم کو مبارکباد

ڈاکٹر طاہرالقادری کی بانی پاکستان قائد اعظم محمد علی جناح رحمۃ اللہ علیہ کے 142 ویں یوم پیدائش پر پوری قوم کو مبارکباد

ڈاکٹر طاہرالقادری نے بانی پاکستان قائد اعظم محمد علی جناح رحمۃ اللہ علیہ کے 142 ویں یوم پیدائش پر پوری قوم کو مبارکباد دی اور کہا کہ بانی پاکستان نے کمزوروں کے تحفظ کیلئے پاکستان بنایا تھا۔ آج قائد اعظم رحمۃ اللہ علیہ کے پاکستان کو اشرافیہ نے اپنی ذاتی سلطنت میں بدل ڈالا اور کمزور کے حقوق غصب کر لئے، اقتدار کیلئے بے گناہ انسانی خون بے دردی سے بہایا، ظالموں اور غاصبوں کا صفایا کئے بغیر بانی پاکستان کا ایجنڈا مکمل نہیں ہو گا۔

25 دسمبر 2017ء

ڈاکٹر طاہرالقادری کا آل پارٹیز کانفرنس منعقد کرنے کا اعلان

ڈاکٹر طاہرالقادری کا آل پارٹیز کانفرنس منعقد کرنے کا اعلان

پاکستان عوامی تحریک کے سربراہ ڈاکٹر محمد طاہرالقادری نے عوامی مسلم لیگ کے سربراہ شیخ رشید احمد کے ہمراہ پریس کانفرنس سے خطاب کرتے ہوئے کہا کہ 28 دسمبر کو APC بلانے کا اعلان کر دیا۔ تمام جماعتوں کی مرکزی قیادت کو شرکت کی دعوت دے دی، انہوں نے پریس کانفرنس میں انکشاف کیا کہ سرکاری ریکارڈ کے مطابق ماڈل ٹاؤن میں 45 تھانوں، چوکیوں کی 809 کی نفری نے ’’انسانی بیرئرز‘‘ ہٹانے کے آپریشن میں حصہ لیا، ان میں 204 اسپیشل فورسز کے سنائپرز اور شوٹرز بھی شامل تھے۔

21 دسمبر 2017ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top