منہاج القرآن علماء کونسل گوجرانوالہ کا علماء کنونشن

منہاج القرآن علماء کونسل گوجرانوالہ کے زیراہتمام علماء کنونشن 20 اگست 2017ء کو ہوا، جس کی صدارت مرکزی صدر علماء کونسل علامہ امداد اللہ قادری اور مرکزی ناظم علامہ میر محمد آصف اکبر قادری نے کی۔ کنونشن میں علماء و مشائخ کی کثیر تعداد نے شرکت کی۔ پروگرام کا آغاز تلاوت و نعت سے ہوا۔

علامہ امداد اللہ قادری اور علامہ میر آصف اکبر نے کنونشن میں خطاب کرتے ہوئے کہا کہ پاکستان اسلامی نظریہ کی بنیاد پر معرض وجود میں آیا، لیکن آج چور اور کرپٹ حکمران آئین پاکستان سے نظریہ کی اساس آرٹیکل 62 اور 63 ختم کرنے کی مذموم سازش کر رہے ہیں۔ ہمارے اسلاف نے قربانیاں دے کے اس ملک کو بنایا اسے بچانے کی ذمہ داری بھی ہماری ہے۔ انہوں نے کہا کہ منہاج القرآن نے علماء کے پلیٹ فارم سے ہمیشہ ملک میں قومی یکجتہی و بین المسالک رواداری اور برداشت کے کلچر کو فروغ دیا ہے۔ اس کا سہرا شیخ الاسلام ڈاکٹر محمد طاہرالقادری کے سر ہے، جن کی عالمگیر کوششوں سے دنیا بھر میں دین اسلام کا پرامن پیغام عام ہو رہا ہے۔