میرپور خاص: تحریک منہاج القرآن کے زیراہتمام قائد ڈے تقریب
تحریک منہاج القرآن میرپور خاص ڈویژن کے زیراہتمام ڈاکٹر طاہرالقادری کے 64 ویں یوم پیدائش کے موقع پر قائد ڈے تقریب کا انعقاد کیا گیا جس میں کارکنان کی کثیر تعداد نے شرکت کی۔ تقریب کا آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ تقریب کے مہمان خصوصی ناظم اعلی تحریک منہاج القرآن شیخ زاہد فیاض، راجہ ندیم اور صوبائی امیر سندھ مخدوم ندیم احمد ہاشمی تھے، علاوہ ازیں نائب صدر پاکستان عوامی تحریک سندھ ممتاز رضا سیال، صدر تحریک منہاج القرآن میرپور خاص سید عدنان شاہ، صدر تحریک منہاج القرآن کھپرو سید زاہد علی شاہ، صدر تحریک منہاج القرآن ڈگری طارق خانجی، صدر مصطفوی سٹوڈنٹس موومنٹ کھپرو محمد طیب چوہان، صدر یوتھ لیگ کھپرو محمد عامر قائمخانی، عبدالستار چوہان، ندیم احمد نقشبندی، سید محمد علی شاہ بھی شریک تھے۔ تقریب کے اختتام پر انقلاب مارچ کے شرکاء میں اسناد تقسیم کی گئیں، سالگرہ کا کیک کاٹا گیا اور ڈاکٹر طاہرالقادری کی درازئ عمر کے لیے خصوصی دعا کی گئی۔
تبصرہ