کہروڑ پکا (لودھراں): منہاج ویلفیئر فاؤنڈیشن کی جانب سے 90 مستحق گھرانوں میں راشن پیکجز کی تقسیم

کورونا وائرس کے باعث موجودہ صورت حال نے غریب، متوسط اور دیہاڑی دار طبقے کو بہت زیادہ متاثر کیا ہے، روزانہ اجرت پر کام کرنے والوں کیلئے روزی روٹی کا بندوبست کرنا مشکل ہو گیا ہے، وہ سب گھروں میں قید ہو کر رہ گئے ہیں۔ ایسی صورت حال میں ہم سب کا دینی، ملی اور اخلاقی فریضہ ہے کہ ہم حسب استطاعت ان کی مدد کریں۔

قائد تحریک منہاج القرآن شیخ الاسلام ڈاکٹر محمد طاہرالقادری کی خصوصی ہدایت پر منہاج ویلفیئر فاؤنڈیشن اور تحریک منہاج القرآن کے دیگر فورمز ملک بھر میں مستحق گھرانوں تک راشن پیکج، ماسک اور سینیٹائزر پہنچا رہے ہیں۔ منہاج ویلفیئر فاؤنڈیشن پی پی حلقہ 226 کہروڑ پکا (لودھراں) کی طرف سے 90 مستحق گھرانوں میں راشن بیگز تقسیم کیےگئے۔ ڈاکٹر عبدالعزیز صدر تحریک منہاج القرآن صوبائی حلقہ تنظیم 226 کہروڑ پکا و انرجیٹک ٹیم و جملہ متحرک کارکنان تحریک و فورمز نے لوگوں کی عزت نفس کا خیال رکھتے ہوئے راشن گھروں کی دہلیز تک پہنچایا۔