سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القران انٹرنیشنل جرمنی فرینکفرٹ کے زیراہتمام ڈائریکٹر فنانس عدنان جاوید کے ایصال ثواب کے لیے قرآن خوانی کی محفل کا اہتمام بعد نماز جمعہ کیا گیا۔ قرآن خوانی کی محفل میں کثیر تعداد میں لوگوں نے شرکت کی۔
منہاج القرآن فرینکفرٹ جرمنی کے ڈائریکٹر علامہ سید فرحت حسین شاہ اور قاری مدثر اقبال نے فرینکفرٹ جرمنی میں CIBEDO۔BEITRÄGE کے ڈائریکٹر پروفیسر ڈاکٹر کرسٹین W ٹرول سے تفصیلی ملاقات ہوئی۔ علامہ سید فرحت حسین شاہ اور قاری مدثر اقبال نے شیخ الاسلام ڈاکٹر محمد طاہرالقادری کی اقوام عالم، اتحاد بین المذاہب، امن و سلامتی اور تقابل ادیان کیلئے خدمات کا تفصیل سے تعارف کرایا۔
منہاج القرآن انٹرنیشنل جرمنی کے زیراہتمام فرینکفرٹ میں شیخ الاسلام ڈاکٹر محمد طاہرالقادری کی تالیف قرآنی انسائیکلوپیڈیا کی تعارفی تقریب ’’قرآن کانفرنس‘‘ منعقد ہوئی، جس میں چیئرمین سپریم کونسل تحریک منہاج القرآن ڈاکٹر حسن محی الدین قادری مہمان خصوصی تھے۔ کانفرنس میں منہاج القرآن انٹرنیشنل فرینکفرٹ کے ڈائریکٹر علامہ فرحت حسین شاہ، چودھری عمران خان، چوہدری فاروق اظہر، عمر حیات، شاہد محمود، محمد اقبال، محمد ارشد اور محمد عنصر نے بھی خصوصی شرکت کی۔
شیخ الاسلام ڈاکٹر محمد طاہرالقادری نے فرینکفرٹ جرمنی میں ’’انسان کی اخلاقی و روحانی ترقی‘‘ کانفرنس میں خطاب کرتے ہوئے کہا کہ اسلام اور ایمان کی اساس اچھے اخلاق پر ہے۔ پروگرام میں چئیرمین سپریم کونسل منہاج القران انٹرنیشنل ڈاکٹر حسن محی الدین قادری، شیخ حماد مصطفی المدنی القادری اور شیخ احمد مصطفی العربی بھی موجود تھے۔ کانفرنس میں منہاج القرآن انٹرنیشنل فرینکفرٹ (جرمنی) سے تحریک منہاج القران کے عہدیداران، کارکنان، وابستگان، رفقاء اور خواتین نے بھی بڑی تعداد میں شرکت کی۔
شیخ الاسلام ڈاکٹر محمد طاہرالقادری نے وفاقی جمہوریہ جرمنی کے دارالحکومت برلن میں ’’انسان کی اخلاقی و روحانی ترقی‘‘ کے موضوع پر کانفرنس سے خطاب کرتے ہوئے کہا کہ نفس کی خواہشات سے بچو یہ انسان کو برباد کر دیتی ہیں، نفس کی خواہشات کو کچلنے والا مجاہد ہے۔ انہوں نے کہا کہ سخاوت کو اللہ پاک بہت پسند فرماتا ہے اور کنجوسی کو بہت ہی ناپسند کرتا ہے۔ سخاوت کا عمل انسان کے افعال حسنہ اور صفات حمیدہ میں سے ایک انتہائی پسندیدہ عمل ہے۔
منہاج القرآن انٹرنیشنل برلن جرمنی کے مرکز پر ایک پرتگالی نوجوان فلپ نے شیخ الاسلام ڈاکٹرمحمد طاہرالقادری اور منہاج القران انٹرنیشنل کی دین مبین کےلئے گرانقدر خدمات سے متاثر ہو کر قبول اسلام کر لیا۔ ڈائریکٹر منہاج القرآن برلن قاری طارق علی نے جرمن انجینئر فلپ کو اسلام قبول کرایا۔ اس موقع پر فلپ نے اپنے لئے نیا نام عمر پسند کیا۔ نومسلم عمر برلن میں انجیئنرنگ کے شعبہ سے وابستہ ہیں۔
آزاد جموں کشمیر کے سابق وزیراعظم بیرسٹر سلطان محمود چوہدری نے یکم مئی 2017 کو منہاج القرآن انٹرنیشنل سنٹر برلن کا دورہ کیا، جہاں منہاج القرآن انٹرنیشنل برلن کے صدر میاں عمران الحق نے ان کا استقبال کیا اور ان سے ملاقات کی۔
منہاج القرآن انٹرنیشنل جرمنی کے زیرِ اہتمام فرنکفرٹ میں قائد ڈے کی پر وقار تقریب کا انعقاد کیا گیا۔ تقریب کا آغاز پروفيسر حافظ حامد رضا نے تلاوت کلام پاک سے کیا۔ محمد اعجاز، چوہدری زاہد راجہ اور ابرار قادری سمیت ثناء خوانِ مصطفیٰ صلی اللہ علیہ وآلہ وسلم نے بارگاہِ نبوی میں گلہائے عقیدت پیش کیے۔ نقابت کے فرائض راجہ وحید سلطان اور ڈائریکٹر منہاج القرآن اسلامک سنٹر فرنکفرٹ قاری مدثر اقبال نے سرانجام دیے۔ تقریب کے شرکاء نے شیخ الاسلام ڈاکٹر محمد طاہرالقادری کی شخصیت اور امت مسلمہ کے لیے آپ کی خدمات پر انہیں خراج تحسین پیش کیا۔
برلن میں یو این او کے ادارہ International Youth Voluteer Service (آئی جے ایف ڈی) کے تحت انسانی خدمت کے لیے تربیت حاصل کرنے والے طلباء و طالبات نے منہاج القرآن اسلامک سنٹر برلن جرمنی کا وزٹ کیا۔ جس کا انتظام یو این او کے ورکر سید محمد آصف نے کیا تھا۔
منہاج القرآن انٹرفیتھ ریلیشنز کے ڈائریکٹر سہیل احمد رضا نے اپنے دورہ یورپ کے دوران 25 دسمبر 2016ء کو جرمنی کے مقامی چرچ کی کرسمس تقریب میں شرکت کی۔ اس موقع پر منہاج القرآن انٹرنیشنل جرمنی کے قائدین بھی ان کے ساتھ تھے۔ فرینکفرٹ کے قدیم چرچ میں پروفیسر ڈاکٹر کرسچن لٹرال نے سہیل احمد رضا کی سربراہی میں وفد کو کرسمس تقریب میں خوش آمدید کہا اور انہیں چرچ میں مہمانوں کے لیے مخصوص نشستوں پر بٹھایا۔
منہاج القرآن انٹرنیشنل جرمنی کا ورکرز کنونشن فرینکفرٹ میں منعقد ہوا، جس کی صدارت منہاج یورپین کونسل کے صدر جناب ظلِ حسن اور ایم ای سی زون تھری کے صدر جناب اقبال وڑائچ نے کی۔ ورکرز کنونشن میں جرمنی کے مختلف شہروں سے کارکنان و عہدیداروں نے شرکت کی۔ پروگرام کا باقاعدہ آغاز تلاوت و نعت سے ہوا۔
علامہ صفدر مجید قادری نے خطاب کرتے ہوئے کہا کہ شہادت حسین پیغام امن اور پیغام حق کا نام ہے۔ امام حسین نے باطل یزیدی نظام کے سامنے سمجھوتہ نہ کرتے ہوئے شہادت کو قبول کر لیا۔ معرکہ کربلا اسلام کا آفاقی پیغام امن بن گیا ہے۔ منہاج القرآن کا عالمی پیغام امن و رواداری بھی اس نظریہ پر قائم ہے۔ شیخ الاسلام ڈاکٹر محمد طاہرالقادری غلبہ اسلام کے لیے باطل طاغوتی طاقتوں اور نظام کے خلاف حق کی جدوجہد کر رہے ہیں۔
فیسٹیول میں مقامی جرمن کھانوں کو سجایا گیا تھا جبکہ منہاج القرآن انٹرنیشنل جرمنی کی طرف سے روایتی ایشین فوڈز میں بہترین اور لذیذ ڈشز لگائی گئیں۔ جس میں سموسہ پکوڑا، چکن بریانی، سلاد اور چائے شامل تھی۔ مقامی کمیونٹی نے ایشین ڈشز کو بے حد پسند کیا اور منہاج القرآن کوکنگ ٹیم کی تعریف کی۔
منہاج القرآن انٹرنیشنل آفن باخ کے زیرِاہتمام 22 جولائی 2016 کو معروف سماجی کارکن عبدالستار ایدھی کی یاد میں تعزیتی تقریب کا انعقاد کیا گیا جس میں عبدالستار ایدھی کی سماجی خدمات پر انہیں خراجِ عقیدت پیش کیا گیا۔ تقریب میں منہاج القرآن انٹرنیشنل آفن باخ کے عہدیداران اور کارکنان سمیت مختلف سماجی شخصیات شریک تھیں۔ منہاج القرآن انٹرنیشنل فرینکفرٹ کے صدر فخر خان اور اظہر فاروق پروگرام میں خصوصی طور پر شریک ہوئے۔
منہاج القرآن انٹرنیشنل ووپاٹال کے زیراہتمام 20 جولائی 2016 کو معروف سماجی کارکن عبدالستار ایدھی اور شہدائے ماڈل ٹاؤن کو خراجِ عقیدت پیش کرنے کے لیے ووپاٹال میں تقریب کا انعقاد کیا گیا جس میں ووپاٹال، اینی پٹال، نیوایز اور ڈورٹمنڈ سے منہاج القرآن انٹرنیشنل کے کارکنان اور سماجی شخصیات نے شرکت کی۔ تقریب میں نیدرلینڈ سے علامہ احمد رضا اور برلن سے میاں عمران خصوصی طور پر شریک ہوئے۔
3.4M
فیس بک
1.7M
ٹوٹر
© 1994 - 2020 Minhaj-ul-Quran International.
