سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
قائد تحریک منہاج القرآن شیخ الاسلام ڈاکٹر محمد طاہرالقادری کی خصوصی ہدایت پر منہاج ویلفیئر فاؤنڈیشن اور تحریک منہاج القرآن کے دیگر فورمز دنیا بھر میں مستحق گھرانوں تک راشن پیکج، ماسک اور سینیٹائزر پہنچا رہے ہیں۔ منہاج ویلفیئر فاؤنڈیشن یونان کی طرف سے سیکڑوں مستحق گھرانوں میں منہاج رمضان راشن پیکجز تقسیم کیےگئے۔
منہاج القرآن انٹرنیشنل یونان کے زیراہتمام شیخ الاسلام ڈاکٹر محمد طاہرالقادری کی 69ویں سالگرہ کے سلسلہ میں 23 فروری 2020ء کو نیکیادیموس ہال ایتھنز میں قائد ڈے کی تقریب منعقد ہوئی۔ پروگرا م میں شیخ الاسلام ڈاکٹر محمد طاہرالقادری کے شاگرد علامہ نور احمد نور (ناروے) مہمانِ خصوصی تھے جبکہ علامہ حافظ محمد نواز ہزاروی ڈائریکٹر منہاج القرآن اسلامک سنٹر ریندی نے بھی خصوصی شرکت کی۔
منہاج القرآن انٹرنیشنل یونان کے زیرِاہتمام کرسمس اور بانی پاکستان قائد اعظم محمد علی جناح رحمۃ اللہ علیہ کے یومِ ولادت کے حوالے سے عظیم و الشان تقریب منعقد کی گئی جس میں منہاج القرآن یونان کے قائدین کے علاوہ کمیونٹی کے ہر شعبہ سے تعلق رکھنے والی شخصیات سیاسی، سماجی، مذہبی اور پریس کلب کے رہنماؤں سمیت گریک کے نامور وکلا اور کرسچن کمیونٹی کی کثیر تعداد نے شرکت کی۔
منہاج القرآن انٹرنیشنل ریندی یونان کے زیراہتمام مرکز پر محفل میلاد کا اہتمام کیا گیا۔ محفل کی صدارت صدر منہاج القرآن ارسلان خرم چیمہ جبکہ علامہ محمد نواز ہزاروی کی سرپرستی منعقد ہوئی۔ محفل کا آغاز تلاوت و نعت سے ہوا۔ تلاوت قرآن پاک کی سعادت عاقب جاوید نے حاصل کی نقابت کے فرائض محمد عاطف مصطفوی ناظم تحریک غلام عباس مصطفوی نے ادا کیے۔
منہاج القرآن انٹرنیشنل یونان کے زیراہتمام ایتھنز (ریندی) کے دیموس ہال میں 24 ویں سالانہ میلاد النبی صلی اللہ علیہ وآلہ وسلم کانفرنس کا انعقاد کیا گیا جس سے چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے خصوصی خطاب کیا۔ کانفرنس کی صدارت منہاج القرآن انٹرنیشنل یونان کے صدر ارسلان خرم چیمہ کر رہے تھے جبکہ منہاج القرآن انٹرنیشنل یونان کے سیکرٹری جنرل غلام عباس مصطفوی نے انتظامات کی نگرانی کی۔
شیخ الاسلام ڈاکٹر محمد طاہرالقادری کے دورہ یونان پر کارکنان کیساتھ افتتاحی نشست ایتھنز میں منعقد ہوئی، جس میں یونان میں پاکستانی سفیر خالد عثمان قیصر مہمان خصوصی تھے۔ پروگرام میں شیخ الاسلام نے ’’انسان کی اخلاقی و روحانی ترقی’’ کے موضوع پر خطاب کیا۔ اس موقع پر منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری اور صاحبزادہ حماد مصطفیٰ المدنی بھی اسٹیج پر موجود تھے۔ انہوں نے کہا کہ آج پوری دنیا کو امن کی ضرورت ہے لیکن عالم کو اس وقت تک امن نہیں مل سکتا، جب تک انسانی معاشرے میں امن نہ ہو، انسانی معاشرے پرامن ہوں گے تو پوری دنیا پرامن بن جائے گی۔
شیخ الاسلام ڈاکٹر محمد طاہرالقادری مؤرخہ 6 جولائی 2018 کو یونان میں ایتھنز ائیرپورٹ پہنچے، چیئرمین سپریم کونسل ڈاکٹر حسن محی الدین قادری، حماد مصطفیٰ المدنی بھی آپ کے ہمراہ تھے۔ ایئرپورٹ پر عہدیداران و کارکنان نے آپ کا پرتپاک استقبال کیا، اس موقع پر منہاج القرآن انٹرنیشنل یونان کے صدر محمد اسلم چوہدری، ناظم محمد شاہد بٹ کی قیادت میں منہاج القرآن انٹرنیشنل یونان کے عہدیدران اور ذیلی مراکز کے صدور، ناظمین، خطباء اور کارکنان کی بڑی تعداد ائیرپورٹ پر موجود تھی۔
پاکستان عوامی تحریک یونان کے زیراہتمام ایتھنز کے معروف ہوٹل ’’اورین ان‘‘ میں 25 مارچ کو ’’میری پہچان پاکستان‘‘ سیمینار کا انعقاد کیا گیا۔ پروگرام کے مہمان خصوصی قائم مقام صدر منہاج القرآن انٹرنیشنل یونان مرزا امجد جان تھے۔ انہوں نے خطاب کرتے ہوئے کہا کہ وطن عزیز پاکستان لازوال قربانیوں کے بعد حاصل کیا گیا اور آج قائد اعظم کے نقش قدم پر چلنے کی اشد ضرورت ہے۔
منہاج القرآن انٹرنیشنل یونان کے زیراہتمام قائد ڈے کی مرکزی تقریب 25 فروری 2018ء کو منعقد ہوئی، جس میں شیخ الاسلام ڈاکٹر محمد طاہرالقادری کی 67 ویں سالگرہ کا کیک کاٹا گیا۔ تقریب کی صدارت منہاج القرآن انٹرنیشنل یونان کے صدر محمد اسلم چوھدری نے کی۔ پروگرام کا آغاز قاری محمد نواز ہزاروی نے تلاوت قرآن مجید سے کیا۔ شہزاد احمد قادری، محمد زبیر قادری، یاسر عمران قادری اور صدر منہاج القرآن نعت کونسل محمد سجاد قادری نے ثناء خوانی کی۔
منہاج القرآن انٹرنیشنل کے صدر ڈاکٹر حسین محی الدین قادری 07 اکتوبر 2017 کو منہاج القرآن انٹرنیشنل یونان کی دعوت پر یونان کے 3 روزہ دعوتی و تنظیمی دورے پر پہنچے۔ ایتھنز ایئرپورٹ پر منہاج القرآن انٹرنیشنل یونان کے عہدیداران و کارکنان نے سرکاری پروٹوکول کے ہمراہ ان کا پرتپاک استقبال کیا۔
منہاج القرآن انٹرنیشنل یونان کے ذیلی مرکز منہاج القرآن الف سینا میں محفل نعت اور تقریب حلف برداری منعقد ہوئی۔ محفل نعت کا آغاز تلاوت قرآن مجید سے ہوا، جس کی سعادت ندیم ناظم مالیات ذیلی مرکز منہاج القرآن الف سینا نے حاصل کی۔ نقابت کے فرائص قاری مدثر مصطفیٰ نے نبھائے جبکہ مقامی نعت خواں حضرات کے علاوہ قمر خورشید نے خصوصی کلام بھی پیش کیا۔ سجاد حسین قادری صدر منہاج نعت کونسل یونان اور شہزاد احمد قادری ایتھنز نے بھی نعتیہ کلام پیش کیے۔
پاکستان عوامی تحریک یونان اور منہاج القرآن انٹرنیشنل یونان نے 7 ستمبر 2017 کو برما کونسلیٹ پیریا کے سامنے برمی فورسز کے ہاتھوں روہنگیا مسلمانوں پر ڈھائے جانے والے مظالم اور قتل عام کے خلاف احتجاجی مظاہرہ کیا۔ احتجاجی مظاہرے میں منہاج القرآن انٹرنیشنل یونان کے صدر محمد اسلم چوہدری، پاکستان عوامی تحریک یونان کے صدر ڈاکٹر عبد الرزاق سمیت مختلف مکاتب فکر کے نمائندوں نے روہنگیا مسلمانوں پر ہونے والے مظالم کی شدید الفاظ میں مذمت کی۔ مظاہرین نے روہنگیا مسلمانوں کی قتل و غارتگری کو نسل کشی قرار دیتے ہوئے عالمی طاقتوں سے مجرمانہ خاموشی توڑنے کا مطالبہ کیا۔
پاکستان عوامی تحریک یونان و منہاج القرآن انٹرنیشنل یونان کے زیر اہتمام برما کے مسلمانوں پر ڈھائے جانے والے مظالم اور قتل عام پر 7 ستمبر 2017ء کو برما قونصلیٹ پیریا کے سامنے احتجاج کیا گیا۔ احتجاجی مظاہرہ میں تمام مکاتب فکر کے نمائندہ افراد نے بھرپور شرکت کی۔ مقررین نے اپنے خیالات کا اظہار کرتے ہوئے کہا برما میں روہنگیا مسلمانوں کی نسل کشی باقاعدہ منصوبہ کے تحت کی جا رہی ہے اور عالمی طاقتوں کی مجرمانہ خاموشی اس بات کا ثبوت ہے وہ ملک جو جانوروں کےحقوق پر بھی سراپا احتجاج ہو جاتے ہیں۔
منہاج القرآن انٹرنیشنل یونان کی مجلس شوریٰ کا اجلاس 13 اگست 2017ء کو اسلامک سنٹر ریندی میں منعقد ہوا۔ اجلاس میں یونان کے مقامی اور ذیلی مراکز کے تمام ممران نے بھرپور شرکت کی۔ اجلاس کا باقاعدہ آغاز تلاوتِ قرآن پاک سے ہوا جسکی سعادت صدر منہاج نعت کونسل یونان سجاد حسین قادری نے حاصل کی جبکہ تیمور عابد ناظم یوتھ لیگ نے نعت مبارکہ پیش کی۔
منہاج القرآن انٹرنیشنل یونان کے زیراہتمام 19 اگست 2017ء کو امیر تحریک مسکین فیض الرحمن خان درانی مرحوم کی یاد میں تعزیتی ریفرنس اور ایصال ثواب کی محفل اسلامک سنٹر ریندی میں منعقد ہوئی۔ محفل میں قرآن خوانی اور محفل نعت شامل تھی۔ تحریک منہاج القرآن کے اِس عظیم سرمایہ کی ناگہانی و اچانک وفات پر ہر آنکھ اشکبار تھی۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.
