سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
مؤرخہ 25 نومبر اباراکی کین جاپان امام بارگاہ محمد و آل محمد ﷺ میں عظیم الشان محفل میلاد مصطفی ﷺ کا انعقاد کیا گیا، جس میں ڈائرکٹر منہاج القرآن انٹرنیشنل جاپان علامہ محمد شکیل ثانی اور علامہ غلام ربانی تیمور کے تاریخی خطابات ہوئے، دونوں مقررین نے اتحاد امت اور محبت اہل بیت اطہار و صحابہ اکرام رضی اللہ عنہم کا پیغام دیا۔
جاپان نگانو کین میں منہاج القرآن انٹرنیشنل کے زیرانتظام حاجی محمد صفدر کے گھر محفل ذکر رسول صلی اللہ علیہ وسلم کا انعقاد کیا گیا جس میں گما کین سے سلیم خان اور اصغر بھنڈر شریک ہوئے جبکہ اباراکی کین سے حافظ ایوب اور ذیشان علی نے شرکت کی، ڈائریکٹر منہاج القرآن انٹرنیشنل جاپان علامہ محمد شکیل ثانی نے ایمان افروز خطاب کیا، جس میں انہوں نے تحریک کا پیغام احسن انداز میں دیا۔
منہاج القرآن انٹرنیشنل جاپان مرکز سکائی ماچی میں محفل میلاد منعقد ہوئی، جس میں علامہ محمد شکیل ثانی اور علامہ غلام ربانی تیمور نے خصوصی شرکت کی۔ محفل کا آغاز تلاوت و نعت سے ہوا، جس کے بعد ثاقب الرحمن نے نعت خوانی کی اور درود و سلام پیش کیا۔ محفل میں علامہ غلام ربانی تیمور اور علامہ محمد شکیل ثانی نے خطاب کیا۔
منہاج القرآن انٹرنیشنل گماکین کے زیرانتظام حاجی وارث کے گھر محفل جشن رسول ﷺ کا انعقاد کیا گیا جس میں سلیم خان، اصغر بھنڈر اور حافظ ایوب نے خصوصی شرکت کی۔ محفل کا آغاز تلاوت کلام مجید سے ہوا جس کے بعد تاجدار کائنات ﷺ کی بارگاہ میں معاذ اعجاز، اعجاز احمد اور محمد حفیظ نے عقیدت کے پھول نچھاور کیے۔
منہاج القرآن انٹرنیشنل جاپان کے زیراہتمام ناگویا میں 18 نومبر 2018ء کو سالانہ محفلِ میلاد مصطفیٰﷺ کا انعقاد کیا گیا۔ محفلِ میلاد کی صدارت علی عمران صدر منہاج ایسوسی ایشن کونسل نے کی جبکہ علامہ غلام ربانی تیمور اور محمد شکیل ثانی مہمانِ خصوصی تھے جبکہ محفل میں گردو نواح سے عاشقانِ رسول محمدمصطفیﷺ کی کثیر تعداد شریک ہوئی۔
چودھری عابد گجر مرحوم کے سالانہ ختم ایصال ثواب کے موقع پر قرآن خوانی و محفل میلاد پاک کا انعقاد کیا گیا جس میں جاپان بھر سے پاکستانی کمیونٹی نے بھر پور شرکت کی۔ محفل کا آغاز تلاوت کلام مجید سے ہوا، نعت رسول مقبول ﷺ کی سعادت سرفراز نے حاصل کی جبکہ نقابت کے فرائض سابق صدر منہاج القرآن انٹرنیشنل جاپان اعجاز احمد بھٹی نے ادا کئے۔
مؤرخہ 15 نومبر 2018 مرکز منہاج القرآن جاپان کی طرف سے انڈیا امروہہ سے تشریف لائے ہوئے اسکالر علامہ سید مشرف حسین زیدی کے اعزاز میں عشائیہ دیا گیا جس میں علامہ غلام ربانی تیمور نے شرکت کی۔ علامہ محمد شکیل ثانی نے اس تقریب کا اہتمام کیا تھا۔
ٹوکیو جاپان میں نیو ہارٹ مصالحہ کے روح رواں رانا محمد عامر کی طرف سے ڈائریکٹر منہاج القرآن انٹرنیشنل جاپان علامہ محمد شکیل ثانی اور پاکستان سے تشریف لائے علامہ غلام ربانی تیمور کے اعزاز میں عشایہ دیا گیا۔ عشائیہ میں منہاج القرآن مرکز جاپان کی ٹیم کے علاوہ کمیونٹی کی معتبر شخصیات نے بھی شرکت کی۔
منہاج القرآن انٹرنیشنل جاپان کی دعوت پر معزز مہمان علامہ غلام ربانی تیمور اور ڈائریکٹر منہاج القرآن جاپان علامہ شکیل ثانی نے تعزیتی مجلس میں خصوصی شرکت کی۔ متولی امام بارگاہ محمد اقبال کیمانی کی زوجہ محترمہ، سید یاسر شاہ کے بھنوئی اور کزن سید بڈھے شاہ کے ایصال ثواب کے لیے قرآن خوانی کی محفل کا انعقاد ہوا۔
منہاج القرآن انٹرنیشنل جاپان کے ڈائریکٹر علامہ محمد شکیل ثانی اور پاکستان سے تشریف لائے ہوئے منہاج القرآن کے ممتاز سکالر علامہ غلام ربانی تیمور نے گذشتہ روز سکائی ہسپتال میں زیر علاج خالد ڈار کی عیادت کی۔ جو منہاج القرآن کے رفیق اور پرانے ساتھی ہیں۔ علامہ محمد شکیل ثانی اور علامہ غلام ربانی تیمور سمیت دیگر ساتھیوں نے انکو پھولوں کا گلدستہ پیش کیا اور انکی جلد صحت یابی کے لیے دعا کی۔
منہاج القرآن انٹرنیشنل جاپان ٹوکیو جاپان مرکز میں ڈائریکٹر علامہ محمد شکیل ثانی کے ہاتھوں جاپانی عورت نے اسلام قبول کر لیا۔ اس موقع پر امریکہ میں مقیم سید انور علی شاہ اور علامہ غلام ربانی تیمور نے کلمہ طیبہ اور کلمہ شہادت پڑھایا۔ بعد ازاں علامہ غلام ربانی تیمور نے اپنے ہاتھ سے اسلام قبول کرنے والی بہن کو منہاج القرآن مرکز کی طرف سے سندھی اجرک پہنائی اور مبارکباد بھی دی۔
منہاج القرآن انٹرنیشنل جاپان کے زیرانتظام سالانہ عظیم الشان ضیافت و استقبال میلادالنبی ﷺ کانفرنس مورخہ 3 نومبر بروز ہفتہ بعد نماز عشاء مرکز منہاج القرآن سکائ ماچی ھوئ میں منعقد ہوئی، جس میں پاکستانی کمیونٹی کے علاوہ جاپان کی سیاسی و سماجی شخصیات اور جملہ مکاتب فکر کے افراد شریک ہوئے۔
ڈائریکٹر منہاج القرآن انٹرنیشنل جاپان علامہ محمد شکیل ثانی نے جاپانی فیسٹیول میں شرکت کی اور جاپانی زبان میں ’’اسلام بطور دین امن و سلامتی‘‘ کے موضوع پر خطاب کیا۔ جاپان کے نوداسٹی آفس ھال میں منعقدہ سالانہ فیسٹیول میں جاپان، ویت نام، پاکستان، ملائشیا، انڈونیشیا، ساؤتھ افریقہ، چائنہ، فلپائن، کوریا اور دیگر ممالک کی نمائندگی شامل تھی۔
پاکستان کے معروف کامیڈین و اداکار سہیل احمد عزیزی نے منہاج القرآن انٹرنیشنل جاپان مرکز کا وزٹ کیا اور شیخ الاسلام ڈاکٹر طاہرالقادری کے تنظیمی کام کو سراہا۔ انہوں نے کہا کہ پاکستان پر اچھا وقت آنے والا ہے اور مایوسیاں ختم ھونے والی ہیں۔ اس موقع پر ڈائریکٹر منہاج القرآن جاپان علامہ محمد شکیل ثانی نے معزز مہمان کو ویلکم کیا۔
منہاج القرآن انٹرنیشنل جاپان سکائی ماچی مرکز پر 27 اکتوبر 2018ء کو تعزیتی محفل و درس قرآن میں علامہ محمد شکیل ثانی نے خطاب کیا۔ درس قرآن کا یہ پروگرام حاجی صباحت بھٹی اور حاجی انوار بھٹی کے بڑے بھائی اور احمد سعید بھٹی صدر پاکستان تحریک انصاف جاپان کے کزن اور جاپان کی معروف کاروباری شخصیت الحاج اسحاق احمد بھٹی کے ایصال ثواب کے لیے منعقد کیا گیا۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.
