تحریک منہاج القرآن لاہور کی خبریں

کالج آف شریعہ کے طالب علم کی جامعہ نعیمیہ لاہور کے تقریری مقابلہ میں پوزیشن

کالج آف شریعہ کے طالب علم کی جامعہ نعیمیہ لاہور کے تقریری مقابلہ میں پوزیشن

جامعہ نعیمیہ لاہور کے زیر اہتمام مورخہ 27 مارچ 2012 کو" آل پاکستان مقابلہ حسن تقریر" ہوا۔ جس میں ملک کے طول و عرض سے آئے ہوئے طلباء نے شرکت کی اس مقابلہ کا انعقاد مفتی محمد حسین نعیمی سیمینار کے موقع پر کیا گیا تھا۔ پروگرام کےمہمانان خصوصی میں پاکستان کے سابقہ وزیر اعظم میاں محمد نواز شریف، معروف ٹی وی میزبان ڈاکٹر عامر لیاقت حسین ، چیرمین ہلال کمیٹی پاکستان مفتی منیب الرحمن، جگر گوشہ حضور ضیاء الامت پیر امین الحسنات شاہ، شیخ الحدیث جامعہ نعیمیہ مفتی عبدالحلیم، مہتمم جامعہ نعیمیہ صاحبزادہ راغب حسین نعیمی، کوآرڈینیٹر پی ایچ ڈی پروگرام منہاج یونیورسٹی ڈاکٹر مسعود احمد مجاہد تھے۔

27 مارچ 2012ء

بزم منہاج کالج آف شریعہ کے زیراہتمام اردو تقریری مقابلہ

بزم منہاج کالج آف شریعہ کے زیراہتمام اردو تقریری مقابلہ

بزم منہاج کالج آف شریعہ اینڈ اسلامک سائنسز منہاج یونیورسٹی لاہور کے زیراہتمام شیخ الاسلام ڈاکٹر محمد طاہر القادری کی 61ویں سالگرہ کے موقع پر سالانہ کل پاکستان بین الجامعاتی مقابلہ جات کے تیسرے دن مورخہ 21 مارچ 2012 کو "زاغوں کےتصرف میں عقابوں کے نشیمن" کے عنوان سے اردو تقریری مقابلے کا اہتمام کیا گیا۔

23 مارچ 2012ء

تحریک منہاج القرآن سرگودھا کے امیر چودھری اسماعیل سندھو لاہور میں انتقال کر گئے

تحریک منہاج القرآن سرگودھا کے امیر چودھری اسماعیل سندھو لاہور میں انتقال کر گئے

تحریک منہاج القرآن سرگودھا کے امیر چوہدری اسماعیل سندھو آج مورخہ 19 مارچ 2012 کو مختصر علالت کے بعد لاہور میں قضائے الہی سے انتقال کر گئے۔ شیخ الاسلام ڈاکٹر محمد طاہرالقادری نے اس پر گہرے دکھ اور افسوس کا اظہار کرتے ہوئے مرحوم کی مغفرت اور درجات کی بلندی کیلئے دعا کی ہے۔

19 مارچ 2012ء

منہاج القرآن ویمن لیگ (نارنگ منڈی) کے زیراہتمام محفل میلاد

منہاج القرآن ویمن لیگ (نارنگ منڈی) کے زیراہتمام محفل میلاد

منہاج القرآن ویمن لیگ نارنگ منڈی کے زیراہتمام مورخہ 18 مارچ 2012ء کو عظیم الشان محفل میلاد مصطفی صلی اللہ علیہ وآلہ وسلم منعقد ہوئی۔ جس میں دور و نزدیک سے تقریباً 600 خواتین نے شرکت کی۔ اس پروگرام میں مرکز سے ناظمہ MSM محترمہ شاکرہ چوہدری نے خصوصی شرکت کی

18 مارچ 2012ء

یونیورسٹی آف ویٹرنیری اینڈ انیمل سائنسز لاہور میں MSM کی تنظیم نو

یونیورسٹی آف ویٹرنیری اینڈ انیمل سائنسز لاہور میں MSM کی تنظیم نو

UVAS میں MSM کی نئی تنظیم کا اعلان کردیا گیا، اس سلسلہ میں ایک پروقار تقریب کا انعقاد کیا گیا۔ تقریب کا آغاز تلاوت کلام مجید سے ہوا جس کے بعد آقا دو جہاں تاجدار کائنات صلی اللہ علیہ وآلہ وسلم کی بارگاہ میں عقیدت کےپھول نچھاور کیے گئے، جبکہ پروگرام کے مہمان خصوصی ایم ایس ایم کے مرکزی سینئر نائب صدر میاں عرفان آصف تھے۔

16 مارچ 2012ء

منہاج القرآن واہگہ ٹاؤن لاہور کے زیراہتمام سفیر امن سیمینار

منہاج القرآن واہگہ ٹاؤن لاہور کے زیراہتمام سفیر امن سیمینار

مورخہ 13 مارچ 2012ء کو تحریک منہاج القرآن واہگہ ٹاؤن لاہور کے زیراہتمام شیخ الاسلام ڈاکٹر محمد طاہر القادری کی 61 ویں سالگرہ کے حوالے سے سفیر امن سیمینار کا انعقاد آغاز میرج لان بالمقابل پاکستان منٹ گیٹ جی ٹی روڈ لاہور میں کیا گیا جس کی صدارت ایس ایم ظفر چیئرمین منہاج ایجوکیشن سوسائٹی نے کی

13 مارچ 2012ء

کالج آف شریعہ اینڈ اسلامک سائنسز کے زیر اہتمام محفل ذکر سرور کونین

کالج آف شریعہ اینڈ اسلامک سائنسز کے زیر اہتمام محفل ذکر سرور کونین

کالج آف شریعہ اینڈ اسلامک سائنسز بی ایس VIII کے طلباء کے زیراہتمام 12 مارچ 2012 کو بعد ازنماز عشاء مرکزی صفہ ہال میں ’’محفل ذکر سرور کونین‘‘ منعقد ہوئی۔ جس کی صدارت وائس پرنسپل کالج آف شریعہ ڈاکٹر محمد اصغر جاوید الازہری نے کی۔

12 مارچ 2012ء

نظامت تربیت تحریک منہاج القرآن کے زیراہتمام آئیں حدیث سیکھیں کورس کا آغاز

نظامت تربیت تحریک منہاج القرآن کے زیراہتمام آئیں حدیث سیکھیں کورس کا آغاز

نظامت تربیت تحریک منہاج القرآن کے زیراہتمام مورخہ 06 مارچ 2012 کو جامع مسجد منہاج القرآن میں آئیں حدیث سیکھیں کورس کا آغاز کیا گیا۔ افتتاحی تقریب کا باقاعدہ آغاز قاری محمد وقاص قادری نے تلاوت قرآن مجید سے کیا۔ اس کے بعد انچارج کورس حافظ محمد عمیر نے حضور نبی اکرم صلی اللہ علیہ وآلہ وسلم کی بارگاہ میں ہدیہ نعت پیش کی۔ نقابت کے فرائض سنیئر نائب ناظم تربیت علامہ محمد شریف کمالوی نے سرانجام دیے۔ مہمانان گرامی میں نائب ناظم اعلی غلام مصطفی ملک، پروفیسر محمد نواز ظفر چشتی، امیر پنجاب احمد نواز انجم، ناظم علماء کونسل علامہ سید فرحت حسین شاہ، حاجی منظور احمد شامل تھے۔

06 مارچ 2012ء

بزم قادریہ منہاج یونیورسٹی کے زیراہتمام سالانہ محفل قرات و نعت بسلسلہ بڑی گیارہویں شریف

بزم قادریہ منہاج یونیورسٹی کے زیراہتمام سالانہ محفل قرات و نعت بسلسلہ بڑی گیارہویں شریف

29 فروری بروز بدھ بزم قادریہ منہاج یونیورسٹی کے زیراہتمام بڑی گیارہویں شریف کے سلسلہ میں سالانہ محفل قراءت و نعت صفہ ہال مرکزی سیکرٹریٹ تحریک منہا ج القرآن میں منعقد ہوئی، جس کی صدارت صاحبزادہ مسکین فیض الرحمن درانی مرکزی امیر تحریک نے کی، جبکہ مہمان خصوصی ناظم اعلیٰ تحریک منہاج القرآن ڈاکٹر رحیق احمد عباسی تھے۔

29 فروری 2012ء

منہاج ویلفیئر فاؤنڈیشن کے زیراہتمام 23 شادیوں کی اجتماعی تقریب یکم اپریل کو ہو گی

منہاج ویلفیئر فاؤنڈیشن کے زیراہتمام 23 شادیوں کی اجتماعی تقریب یکم اپریل کو ہو گی

ہر سال کی طرح امسال بھی آقا علیہ الصلاۃ والسلام کی بعث مبارکہ کی مناسبت سے منہاج ویلفیئر فاؤنڈیشن کے تحت 23 شادیوں کی اجتماعی تقریب 01 اپریل 2012 بروز اتوار کو صبح 9:30 بجے "منہاج یونیورسٹی بغداد ٹاؤن ٹاؤن شپ لاہور" میں منعقد ہو گی ۔

منہاج ویلفیئر فاؤنڈیشن واہ کینٹ کے زیر اہتمام 12 شادیوں کی اجتماعی تقریب 24 مارچ 2012 کو واہ کینٹ میں منعقد ہو گی اور منہاج ویلفیئر فاؤنڈیشن دولتالہ کے زیراہتمام 17 شادیوں کی اجتماعی تقریب 11 مارچ 2012 کو پی پی 4 دولتالہ میں منعقد ہو گی۔

28 فروری 2012ء

تحریک منہاج القرآن لاہور کے تحت متحرک لائبریری کا آغاز

تحریک منہاج القرآن لاہور کے تحت متحرک لائبریری کا آغاز

تحریک منہاج القرآن لاہور کے زیراہتمام شیخ الاسلام ڈاکٹر محمد طاہرالقادری کی 440 طبع شدہ کتابوں خطابات کی سی ڈیز کی نمائش کا آغاز لاہور پریس کلب سے متحرک لائبریری کے ذریعے کیا گیا۔

28 فروری 2012ء

منہاج القرآن ویمن لیگ لاہور کے زیراہتمام شیخ الاسلام کی 61 ویں سالگرہ کے موقع پر کتب نمائش

منہاج القرآن ویمن لیگ لاہور کے زیراہتمام شیخ الاسلام کی 61 ویں سالگرہ کے موقع پر کتب نمائش

منہاج القرآن ویمن لیگ لاہور کے زیراہتمام شیخ الاسلام ڈاکٹر محمد طاہر القادری کی 61 ویں سالگرہ کے موقع پر کتب نمائش مورخہ 27 تا 28 فروری 2012 کو ایوان اقبال آرٹ گیلری لاہور میں منعقد ہوئی۔ جس میں لاہور بھر سے مختلف تعلیمی اداروں سے طلباء اور اساتذہ نے اس نمائش میں شرکت کی۔ علاوہ ازیں وزیٹرز میں غیر مسلم اقلیتوں اور مختلف شعبہ ہائے زندگی سے تعلق رکھنے والے افراد بھی شامل تھے۔

28 فروری 2012ء

تحریک منہاج القرآن تحصیل شکرگڑھ کے زیراہتمام محفل میلاد

تحریک منہاج القرآن تحصیل شکرگڑھ کے زیراہتمام محفل میلاد

تحریک منہاج القرآن تحصیل شکرگڑھ کی یونین کونسل سٹی نمبر 3 کے زیراہتمام 26 فروری 2012ء کو عیدگاہ درمان روڈ شکرگڑھ میں ایک عظیم الشان محفل میلاد مصطفی صلی اللہ علیہ وآلہ وسلم کا انعقاد ہوا۔ جس میں اہم شخصیات کے علاوہ علاقہ بھر سے کثیر تعداد میں مرد و خواتین نے شرکت کی۔

26 فروری 2012ء

مصطفوی سٹوڈنٹس موومنٹ کا تین روزہ تربیتی کیمپ

مصطفوی سٹوڈنٹس موومنٹ کا تین روزہ تربیتی کیمپ

مصطفوی سٹوڈنٹس موومنٹ پاکستان کا 3 روزہ تربیتی کیمپ 24 فروری کومرکزی سیکرٹریٹ ماڈل ٹاون میں شروع ہوا۔ جس کی صدارت حافظ تجمل حسین انقلابی (مرکزی صدر مصطفوی سٹوڈنٹس موومنٹ) نے کی۔ پروگرام میں پاکستان بھر کے مختلف 100 تعلیمی ادارہ جات یونیورسٹیز، میڈیکل کالجز اور گورنمنٹ کالجز کے صدور، جنرل سیکرٹریز اور انفارمیشن سیکرٹریز نے شرکت کی۔

25 فروری 2012ء

شیخ الاسلام ڈاکٹر محمد طاہرالقادری کی 61 ویں سالگرہ پر عالمی سفیر امن سیمینار

شیخ الاسلام ڈاکٹر محمد طاہرالقادری کی 61 ویں سالگرہ پر عالمی سفیر امن سیمینار

شیخ الاسلام ڈاکٹر محمد طاہرالقادری کی 61 ویں سالگرہ کے موقع پر انتہاء پسندی اور دہشت گردی کے خاتمے کیلئے فکری اور عملی رہنمائی دینے اور فروغ امن کے لیے ان کی عالمی خدمات کو خراج تحسین پیش کیا گیا۔ اس حوالے سے تحریک منہاج القرآن کے مرکزی سیکرٹریٹ میں "عالمی سفیر امن سیمینار 2012ء" منعقد کیا گیا۔ پروگرام کی صدارت امیر تحریک صاحبزادہ مسکین فیض الرحمن درانی نے کی جبکہ چن پیر قادری (سجادہ نشین حضرت میاں میر)، پیر نفیس الحسن قادری (اوچ شریف)، ڈاکٹر سعید الٰہی (مشیر وزیر اعلیٰ پنجاب - MPA)، ناظم اعلیٰ ڈاکٹر رحیق احمد عباسی، ڈاکٹر علامہ غلام رسول قادری، ارشاد حسین عارف (سینئر جرنلسٹ جنگ نیوز)، سیکرٹری جنرل پاکستان عوامی تحریک انوار اختر ایڈووکیٹ، معین علوی (سیکرٹری اطلاعات سنی اتحاد کونسل) اور علامہ حافظ طاہر ضیاء (نارووال) مہمان خصوصی تھے۔

24 فروری 2012ء

Admissions Open Minhaj University Lahore

Views of Dignitaries

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top