تحریک منہاج القرآن پاکستان کی خبریں

جہلم : منہاج القرآن یوتھ لیگ چوٹالہ کے زیراہتمام مشعل بردار میلاد مارچ

جہلم : منہاج القرآن یوتھ لیگ چوٹالہ کے زیراہتمام مشعل بردار میلاد مارچ

حضور نبی رحمت صلی اللہ علیہ وآلہ وسلم کے یوم ولادت کی خوشی میں منہاج القرآن یوتھ لیگ چوٹالہ کے زیراہتمام 12 ربیع الاول کو بعد نماز عشاء مشعل بردار مارچ کا انعقاد کیا گیا۔ جس میں اہل علاقہ نے کثیر تعداد میں شرکت کی۔ درود و سلام پڑھتی ساعتوں میں یہ میلاد مارچ لائبریری منہاج القرآن سے شروع ہوا اور مختلف راستوں سے ہوتا ہوا میجراں والی مسجد میں اختتام پذیر ہوا۔ اس دوران شرکاء اپنے پیارے آقا صلی اللہ علیہ وآلہ وسلم کے حضور درود و سلام کے نذرانے پیش کرتے رہے۔

24 جنوری 2013ء

لودہراں: میلاد مارچ کا انعقاد

لودہراں: میلاد مارچ کا انعقاد

لودھراں: تحریک منہاج القرآن کے زیر اہتمام میلاد مارچ کیا گیا۔ مارچ اڈا پرمٹ سے شروع ہوکر مختلف راستوں سے ہوتا ہوا لودہراں پریس کلب کے سامنے اختتام پذیر ہوا۔ اس میلاد مارچ سے خطاب کرتے ہوئے صدر تحریک منہاج القرآن لودہراں ملک اسلم حماد نے کہا کہ نبی آخرالزماں حضرت محمد صلی اللہ علیہ و آلہ وسلم کی مکی اور مدنی دور کی زندگی انسانیت کے لئے مشعل راہ ہے۔ جہالت کے اس دور میں آپ صلی اللہ علیہ و آلہ وسلم تشریف لائے جب انسانیت اپنی قدریں کھو چکی تھی ہر طرف ظلم و بربریت کا دور دورہ تھا۔انہوں نے کہا کہ آپ صلی اللہ علیہ و آلہ وسلم نے اپنے کردار کے ذریعے انسانیت کو توحید کا پیغام دے کر ایک لڑی میں پرو دیا۔

23 جنوری 2013ء

ڈسکہ : تحریک منہاج القرآن کے زیراہتمام مشعل بردار جلوس

ڈسکہ : تحریک منہاج القرآن کے زیراہتمام مشعل بردار جلوس

تحریک منہاج القرآن ڈسکہ کے زیراہتمام عید میلاد النبی صلی اللہ علیہ وآلہ وسلم کا مشعل بردار جلوس نکالا گیا جس میں لوگوں کی کثیر تعداد نے شرکت کی۔ جلوس میں شرکاء نے بینرز اٹھا رکھے تھے جن پر ''محمد اور پروفٹ اور آنر'' لکھا ہوا تھا۔ علاوہ ازیں پوری فضا ''غلام ہیں غلام ہیں رسول کے غلام ہیں'' جیسے نعروں سے گونج رہی تھی۔

23 جنوری 2013ء

گوجر خان : تحریک منہاج القرآن کی ضیافت میلاد

گوجر خان : تحریک منہاج القرآن کی ضیافت میلاد

تحریک منہاج القرآن تحصیل گوجرخان کے زیراہتمام 11 ربیع الاول شام بعد نماز مغرب سول کلب جی ٹی روڈ میں ضیافت میلاد کا انعقاد کیا گیا۔ ضیافت میں خصوصی شرکت اسسٹنٹ کمشنر تحصیل گوجرخان قرۃ العین، معروف علمی و ادبی شخصیت پروفیسر نسیم تقی جعفری، ثاقب امام رضوی، علامہ محمد سجاد ساجد، تحریک منہاج القرآن تحصیل گوجرخان، منہاج القرآن یوتھ لیگ، مصطفوی سٹوڈنٹس موومنٹ اور منہاج القرآن ویمن لیگ تحصیل گوجرخان کی مرکزی قیادت نے کی۔

23 جنوری 2013ء

لاہور: منہاج القرآن یوتھ لیگ گلبرگ بی کے زیر اہتمام مشعل بردار جلوس

لاہور: منہاج القرآن یوتھ لیگ گلبرگ بی کے زیر اہتمام مشعل بردار جلوس

لاہور: حضور صلی اللہ علیہ وآلہ وسلم کی آمد کے سلسلہ میں منہاج القرآن یوتھ لیگ گلبرگ بی کے زیر اہتمام مشعل بردار جلوس 22 جنوری کو رحیم پارک سے نکالا گیا۔

22 جنوری 2013ء

گوجر خان: تحریک منہاج القرآن کے زیراہتمام کامیاب اور پرامن لانگ مارچ پر جشن

گوجر خان: تحریک منہاج القرآن کے زیراہتمام کامیاب اور پرامن لانگ مارچ پر جشن

تحریک منہاج القرآن کے زیراہتمام کامیاب اور پرامن لانگ کے مارچ کے انعقاد پر تہنیتی تقریب گوجرخان چوک میں منعقد کی گئی۔ اس تقریب کی صدارت امیر تحریک منہاج القرآن گوجرخان پیر سید صدیق حسین شاہ نے کی۔ تقریب کا باقاعدہ آغاز تلاوت کلام پاک سے کیا گیا جس کے بعد نعت رسول مقبول صلی اللہ علیہ وآلہ وسلم کی سعادت امجد رشید صائم چشتی نے حاصل کی۔

21 جنوری 2013ء

ڈسکہ : تحریک منہاج القرآن کے زیراہتمام عید میلاد النبی (ص) کا جلوس

ڈسکہ : تحریک منہاج القرآن کے زیراہتمام عید میلاد النبی (ص) کا جلوس

تحریک منہاج القرآن ڈسکہ کے زیراہتمام جشن عید میلاد النبی صلی اللہ علیہ وآلہ وسلم کے سلسلے میں عظیم الشان جلوس نکالا گیا، جس میں تحریک منہاج القرآن کے جملہ فورمز کے عہدیداران و کارکنان سمیت اہل علاقہ کی موثر شخصیات اور عوام الناس کی بڑی تعداد نے شرکت کی۔

21 جنوری 2013ء

فیصل آباد : ویمن لیگ کے زیراہتمام محفل میلاد مصطفیٰ (ص)

فیصل آباد : ویمن لیگ کے زیراہتمام محفل میلاد مصطفیٰ (ص)

کانفرنس سے روبینہ خاکی نے خطاب کرتے ہوئے کہا کہ میلاد کے مہینے کا آغاز پوری مسلم دنیا کے لیے خوشی اور مسرت کا عجیب احساس لے کر آتا ہے اس مبارک مہینے کی خوشیوں کے آگے ہماری ذاتی اور اجتماعی خوشیاں ہیچ ہیں۔ منہاج القرآن ویمن لیگ کی وابستگان اور کارکنان پورے فیصل آباد میں محفل میلاد کا انعقاد کرکے دنیا کو امن، سلامتی، محبت، برداشت اور احترام انسانیت کا پیغام دے رہی ہیں۔

20 جنوری 2013ء

ڈاکٹر طاہرالقادری کی حکومت کو تین بجے کی ڈیڈ لائن

ڈاکٹر طاہرالقادری کی حکومت کو تین بجے کی ڈیڈ لائن

ڈاکٹر محمد طاہرالقادری نے حکومت کو تین بجے کی ڈیڈ لائن دے دی ہے۔ ان خیالات کا اظہار انہوں نے تھوڑی دیر پہلے لانگ مارچ کے شرکاء سے خطاب کرتے ہوئے کیا۔ ان کا کہنا تھا کہ ہم نے مارچ سے پہلے بھی حکومت کو مذاکرات کے لیے بہت ٹائم دیا ہے۔ یہ آخری دیڈ لائن ہے۔

17 جنوری 2013ء

عوامی دھرنامارچ، فیصلہ کا انتظار

عوامی دھرنامارچ، فیصلہ کا انتظار

ڈاکٹرطاہرالقادری نے عوامی دھرنا مارچ کے پانچویں روز لاکھوں شرکاء سے خطاب کیا۔ انہوں نے کہا کہ شدید بارش اور آندھی میں بھی لاکھوں شرکاء اپنی جگہ پر جم کر بیٹھے ہیں۔ یہ ا ن پر اللہ کی رحمت اور امتحان ہے، لیکن دوسری جانب اس ملک کے حکمران ہیں، جو عوام کے ان جذبات کوسمجھنے سے قاصر ہیں۔ عوام پاکستان کے مطالبات کو سمجھنا حکمرانوں کا کام نہیں رہا۔ کیونکہ حکمران عوام کے جمہوری مزاج کوسمجھ ہی نہیں سکتے۔ اس لیے وہ اپنی ہٹ دھرمی اور بربریت پر قائم ہیں۔

17 جنوری 2013ء

حکومت اور ڈاکٹر طاہرالقادری کے درمیان مذاکرات جاری

حکومت اور ڈاکٹر طاہرالقادری کے درمیان مذاکرات جاری

حکومت کے نو رکنی وفد اور ڈاکٹر طاہرالقادری کے درمیان عوامی لانگ مارچ ڈی اسکوائر میں مذاکرات کا عمل جاری ہے۔ حکومتی وفد میں چوہدری شجاعت حسین، قمرالزمان کائرہ، مخدوم امین فہیم، سینٹر عباس آفریدی، سینٹر فاروق ستار، بابر غوری، سید خورشید شاہ، مشاہد حسین سید، فاروق ایچ نائیک اور افراسیاب خٹک شامل ہیں۔ اطلاعات کے مطابق شام سات بجے تک مذاکرات کو تین گھنٹے گزر چکے تھے۔ جس میں ڈاکٹر طاہرالقادری کے چار نکاتی ایجنڈے میں سے صرف ایک نکات پر بات ہوسکی۔ نماز مغرب کے وقفہ کے وقت شب پونے چھے بجے ڈاکٹر طاہرالقادری نے شرکاء مارچ سے مخاطب ہوئے۔ انہوں نے مختصر بات کرتے ہوئے کہا کہ ابھی چار نکاتی ایجنڈے میں صرف ایک پوائنٹ پر بات ہوئی ہے۔ اس لیے آپ حوصلے سے اپنی جگہ پر ڈٹ کر بیٹھے۔

17 جنوری 2013ء

اسلام آباد لانگ مارچ ڈیکلریشن پر وزیر اعظم کے دستخط

اسلام آباد لانگ مارچ ڈیکلریشن پر وزیر اعظم کے دستخط

پاکستان کے دارالحکومت اسلام آباد میں تحریکِ منہاج القرآن کے سربراہ ڈاکٹر طاہر القادری اور حکومتی ٹیم کے درمیان طے پانے والے ’اسلام آباد لانگ مارچ ڈیکلریشن‘ پر وزیر اعظم راجہ پرویز اشرف نے دستخط کردیے۔ یہ اعلان انہوں نے حکومت کی دس رکنی ٹیم کے ساتھ چار گھنٹوں سے زیادہ کے مذاکرات کے بعد مجمعے سے خطاب کرتے ہوئے کیا۔ انہوں نے کہا کہ معاہدے کے اس مسودے پر حکومتی کمیٹی کے تمام اراکین کے دستخط ہیں اور وزیر اعظم کے بھی ہیں۔

17 جنوری 2013ء

عوامی دھرنا مارچ کا کامیاب اختتام

عوامی دھرنا مارچ کا کامیاب اختتام

ڈاکٹر طاہرالقادری نے اسلام آباد لانگ مارچ ڈکلیریشن کو میڈیا کے سامنے پیش کرتے ہوئے کہا کہ پاکستان کی جمہوری تاریخ میں ایک عظیم معاہدہ ہے جو آج 17 جنوری 2013 کو سائن ہوا۔ اس کے شرکاء میں حکومت اور کولیشن پارٹیوں کے 10 نمائندے شامل ہیں۔ اس معاہدہ پر وزیراعظم سے دستخط ہوئے ہیں، جس کے بعد میرے دستخط ہوئے۔ قومی اسمبلی نے 16 مارچ 2013 کو تحلیل ہونا تھا، اب یہ فیصلہ ہوا ہے کہ اب یہ اسمبلی 16 مارچ سے پہلے کسی بھی وقت تحلیل کر دی جائے گی، تاکہ انتخابات مقررہ 90 دنوں میں منعقد ہو سکیں۔

17 جنوری 2013ء

اسلام آباد لانگ مارچ ڈیکلیریشن 2013ء

اسلام آباد لانگ مارچ ڈیکلیریشن 2013ء

قومی اسمبلی کو (اپنی مقررہ میعاد) 16 مارچ سے قبل کسی بھی وقت تحلیل کر دیا جائے گا، تاکہ اس کے بعد نوے دن کے اندر اندر انتخابات کا انعقاد کروایا جا سکے۔ کاغذات کی جانچ پڑتال اور آئین کے آرٹیکل 62 اور 63 کے تحت امیدواروں کی pre-clearance کے لیے ایک ماہ کا وقت دیا جائے گا تاکہ الیکشن کمیشن امیدواروں کی انتخابات میں حصہ لینے کی اہلیت کا یقین کرسکے۔ کسی بھی امیدوار کو اپنی انتخابی مہم کے آغاز کی اجازت نہیں دی جائے گی جب تک ان کی یہ چھانٹی نہیں ہو جاتی اور الیکشن کمیشن ان کی اہلیت کا فیصلہ نہیں کرتا۔

17 جنوری 2013ء

پرامن عوامی دھرنا مارچ تیسرے روز میں داخل

پرامن عوامی دھرنا مارچ تیسرے روز میں داخل

ڈاکٹر طاہرالقادری نے کہا کہ میں جو کچھ کہہ رہا ہوں ایک دینی عالم کے طور پر نہیں بلکہ آئینی و قانونی ماہر کے طور پر کہہ رہا ہوں۔ کیونکہ میں نے پوری زندگی میں پاکستان کا قانون پڑھایا، برطانوی قانون، امریکی قانون اور انٹرنیشنل قانون پڑھایا ہے۔ میں نے امریکا، برطانیہ سمیت دنیا کے کئی ممالک میں آئین و قانون کے ماہر کے طور پر لیکچرز دیئے۔ آج بھی میں خود آئین کا ادنیٰ سا طالب علم سمجھتا ہوں۔ اس ملک میں چند لوگوں کو چھوڑ کر کوئی بڑے سے بڑا بھی آئین و قانون میں میرا سامنا نہیں کرسکتا۔

16 جنوری 2013ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top