سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن ڈسکہ کے زیراہتمام فلڈ ریلیف مہم میں شرکت کرنے والے رضا کاروں کی حوصلہ افزائی کے لیے ایک تقریب منعقد کی گئی۔ تقریب میں منہاج القرآن تحصیل ڈسکہ کے رضا کاروں کو حسن کارکردگی کی اسناد اور تحصیل ڈسکہ کی یونین کونسلز کے فلڈ ریلیف کیمپس کے کوآرڈینیٹرز اور عہدیدران کو یادگاری شیلڈز بھی دی گئیں۔
منہاج ویلفیئر فاؤنڈیشن سیالکوٹ کے زیراہتمام سیلاب زدگان کے لئے منہاج القرآن یوتھ لیگ کی امدادی مہم زور شور سے جاری ہے۔ اس سلسلے میں منہاج القرآن یوتھ لیگ سیالکوٹ نے عید سے پہلے ساڑھے 6 لاکھ روپے مالیت کا سامان سیلاب متاثرین تک پہنچا دیا ہے۔ اس کے لیے امدادی سامان کے 3 ٹرک جمع کیے گئے، جن میں ڈیڑھ لاکھ روپے مالیت کے سامان کا ایک ٹرک مرکزی منہاج ویلفیئر فاونڈیشن کے حوالے کیا گیا۔
شیخ الاسلام ڈاکٹر محمد طاہرالقادری کی ہدایات کی روشنی میں متاثرین سیلاب کی خدمت کے لیے تحریک منہاج القرآن ڈسکہ کے عہدیداران و کارکنان کے وفد نے مظفر گڑھ کے متاثرہ علاقوں کا دورہ کیا۔ وفد کی قیادت تحریک منہاج القرآن ڈسکہ کے صدر محمد اسلم قادری اور منہاج ویلفیئر فاؤنڈیشن کے صدر چوہدری عباس احمد گھمن نے کی جبکہ صفدر علی بٹ، محمد ناصر قادری، راشد رفیق، سجاد احمد، ظہیر احمد، شمس اقبال، ریاض قادری اور اللہ دتہ وفد میں شامل تھے۔
تحریک منہاج القرآن تحصیل ڈسکہ کے عہدیداران نے مظفرگڑھ کے علاقہ چک روڑی میں سیلاب سے متاثرہ لوگوں کیلئے عید کیمپ لگایا جس میں 2 ہزار متاثرہ خاندانوں کو کھانا کھلایا اور بچوں کوکھلونے اور نقد عیدی دی گئی، کیمپ کے مہمان خصوصی نائب ناظم اعلیٰ تحریک منہاج القرآن علامہ رانا محمد ادریس تھے جنہوں نے تحریک منہاج القرآن تحصیل ڈسکہ کی خیمہ بستی میں آئے ہوئے تمام متاثرین کو عیدگفٹ پیکج دیا۔
منہاج فری ڈسپینسری بھروکی تحصیل ڈسکہ کا افتتاح 7 ستمبر 2010ء کو کیا گیا۔ محمد اسلم قادری صدر تحریک منہاج القرآن اور ناظم تحریک منہاج القرآن اللہ رکھا قادری نے فری ڈسپنسری کا افتتاح کیا۔ ڈاکٹر سرور بھنگو اور حاجی محمد سلیم سلہری کوآرڈینیٹر حلقہ درود اور میڈیا ایڈوائزر غلام مصطفیٰ قادری بھی ان کے ساتھ موجود تھے۔
منہاج ویلفیئر فاؤنڈیشن سیالکوٹ کے زیراہتمام سیلاب زدگان کے لئے امدادی مہم زور شور سے جاری ہے۔ اس سلسلے میں منہاج القرآن یوتھ لیگ کہ نوجوان "جھولی پھیلاؤ" مہم کے ذریعے فنڈ جمع کررہے ہیں۔ یہ نوجوان گروپ کی شکل میں سیالکوٹ کی ہر شاہراہ پر ہر دوکاندار کے پاس جا کر سیلاب زدگان کے لئے فنڈ جمع کر رہے ہیں۔
تحریک منہاج القرآن ڈسکہ کے ناظم تربیت علامہ محمد علی قادری کے ہاتھوں یونین کونسل جامکے چیمہ کے رہائشی مسیحی خاندان نے اپنا مذہب چھوڑ کر اسلام قبول کر لیا ہے۔ قبول اسلام کی تقریب میں منہاج القرآن تحصیل ڈسکہ کے صدر محمد اسلم قادری نے نو مسلم خاندان کو نقدی رقم کے تحائف پیش کیے۔
منہاج ویلفیئر فاونڈیشن کے زیراہتمام تحصیل ڈسکہ میں مستحق افراد کو فری رمضان پیکج تقسیم کیا گیا، رمضان پيکج میں 200 گھروں میں راشن دیا گیا۔ جس ميں ہر گھر کو 20 کلو آٹا کا تھیلہ، 5 کلو چینی، 5 کلو گھی، 5 کلو چاول اور ضروريات زندگي کي ديگر اشياء بھي شامل تھيں۔
منہاج القرآن ویمن لیگ کے زیراہتمام سمبٹریال میں سیدہ کائنات کانفرنس 2010ء اور عرفان القرآن کورس کی اختتامی تقریب 15 اگست 2010ء کو منعقد ہوئی۔ میگا تقریب میں مرکز کی جانب سے نائب ناظمہ ویمن لیگ محترمہ ساجدہ صادق نے خصوصی شرکت کی۔ پروگرام میں میں علاقہ بھر سے ہر شعبہء زندگی سے تعلق رکھنے والی خواتین نے بھی شرکت کی۔
منہاج القرآن یوتھ لیگ اور مصطفوی سٹوڈنٹس موومنٹ ڈسکہ کے زیراہتمام جیوے پاکستان موٹر سائیکل ریلی 2010ء یوم آزادی کے موقع پر 14 اگست 2010ء کو منعقد کی گئی۔ موٹر سائیکل ریلی گورئمنٹ ڈگری کالج سے شروع ہوئی جہاں ایک خوبصورت کیمپ لگایا گیا تھا۔ کیمپ میں پاکستان کے سبز ہلالی پرچم کے علاوہ تحریکی پرچم بھی لہرا رہے تھے۔ اس موقع پر فضا قومی ترانوں سے گونج رہی تھی۔
تحریک منہاج القرآن دھدو بسرا تحصیل ڈسکہ کے زیراہتمام منہاج القرآن کرکٹ میلہ منعقد ہوا جس میں پنجاب بھر سے معروف کرکٹرز نے شرکت کی۔ پاکستان ٹیم کی نمائندگی کرنے والے کھلاڑیوں کے علاوہ انگلینڈ میں کاونٹی کرکٹ کھیلنے والے قومی کرکٹرز نے بھی ٹورنامنٹ میں شرکت کی۔ اس ٹورنا منٹ کی سرپرستی صدر تحریک منہاج القرآن ڈسکہ محمد اسلم قادری نے کی۔
تحریک منہاج القرآن فضل کالونی تحصیل ڈسکہ کے زیراہتمام محفل میلاد مصطفےٰ صلی اللہ علیہ وآلہ وسلم کانفرنس مورخہ 8 جولائی 2010ء کو منعقد ہوئی جس میں خصوصی شرکت محمد اسلم قادری صدر تحریک منہاج القرآن تحصیل ڈسکہ اور صفدر علی بٹ ناظم تحریک منہاج القرآن تحصیل ڈسکہ زیرسرپرستی محمد کلام نائب صدر منہاج القرآن یوتھ لیگ نے کی۔
تحریک منہاج القرآن ڈسکہ کے زیراہتمام مصطفوی کارکنان کے لیے تربیتی کنونشن مورخہ 28 مئی 2010 کو منعقد ہوا۔ اس پرگرام میں حاجی عبدالرحمن بھٹی مہمان خصوصی تھے جب کہ پرگرام کی صدارت محمد اسلم قادری صدر تحریک منہاج القرآن ڈسکہ نے کی۔ پروگرام میں منہاج القرآن تحصیل ڈسکہ کی ہر یونین کونسل سے تحریک کے کارکنان نے بھی شرکت کی۔
مورخہ 25 مئی 2010ء بروز منگل Four Star میرج ہال سمبڑیال میں عرفان القرآن کورس کی افتتاحی تقریب منعقد ہوئی۔ جس میں مرکزی نائب ناظمہ محترمہ ساجدہ صادق نے خصوصی شرکت کی۔ عرفان القرآن کورس کی 200 طالبات کے علاوہ علاقے کی مؤثر طبقہ سے تعلق رکھنے والی اکثر خواتین نے تقریب میں شرکت کی۔
منہاج ویلفیئر فاؤنڈیشن دھدو بسرا تحصیل ڈسکہ کے زیراہتمام 23 اپریل 2010ء کو فری میڈیکل کیمپ کا انعقاد کیا گیا۔ جس میں ڈاکٹر محمد عدنان (آفیسر سول ہسپتال ڈسکہ) اور لیڈی ڈاکٹر آسیہ فیصل (گائنا کالوجسٹ) نے مریضوں کا چیک اپ کیا اور میڈیسن مہیا کیں۔ کیمپ میں بچوں سمیت ہر عمر کے مریضوں نے اپنا طبی معائنہ کرایا۔ مردوں اور عورتوں کے معائنہ کے لیے الگ الگ انتظامات کیے گئے تھے۔
4M
فیس بک
2M
ٹوٹر
© 1994 - 2026 Minhaj-ul-Quran International.
