سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل دبئی کے زیراہتمام شہداء ماڈل ٹاؤن کی یاد میں دعائیہ تقریب کا اہتمام کیا گیا۔ دعائیہ تقریب محترم ساجد جاوید کی رہائشگاہ دبئی میں منعقد کی۔
شیخ الاسلام ڈاکٹر محمد طاہرالقادری کی 72 ویں سالگرہ کی مناسبت سے اومان کے دارلحکومت مسقط میں قائد ڈے تقریب کا اہتمام کیا گیا جس میں کیک کاٹ کر انہیں خراج تحسین پیش کیا گیا۔ اس خصوصی دن کی تقریب کے لیے راحت قادری کے گھر جمع ہونے والے لوگوں کو ایک دوسرے کے ساتھ ملنے اور عقیدتوں کی تقویت کا موقع ملا۔
منہاج القرآن انٹرنیشنل دبئی کی ٹیم نے اس سال بھی محرم الحرام کی محافل ’’امام حسین علیہ السلام کا مقام رضا‘‘ کے موضوع پر منعقد کیں۔ اس سلسلہ کی مرکزی محفل دیرہ دبئی میں منعقد کی گئی۔ جس میں خوش الحانوں نے مرصع و منقبت اہل بیت اطہار علیہم السلام پیش کیں جبکہ مناقب امام حسین علیہ السلام اور شان اہل بیت اطہار علیہم السلام پر خطابات کیے گئے۔
شیخ الاسلام ڈاکٹر محمد طاہرالقادری کی 71ویں سالگرہ کے موقع پر منہاج القرآن دبئی ٹیم نے قائد ڈے کی پروقار تقریب ایک خوبصورت مقامی پارک میں انعقاد کیا۔ حافظ مبشر نے تلاوت کلام پاک سے تقریب کا آغاز کیا، آقا کریم صلی اللہ علیہ وآلہ وسلم کی بارگاہِ بے کس پناہ میں ہدیہ عقیدت پیش کرنے کی سعادت عابد حسین مغل نے حاصل کی، علامہ غلام دستگیر منہاجین نقابت کے فرائض انجام دیئے۔ اس موقع پر عبدالقیوم نے پاکستان سے تشریف لائے علامہ وقاص خالد منہاجین اور محمد ناصر کیانی سیکرٹری پی اے ٹی ایبٹ آباد اور دیگر مہمانان گرامی قدر کو شرکت کرنے پر خوش آمدید کہا۔ حسب معمول اس موقع پر سالانہ درود پاک کی رپورٹ پیش کی گئی۔
منہاج سسٹرز دبئی کے زیراہتمام قائد ڈے کی تقریب کا انعقاد کیا گیا، تقریب کا باقاعدہ آغاز تلاوت کلام پاک سے ہوا جس کی سعادت محترمه زینب رفاقت نے حاصل کی۔ حمد بارى تعالی پیش کرنے کی سعادت محترمه خدیجہ رفاقت کو ملی جبکہ آقا کریم صلی اللہ علیہ وآلہ وسلم کی بارگاہِ بے کس پناہ میں ہدیہ عقیدت پیش کرنے کی سعادت محترمه صائقہ کاشف کو ملی۔ محترمه رابعہ قیوم نے نقابت کے فرائض انجام دیئے۔
منہاج القران انٹرنیشنل دبئی کے زیراہتمام تحریک منہاج القرآن کے 40ویں یوم تاسیس کی تقریب منعقد کی گئی۔ کورونا کی مجموعی صورتحال کی وجہ سے احتیاطی تدابیر پر عمل کرتے ہوئے تقریب کو سادگی کے ساتھ منعقد کیا گیا اور تقریب میں رفقاء اور وابستگان کی محدود تعداد شامل ہوئی۔
تحریک منہاج القرآن کی نظامت انٹرفیتھ ریلیشنز کے ڈائریکٹر سہیل احمد رضا نے دبئی میں منعقدہ World Tolerance Summit 2019 میں خصوصی شرکت کی۔دو روزہ کانفرنس 13 اور 4 نومبر 2019ء کو مدینۃ جمریہ کانفرنس اینڈ ایونٹس سنٹر دبئی میں منعقد ہوئی۔ کانفرنس کا انعقاد دبئی کی وزارت ثقافت نے کیا تھا۔ کانفرنس میں سہیل احمد رضا نے منہاج القرآن انٹرنیشنل کی نمائندگی کی۔ کانفرنس میں 105 ممالک سے مندوبین شریک ہوئے جبکہ شہرآفاق اسکالرز اور محقین و مصنفین کی بین المذاہب رواداری پر لکھی گئی کتب کی نمائش بھی ہوئی۔ منہاج القرآن کی طرف سے شیخ الاسلام ڈاکٹر محمد طاہرالقادری کی انگریزی و عربی کتب کی نمائش کی گئی۔
منہاج القرآن انٹرنیشنل شارجہ کے عظیم کارکن حاجی غلام مرتضیٰ 18 جون 2018ء کو انتقال کر گئے، انا للہ و انا الیہ راجعون۔ مرحوم تحریک منہاج القرآن کے وفادر کارکن تھے، جنہوں نے زندگی مشن کی خدمت میں گزاری۔ شیخ الاسلام ڈاکٹر محمد طاہرالقادری نے حاجی غلام مرتضیٰ کی خدمات کو سراہا اور ان کے اہلخانہ سے اظہار تعزیت کرتے ہوئے فاتحہ خوانی بھی کی ہے۔
چیئرمین سپریم کونسل ڈاکٹر حسن محی الدین قادری کی ہدایت پر مرکزی ناظم منہاج القرآن علماء کونسل میر آصف اکبر قادری نے 10 سے 22 ستمبر 2017ء تک متحدہ عرب امارات کا دورہ کیا۔ اس دوران انہوں نے ملکی، علاقائی تنظیمات کی طرف سے فکری اور تربیتی نشستوں اور پروگراموں میں شرکت کی۔ میر آصف اکبر قادری نے پروگراموں، کانفرنسز اور تقاریب میں منہاج القرآن انٹرنیشنل کا پیغام، شیخ الاسلام ڈاکٹر طاہرالقادری کی عالمی قیام امن کے لیے خدمات اور افکار کو لوگوں تک پہنچایا۔
منہاج القرآن انٹرنیشنل دبئی کے زیراہتمام سانحہ ماڈل ٹاؤن کے شہداء کی تیسری برسی کے موقع پر شہداء اور زخمیوں کی یاد میں ایک پروقار تقریب کا اہتمام کیا گیا۔ پہلے مرحلے میں اجتماعی قرآن خوانی کا اہتمام کیا گیا۔ دوسرے مرحلے میں حافظ افتخار منہاس نے تلاوت قرآن حکیم سے پروگرام کا آغاز کیا۔ ظہور حسین نے اپنی خوبصورت آواز میں نعت رسول مقبول ﷺ پڑھنے کی سعادت حاصل کی۔
منہاج القرآن انٹرنیشنل دُبئی کی جانب سے شیح الاسلام ڈاکٹر محمد طاہرالقادری اور پاکستان میں بسنے والے تمام افراد بالخصوص منہاج فیملی کو عیدالفطر مبارک ہو۔ عرب امارات کی پاکستانی کمیونٹی اور تمام دیگر مما لک کے بسنے والے افراد کو منہاج فیملی نہ صرف مبارک دیتی ہے بلکہ عرب امارات کی ہر لمحہ ترقی کی دُعا بھی کرتی ہے۔
سانحہ ماڈل ٹاؤن کی دوسری برسی پر منہاج القرآن انٹرنیشنل شارجہ کے زیراہتمام 17 جون 2016 کو یومِ شہداء کی تقریب کا انعقاد کیا گیا جس میں شہداء کے ایصالِ ثواب کے لیے قرآن خوانی کی گئی اور ان کے ورثاء کے ساتھ یکجہتی کا اظہار کیا گیا۔ تقریب میں منہاج القرآن انٹرنیشنل متحدہ عرب امارات کے صدر خالد محمود صابری، علامہ شکیل ثالث، حفیظ کیانی اور پاکستانی کمیونٹی کے افراد نے بھرپور شرکت کی۔
سانحہ ماڈل ٹاؤن کی دوسری برسی پر منہاج القرآن انٹرنیشنل اور پاکستان عوامی تحریک دبئی کی تنظیمات کے زیراہتمام 17 جون 2016 کو یومِ شہداء کی تقریب کا انعقاد کیا گیا جس میں شہداء کے ایصالِ ثواب کے لیے قرآن خوانی کی گئی اور ان کے ورثاء کے ساتھ یکجہتی کا اظہار کیا گیا۔ تقریب میں منہاج القرآن انٹرنیشنل دبئی کے صدر عبدالقیوم نے اعلامیہ پیش کرتے ہوئے قانون نافذ کرنے والے اداروں سے مطالبہ کیا کہ سانحہ ماڈل ٹاؤن کے ذمہ داروں کو جلد سے جلد کیفرِ کردار تک پہنچایا جائے اور شہداء کے ورثاء کو انصاف دیا جائے۔
بانی و سرپرستِ اعلیٰ شیخ الاسلام ڈاکٹر محمد طاہرالقادری کی 65 ویں سالگرہ کے موقع پر منہاج القرآن انٹرنیشنل متحدہ عرب امارات نے دبئی میں قائد ڈے کی تقریب کا اہتمام کیا۔ تقریب کے مہمانِ خصوصی پاکستان عوامی تحریک اٹلی کے صدر ساجد محمود اور منہاج القرآن انٹرنیشنل کے سینئر ممبر علامہ پیر محمد الیاس قمر تھے۔ تقریب میں خالد محمود صابری، صابر حسین گجر، محمد جمیل بٹ اور غضنفر شاہ سمیت منہاج القرآن انٹرنیشنل یو اے ای کے کارکنان شریک تھے۔
اس موقع پر خراجِ عقیدت پیش کرتے ہوئے خالد محمود صابری کا کہنا تھا کہ سرور انجم اپنی زندگی آخری ایام میں علالت کے باوجود مصطفوی مشن کی خدمت کرتے رہے۔ تحریک منہاج القرآن اور شیخ الاسلام ڈاکٹر محمد طاہرالقادری سے کی محبت و عقیدت قابلِ تقلید ہے۔ ان کی خدمات کو ہمیشہ یاد رکھا جائے گا۔
3.8M
فیس بک
1.9M
ٹوٹر
© 1994 - 2024 Minhaj-ul-Quran International.
