سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
برطانوی مسلمان کمیونٹی اخلاقی اقدار کو پروان چڑھانے میں ذمہ دارانہ کردار ادا کر رہی ہے، انسانیت کا احترام ہی تمام مذاہب کا سبق ہے جس پر عمل پیرا ہو کر معاشرتی خوبصورتی میں اضافہ کیا جا سکتا ہے۔ ان خیالات کا اظہار یورپی ممبر پارلیمنٹ فل بینن نے منہاج القرآن انٹرنیشنل برمنگھم کے زیر اہتمام بین المذاہب سیمینار سے خطاب کر تے ہوئے کیا۔
تحریک منہاج القرآن کی 30ویں سالانہ عالمی میلاد کانفرنس مینار پاکستان کے علاوہ وطن عزیز کے 250 شہروں میں منعقد کی گئی، جس میں لاکھوں خواتین وحضرات نے شرکت کی۔ لندن میں بھی ہزاروں عاشقان رسول صلی اللہ علیہ وآلہ وسلم نے شرکت کر کے آقائے دو جہاں صلی اللہ علیہ وآلہ وسلم سے اپنی عقیدت ومحبت کا اظہار کیا۔ اس موقع پر شیخ الاسلام ڈاکٹر محمد طاہر القادری کا ویڈیو لنک کے ذریعے خطاب سننے کے لیے بڑی سکرین کا انتظام کیا گیا تھا۔
منہاج القرآن انٹرنیشنل آشٹن اور مسلم یوتھ لیگ برطانیہ کے زیراہتمام تین روزہ روحانی تربیتی کیمپ کا اختتام ہو گیا ہے، جس میں سینکڑوں نوجوانوں نے بھرپور شرکت کی۔ کیمپ میں سیاسی، سماجی اور مذہبی شخصیات کے لیکچرز، علمی ورکشاپس اور نعت و ذکر کے ساتھ ساتھ قوالی کا اہتمام بھی کیا گیا تھا۔ عرب امارات کے پروفیسر نثار احمد سلیمانی نے ’’محمد صلی اللہ علیہ وآلہ وسلم رحمۃ اللعالمین اور خواتین کے حقوق‘‘ پر لیکچر دیا
ڈاکٹر طاہر القادری نے مغربی دنیا کو متنبہ کیا ہے کہ دہشت گردی کے خلاف عالمی اتحاد کے نام پر بے گناہوں کو مارنے کا سلسلہ بند ہونا چاہیے جبکہ اسلام کے نام پر اگر کوئی گروپ یا تنظیم دنیا کے کسی بھی حصے میں دہشت گردی یا انتہا پسندی کی ذمہ دار ہے تو ان کا یہ فعل نہ صرف خلاف اسلام ہے بلکہ انسانیت کی تذلیل بھی ہے، ان جرائم کے ذمہ دار پیشہ ور مجرموں کو سزا ملنی چاہیے لیکن ان مجرموں کے غیر اسلامی فعل کی بنیاد پر بے گناہوں پر مظالم کا سلسلہ بند ہونا چاہیے۔
ڈاکٹر محمد طاہر القادری گزشتہ روز برمنگھم میں منہاج القرآن برطانیہ کے زیراہتمام منعقدہ تقریب سے خطاب کر رہے تھے۔ جس سے لارڈ نذیر احمد، پیر سید زاہد حسین شاہ رضوی، علامہ صاحبزادہ احمد نثار بیگ، ڈاکٹر رحیق احمد عباسی، مفتی عبد الرسول منصور، ظہور احمد نیازی، محمد خالد، ڈاکٹر زاہد اقبال، اعجاز چوہدری، حاجی محمد ریاض، علامہ اشفاق عالم قادری، ابو احمد آدم الشیرازی، حافظ عبد القادر نوشاہی، علامہ نیاز احمد صدیقی، صاحبزادہ لخت الحسنین نے بھی خطاب کیا۔
منہاج القرآن انٹر نیشنل کے سربراہ شیخ الاسلام ڈاکٹر محمد طاہر القادری نے کہا ہے کہ علم کی شمع سے دنیا کے اندھیروں کو دور کیا جا سکتا ہے اور کسی بھی ملک کی ترقی و خوشحالی اور استحکام اعلیٰ تعلیم کارکردگی کے بغیر ناممکن ہے۔ بدقسمتی سے پاکستان اس وقت جس مشکل دور سے گزر رہا ہے اس کے ذمہ داری اب تک کی برسراقتدار سیاسی قیادت پر ہے۔ جس نے عوام کو وہ علمی ماحول فراہم نہیں کیا جس میں ہماری نسلیں پروان چڑھ کر اپنے ملک اور قوم کے مستقبل کو روشن بنا سکتیں۔
شیخ الاسلام نے "عالمی تاجدار ختم نبوت کانفرنس" سے خطاب کرتے ہوئے کہا کہ عالمی طاقتیں سوچی سمجھی منصوبہ بندی اور حکمت عملی کے تحت اپنے تربیت یافتہ "القاعدہ اور طالبان" کو استعمال کر کے مسلم ممالک میں ایسی صورتحال پیدا کر رہی ہیں جہاں عالمی مداخلت کے مواقع میسر آسکیں، آئندہ دنوں میں شام میں ہونے والی کارروائیاں بھی اسی منصوبہ بندی کا تسلسل ہیں۔ انہوں نے کہا کہ امت مسلمہ کو باہمی اختلافات بالائے طاق رکھ کر اتحاد اور بھائی چارے کی راہ اپنانا ہو گی ورنہ ایک ایک کر کے اندرونی و بیرونی سازشوں کا شکار ہوتے رہیں گے۔
ڈاکٹر طاہرالقادری نے ’’دی میٹ پریس‘‘ پروگرام میں صحافیوں سے گفتگو کرتے ہوئے کہا کہ شام کے خلاف جنگ بین الاقوامی سازش کا حصہ ہے، امت مسلمہ کے بعض ممالک کی دولت اور اثر و رسوخ اس سازش کی تکمیل میں کردار ادا کر رہے ہیں۔ انہوں نے کہا کہ عراق، مصر اور شام میں کبھی بھی فرقہ وارانہ یا مسلکی اختلافات نہیں رہے اور اس مسئلہ کی بنیاد پر کبھی کھلی تشدد آمیز کارروائیاں نہیں ہوئیں تاہم عالمی طاقتیں سوچی سمجھی منصوبہ بندی اور حکمت عملی کے تحت ان ممالک مین ایسی صورتحال پیدا کر رہی ہیں جہاں عالمی مداخلت کے مواقع میسر آسکیں، آئندہ دنوں میں شام میں ہونے والی کارروائیاں بھی اسی منصوبہ بندی کا تسلسل ہیں۔
مرکزی جماعت اہلسنت برطانیہ کے وفد نے ڈاکٹر طاہرالقادری کو برمنگھم میں اتوار کے روز منعقد ہونے والی کانفرنس میں خصوصی شرکت کے لیے آمد پر خوش آمدید کہتے ہوئے ان کی دین اسلام کے لیے عالمی سطح پر اور عقیدہ اہلت سنت والجماعت کے لیے علمی و تحقیقی خدمات کو خراج تحسین پیش کیا۔
منہاج القرآن انٹرنیشنل Lyne Ashton برطانیہ کے زیراہتمام سیدہ کائنات کانفرنس 3 رمضان المبارک 12 جولائی 2013ء کو مرکزی مسجد Ashton میں منعقد ہوئی جس میں حافظ محمد عبداللہ اعوان، تحریک محمدی کے شیخ وحید احمد دباغ کے علاوہ Ashton میں مقیم تمام مکاتب فکر کے 450 سے زائدمسلمانوں نے بھرپور شرکت کی،
منہاج القرآن انٹرنیشنل Lyne Ashton برطانیہ کے زیراہتمام سیدہ کائنات کانفرنس مورخہ 12 جولائی 2013ء کو مرکزی مسجد Ashton میں منعقد ہوئی۔حافظ محمد عبداللہ اعوان، تحریک محمدی کے شیخ وحید احمد دباغ معزز مہمانوں میں شامل تھے۔اس کے علاوہ Ashton میں مقیم تمام مکاتب فکر کے 450 سے زائدمسلمانوں نے بھرپور شرکت کی۔
برطانوی میڈیا انتہاء پسندانہ سوچ کے لوگوں کی پشت پناہی چھوڑ کر اعتدال پسند دینی طبقے کی حوصلہ افزائی کرے میڈیا کا منفی پراپیگنڈہ برطانوی امن پسند اکثریت کے لیے مشکلات کا باعث بن رہا ہے۔ میڈیا سمیت تمام طبقات کو انتہاء پسند، بدامن اور مجرمانہ دہشت گردی کی سوچ رکھنے والوں کا بائیکاٹ کرنا چاہیے۔ ان خیالات کا اظہار ادارہ منہاج القرآن لندن میں ایسٹ لندن اور نیو اہیم کونسل کی مساجد کے مشترکہ اجلاس میں علمائے کرام نے کیا۔
منہاج القرآن انٹرنیشنل برطانیہ ایڈوائز کونسل کے صدر ڈاکٹر زاہد اقبال نے میڈیا کے نمائندوں سے بات کرتے ہوئے کہا کہ برطانوی فوجی کا قتل ایک غیر اسلامی، غیر انسانی اور بے رحمی پر مبنی ایک جرم ہے جو کہ اسلامی تعلیمات سے تصادم کرتا ہے۔ منہاج القرآن انٹرنیشنل برطانیہ اور تمام مسلمان کمیونٹی کی طرف سے اس بزدلانہ اور سفاکانہ فعل کی شدید الفاظ میں مذمت کرتے ہیں اور ہماری ہمدردیاں مارے جانے والے برطانوی فوجی "لی رگبی" کی فیملی کے ساتھ ہیں۔
یہ شرم سے ڈوب مرنے کا مقام ہے کہ دنیا بھر میں جہاں کرپشن، لاقانونیت اور دہشت گردی کا ذکر ہوتاہے وہاں پاکستانی سیاست دان اور ادارے اس میں ملوث پائے جاتے ہیں۔ لوٹ مار اور مک مکا آخر کب تک جاری رہے گا۔ جس ملک نے دنیا میں اسلام اور مسلمانوں کی قیادت کرنی تھی آج خود دنیا بھر کی سلامتی کے لیے سوالیہ نشان بن گیا ہے۔
ڈاکٹر طاہرالقادری نے کہا کہ 11 مئی کو یہ نظام انہی کرپٹ و خائن لوگوں کو پلٹ کر دوبارہ لا رہا ہے، یہاں نظام تو دور کی بات چہرے بھی نہیں بدلیں گے۔ انہوں نے کہا کہ کرپٹ الیکشن کمیشن نے آئین کی تضحیک کر کے ٹیکس چوروں کو آرٹیکل 62، 63 کی گنگا میں نہلا کر آگے بھیج دیا ہے۔ اب یہ ڈاکو کہیں گے کہ ہم متقی ہو گئے ہیں، الیکشن کمیشن نے ہمیں سرٹیفیکیٹ دے دیا ہے، اس سارے عمل کا ذمہ دار غیر آئینی کرپٹ الیکشن کمیشن ہے۔
3.8M
فیس بک
1.9M
ٹوٹر
© 1994 - 2024 Minhaj-ul-Quran International.
