سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن کے بانی و سرپرست شیخ الاسلام ڈاکٹر محمد طاہرالقادری کی انگریزی اور چینی زبان میں ترجمہ شدہ کتب ”ہانگ کانگ سنٹرل لائبریری“ میں رکھے جانے کا معاہدہ ہواہے۔ معاہدہ پر ”مسٹرلی“ اسسٹنٹ ڈائریکٹر آف لائبریریز، سینئر لائبریری منیجر ڈاکٹر کارن چن اور ڈسٹرکٹ کونسلر وممبر آف ہانگ کانگ پبلک لائبریریز ایڈوائزری کمیٹی ڈاکٹر رضوان اللہ نے دستخط کئے۔
تحریک منہاج القرآن کے بانی و سرپرست شیخ الاسلام ڈاکٹر محمد طاہرالقادری نے ہانگ کانگ میں ایک بہت بڑی سیرت النبی ﷺ کانفرنس کے دوران اتحاد امت و اتحاد بین المسلمین کی فکر کے فروغ کیلئے”ملی مجلس سیرت ہانگ کانگ“ قائم کرنے کا اعلان کرتے ہوئے کہا ہے کہ اسلام کی نشاۃ ثانیہ کیلئے امت تفرقہ بازی کو ختم کر دے۔
جمعہ کے اجتماع سے خطاب کرتے ہوئے پروفیسر ڈاکٹر حسین محی الدین قادری نے کہا کہ یہ دور فتنوں سے بھرپور ہے، عصرِ حاضر کا سب سے بڑا فتنہ نوجوان نسل کو مختلف حیلے بہانوں سے حضور تاجدارِ کائنات ﷺ کی محبت اور تعلیمات سے دور کرنا ہے۔
شیخ حماد مصطفی المدنی القادری کا منہاج القرآن اسلامک سنٹر کھوائی چنگ ہانگ کانگ میں جمعہ کے اجتماع سے خطاب، جمعہ کے اجتماع سے ’’حضور نبی اکرم ﷺ کے اخلاق حسنہ‘‘ کے موضوع پر خطاب کرتے ہوئے شیخ حماد مصطفیٰ المدنی القادری نے کہا کہ حضور نبی اکرم ﷺ کے اخلاق حسنہ میں پیروی کے لیے نہایت خوبصورت اور عمدہ نمونۂ عمل اور نمونۂ حیات موجود ہے۔
منہاج القرآن انٹرنیشنل ہانگ کانگ کے زیر اہتمام ایک روزہ تربیتی نشست (نفلی اعتکاف) کا اہتمام منہاج القرآن اسلامک سنٹر کھوائی چنگ میں کیا گیا۔اس اہم نشست میں عوام الناس بالخصوص نوجوانوں نے خصوصی شرکت کی اور بھرپور دلچسپی کا اظہار کرتے ہوئے ایسی نشستوں کو وقت کی اہم ضرورت قرار دیا۔
منہاج القرآن انٹرنیشنل ہانگ کانگ کے زیراہتمام سالانہ محفل استقبال ربیع الاول مورخہ 24 ستمبر بروز ہفتہ بعد نماز عشاء جامع مسجد کولون میں منعقد ہوئی، جس کا آغاز علامہ اسد صدیق نے تلاوت قرآن کریم سے کیا جبکہ نعت شریف ثقلین ریاض نے پیش کی۔ علامہ حافظ محمد نسیم خان نقشبندی ڈائریکٹر منہاج القرآن ہانگ کانگ نے اپنے خطاب میں کہا کہ ہمارے ایمان کی بقا فقط تعلق و عشق مصطفی صلی اللہ علیہ واٰلہ وسلم میں ہے۔ صحابہ کرام رضی اللہ عنہم کی کامیابی کا راز اسی میں تھا کہ وہ پیارے آقا کریم صل اللہ علیہ واٰلہ وسلم کی محبت، عشق اور ادب میں فنا تھے۔
منہاج القرآن انٹرنیشنل ہانگ کانگ کے زیر اہتمام 13 اگست بروز ہفتہ بعد نماز عشاء منہاج اسلامک سنٹر سن پو کنگ میں محفل شہادت امام حسین علیہ السلام منعقد کی گئی۔ جس میں علامہ حافظ محمد نسیم خان نقشبندی ڈائریکٹر منہاج القرآن ہانگ کانگ نے خطاب کیا۔
ہانگ کانگ میں Christian Faith Hope Love Church کے ایک 20 رکنی وفد نے منہاج اسلامک سنٹر کھوائی چنگ کا دورہ کیا۔ اس موقع پر علامہ حافظ محمد نسیم خان نقشبندی ڈائریکٹر منہاج القرآن ہانگ کانگ، علامہ محمد طیب شمیم اور علامہ قاری محمد عثمان الترازی نے معزز مہمانوں کا استقبال کیا۔ مہمان وفد کے ساتھ تعارفی نشست منعقد ہوئی، جس میں علامہ حافظ محمد نسیم خان نقشبندی نے اسلام کے بنیادی عقائد اور تعلیمات کے بارے میں مفصل گفتگو کی۔
منہاج القرآن انٹرنیشنل ہانگ کانگ کے زیراہتمام منہاج القرآن اسلامک سنٹر کھوائی چنگ میں ایک عظیم الشان عظمت مصطفی صلی اللہ علیہ واٰلہ وسلم کانفرنس منعقد کی گئی۔ جس میں ڈائریکٹر منہاج القرآن ہانگ کانگ حافظ محمد نسیم خان نقشبندی نے خطاب کیا۔ انہوں نے کہا کہ تاجدار کائنات نبی مکرم صلی اللہ علیہ واٰلہ وسلم کی ذات اقدس کو خالق کائنات نے وہ مقام و مرتبہ عطا کیا ہے جو کائنات میں کسی اور نبی کو عطا نہ ہوا۔
منہاج القرآن انٹرنیشنل ہانگ کانگ کے زیر اہتمام 17جون بروز جمعہ بعد نماز عشاء شہدائے ماڈل ٹاؤن کے لئے دعائیہ تقریب منعقد کی گئی۔ جس میں علامہ حافظ محمد نسیم خان نقشبندی ڈائریکٹر منہاج القرآن ہانگ کانگ نے خطاب کرتے ہوئے کہا کہ 17 جون 2014 کو بیگناہ کارکنوں کا خون کیا گیا۔ سانحہ ماڈل ٹاؤن پاکستانی تاریخ کا سب سے بڑا ظلم اور سیاہ ترین باب ہے۔
منہاج القرآن انٹرنیشنل ہانگ کانگ کے زیراہتمام 2 جنوری 2022ء کو بعد نماز ظہر منہاج القرآن اسلامک سنٹر کھوائی چنگ، چھنگ یئی اور سن پوکنگ میں تحریک منہاج کے روحانی سرپرست قدوۃ الاولیاء حضور پیر سیدنا طاہر علاؤالدین القادری الگیلانی البغدادی کی صاحبزادی بی بی جان مرحومہ کے ایصال ثواب کے لیے خصوصی دعائیہ تقریبات کا انعقاد کیا گیا، جن میں منہاج القرآن کے اراکین، طلباء اور عوام الناس نے خصوصی شرکت کی۔ اس موقع پر علامہ حافظ محمد نسیم خان نقشبندی نے حضور پیر سیدنا طاہر علاؤالدین القادری الگیلانی البغدادی کے منہاج القرآن پر روحانی فیوض و برکات پر روشنی ڈالی اور ان کی صاحبزادی کی رحلت پر پورے خاندان سے اظہار تعزیت کیا۔
منہاج القرآن انٹرنیشنل ہانگ کانگ کے زیراہتمام سالانہ محفل استقبال ربیع الاول 2 اکتوبر 2021ء کو کمیونٹی ہال کولون مسجد چمسا چوئی میں چوہدری محمد نجیب کی زیرصدارت منعقد ہوئی، پروگرام میں قونصلر جنرل پاکستان بلال احمد بٹ مہمان خصوصی تھے۔ انہوں نے اظہار خیال کرتے ہوئے کہا کہ نبی کریم صلی اللہ علیہ واٰلہ وسلم کی محبت اور اطاعت ہی مسلمانوں کا سب سے بڑا سرمایہ ہے۔ منہاج القرآن ہانگ کانگ کی پوری تنظیم مبارکباد کی مستحق ہے جس نے استقبال ربیع الاول کی اتنی شاندار محفل منعقد کی۔
ڈاکٹر حسین محی الدین قادری نے کہا کہ ایک طرح کے گناہ وہ ہیں جو ہمیں نظر آتے ہیں اور ایک وہ ہیں جو ہمیں نظر نہیں آتے۔ نظر آنے والے گناہوں کا علاج نظر آنے والی عبادات ہیں اور نظر نہ آنے والے گناہوں کا علاج نظرنہ آنے والی عبادات ہیں۔ نظر آنے والی عبادات میں نماز، روزہ، حج، زکوٰۃ اور صدقہ و خیرات ہیں جبکہ نظرنہ آنے والی عبادات میں آقا صلیٰ اللہ علیہ وآلہ وسلم کی امت کی خدمت، بھوکوں کی بھوک مٹانا، بیواؤں، یتیموں اور بے سہارا لوگوں کا سہارا بننا ہے۔
ہانگ کانگ: پاکستان ایسوسی ایشن آف ہانگ کانگ نے منہاج القرآن انٹرنیشنل کے صدر ڈاکٹر حسین محی الدین قادری کے اعزاز میں 8 جنوری 2016 کو پاکستان ایسوسی ایشن کلب میں پرتکلف عشائیہ کا اہتمام کیا۔ منہاج القرآن انٹرنیشنل کے صدر ڈاکٹر حسین محی الدین قادری نے عشائیہ کے شرکاء سے گفتگو کرتے ہوئے کہا کہ آج نئے فتنے جنم لے رہے ہیں اور برائی نت نئے طریقوں سے ارتقاء پذیر ہے، جس کے خاتمہ کے لیے نئے انداز کو اپنانا ہوگا۔
ڈاکٹر حسین محی الدین قادری نے کولون، ہانگ کانگ میں اجتماع سے خطاب میں انتہا پسندی اور دہشت گردی کی شدید الفاظ میں مذمت کی اور کہا کہ دہشت گردی اور انتہا پسندی ایک عالمی برائی ہے، اسے صرف بندوق کے زور پر ختم نہیں کیا جا سکتا، اس کیلئے نوجوان نسل کی فکری اصلاح اور ہر سطح پر پڑھائے جانیوالے نصاب کی ایک ایک سطر پر نظر ثانی کی ضرورت ہے۔ منہاج القرآن انٹرنیشنل دہشت گردی کے خاتمے اور عالمی امن کے پائیدار قیام کیلئے ہر سطح پر جدوجہد کر رہی ہے۔
3.8M
فیس بک
1.9M
ٹوٹر
© 1994 - 2024 Minhaj-ul-Quran International.
