تحریک منہاج القرآن پاکستان کی اہم خبریں

منہاج القرآن ای لرننگ اسلامی کورسز کی جدید عمارت کا افتتاح

منہاج القرآن ای لرننگ اسلامی کورسز کی جدید عمارت کا افتتاح

تحریک منہاج القرآن کے زیراہتمام بین الاقوامی اسلامک ای لرننگ پروگرام کی نئی بلڈنگ کا افتتاح ہو گیا اور 28 ممالک میں 50 سے زائد سکالرز نے 500 خاندانوں کو دینی تعلیم کی فراہمی کا آغاز کر دیا ہے۔ تحریک منہاج القرآن کے بانی و سرپرست ڈاکٹر محمد طاہرالقادری کے ویژن اور ہدایات کے مطابق دنیا بھر میں مسلم خاندانوں کے بچوں کو آن لائن اسلامی تعلیمات فراہم کرنے کے حوالے سے منہاج ای لرننگ اسلامک تربیتی پروگرامز وضع کیا گیا تھا جس کے تحت اس وقت 28 ممالک میں آن لائن قرآن و حدیث اور دیگر اسلامی علوم کی تعلیم دی جارہی ہے۔

31 مئی 2018ء

شیخ الاسلام ڈاکٹر محمد طاہرالقادری کی ترکی میں مولائے روم کے مزار پر حاضری، 3 جون کو وطن واپس پہنچیں گے

شیخ الاسلام ڈاکٹر محمد طاہرالقادری کی ترکی میں مولائے روم کے مزار پر حاضری، 3 جون کو وطن واپس پہنچیں گے

شیخ الاسلام ڈاکٹر محمد طاہرالقادری کینیڈا سے ترکی پہنچ گئے ہیں۔ ڈاکٹر طاہرالقادری ترکی کے شہر قونیہ میں قیام پذیر ہیں جہاں انہوں نے مولانا روم رحمۃ اللہ علیہ کے مزار پر حاضری دی۔ ڈاکٹر طاہرالقادری 3 جون کی صبح علامہ اقبال انٹرنیشنل ایئرپورٹ لاہور اتریں گے جہاں کارکنان ان کا ایئرپورٹ پر استقبال کریں گے۔ ڈاکٹر طاہرالقادری ایئرپورٹ کے باہر میڈیا سے گفتگو بھی کریں گے۔

29 مئی 2018ء

سیالکوٹ: دروس عرفان القرآن میں علامہ غضنفر حسنین قادری کا خطاب

سیالکوٹ: دروس عرفان القرآن میں علامہ غضنفر حسنین قادری کا خطاب

تحریک منہاج القرآن سیالکوٹ کے زیراہتمام سالانہ 5 روزہ درس عرفان القرآن کی چوتھی نشست میں علامہ غضنفر حسنین تونسوی نے خطاب کیا۔ انہوں نے ’’تسبیح کا حقیقی تصور‘‘ کے موضوع پر گفتگو کرتے ہوئے کہا کہ کائنات میں جو بھی اشیاء اور مخلوقات ہیں سب اللہ کی حمد و تسبیح کرتے ہیں۔ فقط اللہ اللہ کرنے سے اللہ کی تسبیح کا حق ادا نہیں ہوتا بلکہ اللہ کی تسبیح کا حق یہ ہے کہ بندہ مومن معاشرے کی بہتری کے لئے جدوجہد کرے۔

26 مئی 2018ء

لودھراں: اسوہ سیدہ کائنات کی اتباع کے بغیر دین محمدی نا مکمل ہے: علامہ اعجاز ملک

لودھراں: اسوہ سیدہ کائنات کی اتباع کے بغیر دین محمدی نا مکمل ہے: علامہ اعجاز ملک

تحریک منہاج القرآن کے زیر اہتمام سالانہ پانچ روزہ درس عرفان القرآن کی آخری نشست میں علامہ اعجاز ملک نے خطاب کرتے ہوئے کہا کہ اسوہ سیدہ کائنات در حقیقت اسوہ رسول ہے اور اسوہ سیدہ کائنات کی اتباع کے بغیر دین محمدی نا مکمل ہے۔ دین حق کی اقامت اور تحفظ کے لیے ذات سیدہ کائنات رول ماڈل ہے۔ یہ سیدہ فاطمۃ الزھرا کی گود کی تربیت کا نتیجہ تھا کہ اسلام کو کردار حسین و زینب میسر آئے۔ آپ کی سیرت پر عمل کیے بغیر غلبہ دین حق نا مکمل ہے۔ لودھراں میں پانچ روزہ درس قرآن کی اختتامی نشست میں ہزاروں شرکاء موجود تھے۔

27 مئی 2018ء

روزہ نفس کی سرکشی کا سب سے بڑا ذریعہ ہے: علامہ صابر کمال وٹو کا لودھراں میں درس قرآن

روزہ نفس کی سرکشی کا سب سے بڑا ذریعہ ہے: علامہ صابر کمال وٹو کا لودھراں میں درس قرآن

تحریک منہاج القرآن لودھراں کے زیر اہتمام 5 روزہ سالانہ درس عرفان القرآن کی تیسری نشست میں علامہ صابر کمال وٹو نے ’’رمضان اور رجوع الی اللہ‘‘ کے موضوع پر خطاب کیا۔ انہوں نے کہا کہ روزہ ہی نفس کی سرکشی کا سب سے بڑا ذریعہ ہے، رجوع کے بغیر رب کی محبت مکمل نہیں ہو سکتی، اللہ تعالیٰ کی بارگاہ میں کوئی ایک بار رجوع کر کے تو دیکھے اللہ تعالیٰ کی رحمت اتنی وسیع ہے کہ پہاڑ کے برابر کے گناہ بھی معاف فرما دیتا ہے۔ درس قرآن میں لودھراں اور گردونواح سے ہزاروں لوگوں نے شرکت کی۔

25 مئی 2018ء

لودھراں: امت کے زوال کی بنیادی وجہ قرآن اور صاحب قرآن سے دوری ہے: علامہ احسان رضوی کا درس قرآن

لودھراں: امت کے زوال کی بنیادی وجہ قرآن اور صاحب قرآن سے دوری ہے: علامہ احسان رضوی کا درس قرآن

تحریک منہاج القرآن لودھراں کے زیر اہتمام سالانہ 5 روزہ درس عرفان القرآن کی چوتھی نشست میں علامہ احسان رضوی نے خطاب کیا۔ انہوں نے کہا کہ آج ہماری زبوں حالی اور زوال و انحطاط کی بنیادی وجہ قرآن اور صاحب قرآن سے دوری ہے۔ جس قوم کے جوان باہمت اور باشعور ہونگے وہ قوم دنیا کی باہمت اور غالب قوم بنتی ہے۔ درس عرفان القرآن میں لودھراں اور گردونواح سے ہزاروں لوگ شریک تھے۔

26 مئی 2018ء

سیالکوٹ: دروس عرفان القرآن میں علامہ ثناء اللہ ربانی کا خطاب

سیالکوٹ: دروس عرفان القرآن میں علامہ ثناء اللہ ربانی کا خطاب

تحریک منہاج القرآن سیالکوٹ کے زیراہتمام سالانہ 5 روزہ دروس عرفان القرآن کی دوسری نشست 24 مئی 2018ء کو منعقد ہوئی، جس میں علامہ ثناء اللہ ربانی نے خطاب کیا۔ انہوں نے ’’رمضان المبارک اور رجوع الی اللہ‘‘ کے موضوع پر گفتگو کرتے ہوئے کہا کہ رجوع الی اللہ اس وقت نصیب ہوتا ہے جب دل صاف اور من پاک ہو جائے اور بخشش و مغفرت اسی کی قبول ہوتی ہے جو سچے دل سے توبہ کرے۔

24 مئی 2018ء

لودھراں: درس قرآن میں صاحبزادہ ظہیر احمد نقشبندی کا خطاب

لودھراں: درس قرآن میں صاحبزادہ ظہیر احمد نقشبندی کا خطاب

تحریک منہاج القرآن لودھراں کے زیراہتمام سالانہ 5 روزہ درس عرفان القرآن کی دوسری نشست میں صاحبزادہ ظہیر احمد نقشبندی نے خطاب کیا۔ انہوں نے عقیدہ ختم نبوت کے موضوع پر گفتگو کرتے ہوئے کہا کہ حضرت محمد مصطفی صلی اللہ علیہ وآلہ وسلم کو رب العالمین نے ختم النبیین بنا کر بھیجا۔ ختم نبوت کا استحکام ہی استحکام ایمان ہے۔ جس بندے کے عقیدہ ختم نبوت میں تذلزل آگیا اس کا ایمان متزلزل ہو گیا۔

24 مئی 2018ء

سیالکوٹ میں دروس عرفان القرآن کی افتتاحی نشست، علامہ رانا محمد ادریس قادری کا خطاب

سیالکوٹ میں دروس عرفان القرآن کی افتتاحی نشست، علامہ رانا محمد ادریس قادری کا خطاب

تحریک منہاج القرآن سیالکوٹ کے زیراہتمام تاریخ ساز پانچ روزہ دروس عرفان القرآن کا آغاز 23 مئی2018 ء کو ہو گیا، افتتاحی نشست میں نائب ناظم اعلیٰ علامہ رانا محمد ادریس نے خطاب کیا۔ انہوں نے کہا کہ اللہ رب العزت نے تمام انبیاء سے حضورﷺ کے آخری نبی ہونے کا میثاق لیا۔ اسلام کی عمارت عقیدہ ختم نبوتﷺ پر کھڑی ہے۔

23 مئی 2018ء

رمضان المبارک بخشش، سخاوت، بھائی چارے اور غم خواری کا مہینہ ہے: ڈاکٹر حسن محی الدین قادری

رمضان المبارک بخشش، سخاوت، بھائی چارے اور غم خواری کا مہینہ ہے: ڈاکٹر حسن محی الدین قادری

تحریک منہاج القرآن لاہور کے زیراہتمام انسانیت کی خدمت کرنے والی کاروباری شخصیات کے اعزاز میں خصوصی تقریب مرکزی سیکرٹریٹ ماڈل ٹاؤن میں منعقد ہوئی، جس میں چیئرمین سپریم کونسل ڈاکٹر حسن محی الدین قادری نے خصوصی شرکت کی۔ تقریب میں کاروباری مہمان شخصیات کے علاوہ منہاج القرآن لاہور کے قائدین نے بھی شرکت کی۔ ڈاکٹر حسن محی الدین قادری نے خطاب کرتے ہوئے کہا کہ رمضان المبارک بخشش، سخاوت، بھائی چارے اور غم خواری کا مہینہ ہے۔

20 مئی 2018ء

نظامت دعوت کے زیراہتمام ملک گیر دروس عرفان القرآن

نظامت دعوت کے زیراہتمام ملک گیر دروس عرفان القرآن

تحریک منہاج القرآن کی نظامت دعوت کے زیراہتمام رمضان المبارک کے مقدس اور بابرکت مہینے میں لاہور سمیت ملک گیر دروس عرفان القرآن کا سلسلہ جاری ہے۔ نماز فجر کے بعد شروع ہونیوالے دروس قرآن میں مرد و خواتین اور بچوں کی بڑی تعداد شریک ہورہی ہے، مختلف شعبہ ہائے زندگی سے تعلق رکھنے والی اہم شخصیات بھی دروس عرفان القرآن میں شریک ہورہی ہیں، منہاج القرآن علماء کونسل کے سکالرز اپنے خطابات میں اس بات پر زور دے رہے ہیں کہ اس مہینے میں اگر صحیح معنوں میں محنت کر کے اپنے نفس کی تربیت کر لی جائے تو اس کا کوئی اور بدل نہیں ہوسکتا۔

17 مئی 2018ء

اسلامیان پاکستان اور ملت اسلامیہ کو ماہ مقدس کی آمد مبارک: ڈاکٹر طاہرالقادری

اسلامیان پاکستان اور ملت اسلامیہ کو ماہ مقدس کی آمد مبارک: ڈاکٹر طاہرالقادری

شیخ الاسلام ڈاکٹر محمد طاہرالقادری نے ماہ صیام کی آمد پر اپنے پیغام میں کہا ہے کہ اسلامیان پاکستان اور ملت اسلامیہ کو ماہ مقدس کی آمد مبارک ہو، رمضان المبارک ایثار وقربانی، تقوی وطہارت، توبہ واستغفار کا درس دیتا ہے، جس طرح بہار کی آمد سے موسم بدل جاتا ہے اسی طرح رمضان المبارک کی آمد سے ماحول بدل جاتا ہے، مسلم معاشرے پر نظم وضبط کا رنگ چڑھ جاتا ہے، رمضان المبارک کی آمد ہو چکی ہے اور ہمیں یہ طے کرنا ہے کہ رحمت اور برکت کے اس ماہ مبارک میں کس طرح زیادہ سے زیادہ نیکیاں سمیٹ سکتے ہیں۔

16 مئی 2018ء

کالج آف شریعہ میں اسلامی تربیتی کورس کی اختتامی تقریب

کالج آف شریعہ میں اسلامی تربیتی کورس کی اختتامی تقریب

منہاج یونیورسٹی لاہور کے کالج آف شریعہ اینڈ اسلامک سائنسز کے زیراہتمام 21 روزہ اسلامی تربیتی کورس کی اختتامی تقریب 11 مئی کو منعقد ہوئی، جس کی صدارت تحریک منہاج القرآن کی سپریم کونسل کے چیئرمین ڈاکٹر حسن محی الدین قادری نے کی۔ تقریب میں ملک بھر کے مختلف اضلاع سے تعلق رکھنے والے کورس کے طلباء، منہاج القرآن یوتھ لیگ اور ایم ایس ایم کے رہنماؤں نے بھی شرکت کی۔ ڈاکٹر حسن محی الدین قادری نے تقریب سے خطاب کرتے ہوئے کہا کہ نوجوان قرآن و سنت اور اسلامی تاریخ کے مطالعے کو اپنے معمولات زندگی میں داخل کریں

11 مئی 2018ء

منہاج القرآن یوتھ لیگ یورپ کے صدر اویس اعجاز کا مرکزی سیکرٹریٹ لاہور کا دورہ

منہاج القرآن یوتھ لیگ یورپ کے صدر اویس اعجاز کا مرکزی سیکرٹریٹ لاہور کا دورہ

منہاج القرآن یوتھ لیگ یورپ کے صدر اویس اعجاز نے لاہور میں منہاج القرآن انٹرنیشنل کے مرکزی سیکرٹریٹ، منہاج یونیورسٹی لاہور، آغوش کمپلیکس، تحفیظ القرآن انسٹی ٹیوٹ کا دورہ کیا جس میں انہوں نے فرید ملت ریسرچ انسٹیٹوٹ، نظامت امور خارجہ، منہاج ٹی وی، منہاج القرآن یوتھ لیگ، ایم ایس ایم کا دورہ کیا۔

08 مئی 2018ء

’’ادارہ ٹیک اوور کر لو‘‘ ایس پی سلیمان ’’جن نکال دینگے‘‘ رانا ثناء ’’تاخیر نہ کریں آ جائیں‘‘ سعد رفیق

’’ادارہ ٹیک اوور کر لو‘‘ ایس پی سلیمان ’’جن نکال دینگے‘‘ رانا ثناء ’’تاخیر نہ کریں آ جائیں‘‘ سعد رفیق

نواز شریف، شہباز شریف و دیگر کی طلبی کیلئے لاہور ہائیکورٹ کے فل بنچ کے روبرو شہدائے ماڈل ٹاؤن کے ورثاء کی رٹ پٹیشنز پر 25 اپریل کو اہم سماعت ہو گی۔ عوامی تحریک کے وکلاء نے سانحہ ماڈل ٹاؤن کے حوالے سے پولیس افسران کی گفتگو اور دھمکیوں پر مبنی اہم آڈیو، ویڈیو ثبوت لاہور ہائیکورٹ کے فل بنچ کو پیش کرنے کیلئے ریکارڈ میں جمع کروا دئیے۔ ایک ویڈیو ثبوت ڈی آئی جی رانا عبدالجبار، ایس پی طارق عزیز اور ایس پی سلیمان کے حوالے سے ہے جس میں مذکورہ پولیس افسران منہاج القرآن سیکرٹریٹ کے چیف سیکیورٹی آفیسر سید الطاف شاہ گیلانی سے مکالمہ کرتے ہوئے دکھائی دے رہے ہیں جسکی گفتگو صاف سنی جا رہی ہے۔

24 اپریل 2018ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top