تحریک منہاج القرآن پاکستان کی اہم خبریں

کرپٹ نظام انتخاب سے لڑنا ہو گا، 11 مئی کو دھرنا ہو گا۔ شیخ الاسلام ڈاکٹر محمد طاہرالقادری کا عالمی ورکرز کنونشن سے خطاب

کرپٹ نظام انتخاب سے لڑنا ہو گا، 11 مئی کو دھرنا ہو گا۔ شیخ الاسلام ڈاکٹر محمد طاہرالقادری کا عالمی ورکرز کنونشن سے خطاب

ڈاکٹر محمد طاہر القادری نے کہا ہے کہ پاکستان عوامی تحریک کے لاکھوں کارکن اور ساری قوم 11 مئی کو پرامن دھرنے دے کر اس استحصالی نظام انتخاب کو مسترد کریں گے۔ پاکستان کی 65 سالہ تاریخ کا یہ پہلا واقعہ ہوگا جہاں لوگ ووٹ ڈالیں گے وہاں لاکھوں افراد پولنگ سٹیشنوں سے دور رہ کر اور امن و امان برقرار رکھتے ہوئے اس نظام کو یکسر مسترد کرینگے۔ پاکستان کے تمام شہروں میں دھرنے ہونگے۔ دھرنے کے شرکاء کسی کو ووٹ ڈالنے سے نہیں روکے گیں بلکہ صرف اس کرپٹ نظام انتخاب کے خلاف اپنا احتجاج ریکارڈ کرائیں گے اور قوم کو یہ بتائیں گے کہ کرپٹ نظام سے لڑنا ہو گا 11 مئی کو دھرنا ہو گا۔

24 مارچ 2013ء

کرپٹ نظام انتخاب کیخلاف پولنگ کے دن پورے ملک میں تاریخی دھرنے ہونگے، ڈاکٹر طاہرالقادری کا ورکرز سے خطاب

کرپٹ نظام انتخاب کیخلاف پولنگ کے دن پورے ملک میں تاریخی دھرنے ہونگے، ڈاکٹر طاہرالقادری کا ورکرز سے خطاب

ڈاکٹر طاہرالقادری نے کہا کہ پاکستان کی تاریخ میں پہلی بار لوگ پولنگ کے دن پورے ملک میں دھرنے کی صورت میں کرپٹ نظام کے خلاف اپنی آواز بلند کریں گے۔ انہوں نے کہا کہ ہم الیکشن کے بعد حکومت کو کارکردگی دکھانے کا وقت دیں گے تاکہ قوم سمجھ سکے، جس کے بعد ہماری جدوجہد مزید واضح ہوجائے گی۔ مئی کے اختتام تک قوم کو دھوکہ دہی پر مبنی پولنگ کے نتیجے میں بدترین معلق حکومت دیکھنے کو ملے گی۔

24 مارچ 2013ء

پاکستان گذشتہ 65 سالوں سے مسائل کی آگ میں جل رہا ہے مگر اب تو معاملہ آگ سے راکھ تک پہنچ گیا ہے۔ ڈاکٹر محمد طاہر القادری

پاکستان گذشتہ 65 سالوں سے مسائل کی آگ میں جل رہا ہے مگر اب تو معاملہ آگ سے راکھ تک پہنچ گیا ہے۔ ڈاکٹر محمد طاہر القادری

پاکستان عوامی تحریک کے قائد ڈاکٹر محمد طاہر القادری نے یوم پاکستان کے موقع پر اپنے پیغام میں کہا ہے کہ آج ہم تکمیل پاکستان کی جدوجہد سے تحفظ پاکستان تک اس لئے آ گئے ہیں کہ نظریہ پاکستان کی روح کمزور ترین ہو گئی ہے۔ دہشت گردی، انتہا پسندی اور نام نہاد جمہوریت کے لبادے میں نااہل سیاستدانوں کی وجہ سے پچھلے 65 سالوں سے نظریہ پاکستان پر حملے ہو رہے ہیں۔ آج پاکستان کی نظریاتی و جغرافیائی سرحدوں کو خطرات لاحق ہیں۔ چھوٹے صوبوں کا احساس محرومی بڑھ رہا ہے۔ ملک توانائی کے بحران، مہنگائی، دہشت گردی اور بے روزگاری کے مسائل کا شکار ہے۔ قوم میں عدم تحفظ اور مایوسی ہے اسکی وجہ یہ بھی ہے کہ بانی پاکستان قائداعظم محمد علی جناح رحمۃ اللہ علیہ کے بعد آنے والی غیر حقیقی لیڈر شپ نے نظریہ پاکستان سے ا نحراف کیا۔

22 مارچ 2013ء

پاکستان عوامی تحریک غیرآئینی الیکشن کمشن کے تحت انتخابات میں حصہ نہیں لے گی، ڈاکٹر طاہرالقادری کا راولپنڈی میں جلسے سے خطاب

پاکستان عوامی تحریک غیرآئینی الیکشن کمشن کے تحت انتخابات میں حصہ نہیں لے گی، ڈاکٹر طاہرالقادری کا راولپنڈی میں جلسے سے خطاب

ڈاکٹر طاہرالقادری نے غریب دشمن نظام کے خلاف تاریخ ساز جلسہ عام لیاقت باغ راولپنڈی میں شرکاء سے خطاب کرتے ہوئے کہا کہ پاکستان عوامی تحریک غیرآئینی الیکشن کمیشن کے تحت ہونے والے انتخابات میں حصہ نہیں لے گی بلکہ الیکشن کے دن اس ظالمانہ انتخابی نظام کے خلاف ملک بھر میں پرامن دھرنے ہوں گے۔ انہوں نے کہا کہ ایک ایسے الیکشن کمیشن سے آپ جائز اور شفاف انتخابات کی توقع کیسے کر سکتے ہیں جو خود شفاف نہیں، وہ قوم کو شفاف اور غیر جانبدار الیکشن کیسے دے گا۔ الیکشن کمیشن صرف چوروں لٹیروں کو تحفظ دینے کے لیے ہے۔

17 مارچ 2013ء

الیکشن کمیشن عوام کی آنکھوں میں دھول جھونک رہا ہے، نئے نامزدگی فارم نیا چور دروازہ کھولنے کے مترادف ہے : ڈاکٹر محمد طاہرالقادری

الیکشن کمیشن عوام کی آنکھوں میں دھول جھونک رہا ہے، نئے نامزدگی فارم نیا چور دروازہ کھولنے کے مترادف ہے : ڈاکٹر محمد طاہرالقادری

شیخ الاسلام ڈاکٹر محمد طاہرالقادری نے کہا ہے کہ نئے کاغذات نامزدگی میں قرضہ معاف کرانے والوں اور ٹیکس چوروں کو محفوظ راستہ دے کر الیکشن کمیشن عوام کی آنکھوں میں دھول جھونک رہا ہے۔ نئے نامزدگی فارم اصل میں نیا چور دروازہ کھولنے کے مترادف ہے۔ حقیقت میں الیکشن کمیشن سپریم کورٹ کی 8 جون 2012ء کو آنے والی Judgement کی دھجیاں بکھیر رہا ہے، مگر تاثر یہ دیا جا رہا ہے کہ شفاف الیکشن کرانے کے تمام انتظامات کو حتمی شکل دے دی گئی ہے۔ پری پول رگنگ عروج پر ہے اور اس حوالے سے الیکشن کمیشن کے احکامات کو ہوا میں اڑایا جا رہا ہے۔ وہ گذشتہ روز پاکستان عوامی تحریک کی ایگزیکٹو کونسل کے اجلاس میں گفتگو کر رہے تھے۔

14 مارچ 2013ء

الیکشن پرانے نظام کے تحت ہوئے تو پاکستان ٹوٹ سکتا ہے، ڈاکٹر طاہرالقادری کی لاہور ایئرپورٹ پر میڈیا سے گفتگو

الیکشن پرانے نظام کے تحت ہوئے تو پاکستان ٹوٹ سکتا ہے، ڈاکٹر طاہرالقادری کی لاہور ایئرپورٹ پر میڈیا سے گفتگو

لاہور… شیخ الاسلام ڈاکٹر محمد طاہر القادری کینیڈا سے وطن واپس پہنچ گئے ہیں۔ لاہور ایئر پورٹ پر میڈیا سے گفتگو کرتے ہوئے ڈاکٹر طاہر القادری کا کہنا تھا کہ جب تک بدعنوان حکمران موجود ہیں دہشت گردی جاری رہیگی، اگر الیکشن پرانے نظام کے تحت ہوئے تو پاکستان ٹوٹ جائیگا، نظام کی تبدیلی کیلئے بہت بڑی سرجری کی ضرورت ہے۔ انہوں نے کہا کہ 17 مارچ کو لیاقت باغ کے جلسے میں آئندہ کے لائحہ عمل کا اعلان کرونگا، جب تک اصلاحات نہیں کی جاتیں، انتخابات کا کوئی فائدہ نہیں۔ انہوں نے مزید کہا کہ مسیحی برادری کے گھروں کو جلانا درندگی ہے۔

13 مارچ 2013ء

14 دن کی سکروٹنی کو یقینی بنانے کیلئے الیکشن 15 مئی کو کرائے جائیں: ڈاکٹر رحیق عباسی

14 دن کی سکروٹنی کو یقینی بنانے کیلئے الیکشن 15 مئی کو کرائے جائیں: ڈاکٹر رحیق عباسی

پاکستان عوامی تحریک کے مرکزی صدر ڈاکٹر رحیق احمد عباسی نے کہا ہے کہ 14 دن کی سکروٹنی کو یقینی بنانے کیلئے الیکشن 15 مئی کو کرائے جائیں۔ اسمبلی کا اجلاس بلا کر حکومت ROPA ترمیمی بل فوراً پاس کرے اور صدر پاکستان اس پر دستخط کر دیں۔ حکومتی وفد اور وفاقی وزیر قانون فاروق ایچ نائیک پاکستان عوامی تحریک کے مرکزی سیکرٹریٹ میں میڈیا کے سامنے 14دن کی سکروٹنی کا وعدہ کر کے گئے تھے۔ الیکشن کمیشن روزانہ کئی بار موقف تبدیل کرتا رہا جس نے شکوک و شبہات کو جنم دی۔ الیکشن کمیشن آف پاکستان 14دن سے کم سکروٹنی پر ہرگز سمجھوتہ نہ کرے، ورنہ یہ لٹیروں کو کھلی چھٹی دینے کے مترادف ہوگا۔ لانگ مارچ ڈیکلریشن میں طے پانے والی 30 دن کی سکروٹنی اور اس حوالے سے دیگر تمام ضروری کارروائی کیلئے رولز بنانے کا الیکشن کمیشن کو اختیار حاصل ہے۔ ROPA کے آرٹیکل 14 کی کلاز 3 الیکشن کمیشن کو ریٹرنگ آفیسر کو امیدواروں کو ناہل قرار دینے کا مکمل اختیار بھی دیتا ہے۔

12 مارچ 2013ء

سانحہ بادامی باغ میں ملوث شرپسند عناصر کا دین کی اصل روح اور پاکستانیت سے کوئی تعلق نہیں: ڈاکٹر رحیق عباسی

سانحہ بادامی باغ میں ملوث شرپسند عناصر کا دین کی اصل روح اور پاکستانیت سے کوئی تعلق نہیں: ڈاکٹر رحیق عباسی

ڈاکٹر رحیق عباسی نے کہا کہ سانحہ بادامی باغ میں ملوث شرپسند عناصر کا دین کی اصل روح اور پاکستانیت سے کوئی تعلق نہیں۔ ایسے شرپسندوں اور دہشت گردوں کے خلاف دہشت گردی کا مقدمہ درج ہونا چاہیے۔ وفاقی اور پنجاب حکومت کی طرف سے متاثرین کیلئے اعلان شدہ امدادی چیک 16مارچ سے پہلے کیش ہونے چاہیے۔ جلے ہوئے گھروں پر سیاست چمکانا غیر انسانی فعل ہے ہر کسی کو مشکل کی اس گھڑی میں مسیحی بھائیوں کی مدد کرنا چاہیے۔

11 مارچ 2013ء

بادامی باغ سانحہ کے خلاف تحریک منہاج القرآن اور پاکستان عوامی تحریک لاہور کا احتجاجی مظاہرہ

بادامی باغ سانحہ کے خلاف تحریک منہاج القرآن اور پاکستان عوامی تحریک لاہور کا احتجاجی مظاہرہ

تحریک منہاج القرآن اور پاکستان عوامی تحریک لاہور کے زیراہتمام لاہور پریس کلب کے باہر سینکڑوں افراد نے بادامی باغ سانحہ کے خلاف پرزور احتجاج کرتے ہوئے ملک کی مسیحی برادری کے ساتھ اظہار یکجہتی کیا اور غیر انسانی واقعہ کو ملک و قوم کے ماتھے کا بدنما داغ قرار دیتے ہوئے پاکستان کے خلاف گھنائونی سازش قرار دیا۔

10 مارچ 2013ء

ڈاکٹر محمد طاہر القادری کی پشاور میں ہونے والے بم دھماکے کی شدید ترین الفاظ میں مذمت

ڈاکٹر محمد طاہر القادری کی پشاور میں ہونے والے بم دھماکے کی شدید ترین الفاظ میں مذمت

ڈاکٹر محمد طاہر القادری نے پشاورمیں ہونے والے بم دھماکے کی شدید ترین الفاظ میں مذمت کرتے ہوئے کہا کہ دہشت گرد انسانیت کے بدترین دشمن ہیں اور ان کا کوئی مذہب نہیں۔ اسلام میں انتہا پسندی اور دہشت گردی کی کوئی گنجائش نہیں ایسے عناصر انسانیت کے قاتل ہیں۔ انہوں نے کہا کہ بدقسمتی سے ہمارا معاشرہ انتہا پسندی کی آ گ میں جل رہا ہے اور اسکے خاتمے کیلئے کوئی منصوبہ بندی نہیں ہے۔

09 مارچ 2013ء

بادامی باغ سانحہ پاکستان کے خلاف گہری سازش ہے، دہشت گردی اور پاکستان اکٹھے نہیں چل سکتے۔ ڈاکٹر طاہر القادری

بادامی باغ سانحہ پاکستان کے خلاف گہری سازش ہے، دہشت گردی اور پاکستان اکٹھے نہیں چل سکتے۔ ڈاکٹر طاہر القادری

پاکستان عوامی تحریک کے قائد ڈاکٹر محمد طاہر القادری نے بادامی باغ سانحے کوپاکستان کے خلاف گہری سازش قرار دیتے ہوئے اسکی پر زور مذمت کی ہے۔ انہوں نے کہا کہ دہشت گردی اور پاکستان اکٹھے نہیں چل سکتے اب ہمیں یہ فیصلہ کر لینا چاہیے۔ پاکستان کے امن کو سبوتاژ کرنے والے دندناتے پھر رہے ہیں اور مرکزی اور صوبائی حکومتیں پانچ سال پورے کرنے کا جشن منا رہی ہیں۔ انہوں نے کہا کہ یہ غیر انسانی کارروائی قانون نافذ کرنے والے اداروں اور پنجاب حکومت کی کھلی ناکامی ہے۔

09 مارچ 2013ء

لاہور: ڈاکٹر حسین محی الدین قادری سے ریورنڈ رانا یوآب کی ملاقات

لاہور: ڈاکٹر حسین محی الدین قادری سے ریورنڈ رانا یوآب کی ملاقات

آرچ بشپ آف کنٹربری چرچ آف انگلینڈ لیمپتھ پیلس انٹرفیتھ ڈیپارٹمنٹ کے اسسٹنٹ ریورنڈ رانا یوآب خان مرکزی سیکرٹریٹ کے وزٹ پرتشریف لائے۔ اس موقع پر انہوں نے صدر فیڈرل کونسل منہاج القرآن ڈاکٹر حسین محی الدین قادری سے خصوصی ملاقات کی۔ ملاقات میں انٹرفیتھ ریلیشنز منہاج القرآن انٹرنیشنل اور آرچ بشپ آف کنٹربری لیمپتھ پیلس کے انٹرفیتھ ڈیپارٹمنٹ کے مابین Colaboration اور اکیڈمک سطح پر تعلقات کو مزید مستحکم بنانے کا اعادہ کیا گیا۔

02 مارچ 2013ء

وفاقی اور صوبائی حکومتیں دہشت گردی کی روک تھام میں ناکام، دہشت گردی کو صرف بدامنی کہنا بددیانتی ہے : ڈاکٹر رحیق عباسی

وفاقی اور صوبائی حکومتیں دہشت گردی کی روک تھام میں ناکام، دہشت گردی کو صرف بدامنی کہنا بددیانتی ہے : ڈاکٹر رحیق عباسی

پاکستان عوامی تحریک کے مرکزی صدر ڈاکٹر رحیق احمد عباسی نے کہا ہے کہ دہشت گردی کو صرف بدامنی کہنا بددیانتی ہے، پانچ سال صرف اپنے مفادات کے لئے قانون سازی ہوتی رہی،کراچی سانحہ سے ثابت ہو گیا کہ سیاسی جماعتوں کے پاس دہشت گردی سے نبٹنے کا نہ حوصلہ ہے اور نہ ہی کوئی لائحہ عمل ہے۔ انہوں نے کہا پاکستان عوامی تحریک دہشت گردی کی ہر شکل کی مذمت کر تی ہے۔ ڈاکٹر طاہر القادری کی جہدوجہد کی بدولت قوم میں آئین کا شعور پیدا ہوا۔الیکشن کمیشن کے تجویز کردہ فارم کی حمایت کر تے ہیں لیکن وہ دس روز سے صدرمملکت کی منظوری کا منتظر پڑا ہے۔

04 مارچ 2013ء

پریس کانفرنس: ان تمام اقدامات کو سراہیں گے جو الیکشن کے عمل کو شفاف بنانے کیلئے کئے جائیں گے، ڈاکٹر محمد طاہر القادری

پریس کانفرنس: ان تمام اقدامات کو سراہیں گے جو الیکشن کے عمل کو شفاف بنانے کیلئے کئے جائیں گے، ڈاکٹر محمد طاہر القادری

ڈاکٹر محمد طاہر القادری نے کہا ہے کہ الیکشن کمیشن کی طرف سے اٹھائے جانیوالے اقدامات کا بڑی گہرائی سے مشاہدہ کر رہے ہیں اور ان تمام اقدامات کو سراہیں گے جو الیکشن کمیشن کی طرف سے الیکشن کے عمل کو شفاف بنانے کیلئے کئے جائیں گے۔ باوجود اس کے کہ الیکشن کمیشن کی تشکیل پر ہمارے تحفظات موجود ہیں جن کو آج کے دن تک عدالت عالیہ نے دور نہیں کیا۔ الیکشن کمیشن آف پاکستان نے پاکستان عوامی تحریک کے تمام مطالبات ہی کو اپنا کر سپریم کورٹ کی 8 جون کی Judgement اور 30 دن کی سکروٹنی و دیگر امور پر ترمیمی بل بنا کروفاقی حکومت کو بھجوا دیا ہے۔ الیکشن کمیشن اپنے اس اصولی موقف پر ڈٹا رہے ہم تعاون کریں گے اور اگر ضرورت پڑی تو الیکشن کمیشن آف پاکستان کو عوامی طاقت بھی مہیا کریں گے۔

26 فروری 2013ء

عوامی انقلاب مارچ و جلسہ عام ملتان: ڈاکٹر طاہرالقادری کا دس نکاتی قومی ایجنڈے کا اعلان

عوامی انقلاب مارچ و جلسہ عام ملتان: ڈاکٹر طاہرالقادری کا دس نکاتی قومی ایجنڈے کا اعلان

ڈاکٹر طاہرالقادری نے عظیم الشان جلسے سے خطاب کرتے ہوئے کہا کہ محمد علی جناح نے حصول پاکستان کے لیے اپنی جدوجہد شروع کی، جس سے وہ قائد اعظم بنے۔ انہوں نے پاکستان کو ایک ریاست بنایا، لیکن بدقسمتی یہ کہ آج باسٹھ، تریسٹھ سال کے بعد اس ملک میں جاگیرداروں، وڈیروں نے قبضہ کر لیا ہے۔ جس سے یہ ملک کھوکھلا ہو گیا۔ قائد اعظم جب نظریہ پاکستان کی جنگ لڑ رہے تھے تو اس وقت بھی مخالفین انہیں کافر اعظم کہہ رہے تھے۔ قائداعظم کو برطانوی سامراج کا ایجنٹ قرار دیا گیا تھا۔ عظیم بھائیو اور بہنو، آج اس ملک میں قائد اعظم کی جدوجہد جاری ہے، کیونکہ میرا خواب قائداعظم اور علامہ اقبال کےخواب سے مختلف نہیں ہے۔

22 فروری 2013ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top