سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل یوکے اولڈہیم کے زیراہتمام شیخ الاسلام ڈاکٹر محمد طاہرالقادری کی 69 ویں سالگرہ کے سلسلہ میں قائد ڈے تقریب منعقد ہوئی، تقریب میں چیئرمین سپریم کونسل ڈاکٹر حسن محی الدین قادری نے خصوصی شرکت کی۔ اس موقع پر منہاج القرآن برطانیہ کے رہنماء اور کارکنان بھی تقریب میں شریک تھے۔
ڈاکٹر حسن محی الدین قادری ڈنمارک، سویڈن، ناروے، اٹلی، فرانس کے تنظیمی وزٹ مکمل کر کے مانچسٹر پہنچ گئے، ائیرپورٹ پر منہاج القرآن انٹرنیشنل مانچسٹر کے ذمہ داران و کارکنان نے آپ کا استقبال کیا۔ برطانیہ میں آپ مختلف شہروں کی تنظیمات سے ملاقاتیں کریں گے۔
منہاج سسٹرز یوکے کی تنظیم کے زیراہتمام برطانیہ میں تین روزہ ’’التزکیہ کیمپ 2019 ‘‘ کا انعقاد کیا گیا۔ ’’التزکیہ کیمپ 2019‘‘ میں منہاج القرآن انٹرنیشنل ویمن لیگ کی صدر ڈاکٹر غزالہ حسن قادری، ممبر پارلیمنٹ ناز نسیم شاہ، معروف سیاسی سماجی رہنما سمیعہ علی اور مختلف شعبہ ہائے زندگی سے اسکالرز خواتین نے بھی بطور مہمان کیمپ میں شرکت کی۔ اس موقع پر مقررین نے عظیم خواتین و دیگر تعلیمی تربیتی موضوعات پر لیکچرز دئیے۔ تحریک منہاج القرآن کے قائد ڈاکٹر محمد طاہرالقادری نے ’’التزکیہ کیمپ 2019 ‘‘ سے خطاب کرتے ہوئے کہا کہ اسلام مرد اور خواتین دونوں کی یکساں تعلیم و تربیت پر زور دیتا ہے۔
منہاج القرآن انٹرنیشنل یوکے کے زیراہتمام گلاسگو میں مختلف شعبہ جات میں گرانقدر خدمات انجام دینے والی ممتاز پاکستانی شخصیات نے شیخ الاسلام ڈاکٹر محمد طاہرالقادری سے ملاقات کی۔ منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری، صاحبزادہ حماد مصطفیٰ قادری، منہاج القرآن انٹرنیشنل برطانیہ کے قائدین بھی اس موقع پر موجود تھے۔ شیخ الاسلام ڈاکٹر محمد طاہرالقادری نے اس موقع پر گفتگو کرتے ہوئے کہا کہ امت مسلمہ جب قرآن کا سبق’لا تفرقو‘ اچھی طرح یاد کر لے گی تو زوال کمال میں بدل جائے گا۔
برطانیہ میں مقیم منہاج یونیورسٹی لاہور اور کالج آف شریعہ اینڈ اسلامک سائنسز کے فارغ التحصیل منہاجین اسکالرز نے گلاسگو میں شیخ الاسلام ڈاکٹر محمد طاہرالقادری اور چئیرمین سپریم کونسل ڈاکٹر حسن محی الدین قادری سے ملاقات کی۔ تمام منہاجین اسکالرز برطانیہ میں مختلف شعبہ جات میں خدمات سرانجام دے رہے ہیں۔ اس موقع پر شیخ الاسلام ڈاکٹر محمد طاہرالقادری نے اسکالرز سے گفتگو کرتے ہوئے کہا کہ خدمتِ دین توفیق الہی اور اللہ تعالیٰ کی عظیم نعمت ہے۔
شیخ الاسلام ڈاکٹر محمد طاہرالقادری کی معرکۃ الاآراء تالیف قرآنی اِنسائیکلوپیڈیا (انگلش ٹرانسلیشن) کی تقریبِ رونمائی مانچسٹر یوکے میں 4 اگست 2019ء کو منعقد ہوئی، تقریب میں شیخ الاسلام ڈاکٹر محمد طاہرالقادری نے خصوصی خطاب کیا۔ اس موقع پر منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری، منہاج القرآن ویمن لیگ انٹرنیشنل کی صدر ڈاکٹر غزالہ حسن قادری، صاحبزادہ حماد مصطفیٰ القادری، صاحبزادہ احمد مصطفیٰ المدنی بھی اسٹیج پر موجود تھے۔
شیخ الاسلام ڈاکٹر محمد طاہرالقادری کی معرکۃ آراء تالیف قرآنی اِنسائیکلوپیڈیا (انگلش ٹرانسلیشن) کی تقریبِ رونمائی مانچسٹر یوکے میں 4 اگست 2019ء کو منعقد ہوئی، تقریب میں شیخ الاسلام ڈاکٹر محمد طاہرالقادری نے خصوصی خطاب کیا۔ تقریب میں الشیخ ڈاکٹر نور کبانی، پیر سید زاہد حسین شاہ بخاری رضوی، منہاج القرآن ویمن لیگ انٹرنیشنل کی صدر ڈاکٹر غزالہ حسن قادری، معروف برطانوی صحافی Carl Arrindell، پیس ایکٹویسٹ Swami Vishwa Anand، مانچسٹر کے لارڈ مئیر کونسلر عابد لطیف چوہان اور دیگر مقررین نے بھی اظہار خیال کیا۔
منہاج القرآن انٹرنیشنل برطانیہ کے زیراہتمام دو روزہ الہدایہ کیمپ 3 اگست 2019ء کو اختتام پزیر ہو گیا۔ نوجوانوں کی نظریاتی، فکری تربیت اور عصری چیلنجز سے نمٹنے کے حوالے سے منعقدہ الہدایہ کیمپ میں دوسرے روز اختتامی سیشن میں شیخ الاسلام ڈاکٹر محمد طاہرالقادری نے خصوصی خطاب کیا۔ اس موقع پر چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری، صاحبزادہ حماد مصطفیٰ قادری، صاحبزادہ احمد مصطفیٰ المدنی، منہاج القرآن انٹرنیشل برطانیہ کے رہنماء ڈاکٹر رحیق احمد عباسی، ڈاکٹر زاہد اقبال، سید علی عباس بخاری اور دیگر رہنماء بھی موجود تھے۔
شیخ الاسلام ڈاکٹر محمد طاہرالقادری نے مانچسٹر میں نوجوانوں کی نظریاتی، فکری تربیت اور عصری چیلنجز سے نمٹنے کے حوالے سے منعقدہ الہدایہ کیمپ کے دوسرے اور آخری روز یورپ بھر سے آئے ہوئے نوجوانوں سے خطاب کرتے ہوئے کہا کہ علم، عمل اور نیک نیتی یہ ترقی کے راستے ہیں، اگر علم ہے اور عمل نہیں ہے تو اس کا کوئی فائدہ نہیں ہو گا اور اگر علم بھی ہے، عمل بھی ہے اور نیت بھی نیک ہے تو یہ ایک کامیاب زندگی ہے، ہر شخص کو اپنے آپ سے یہ سوال کرنا چاہے کہ اس کی ذات، علم اور تجربے اور توانائی سے دوسروں کو کیا فائدہ پہنچ رہا ہے؟
منہاج القرآن انٹرنیشنل یوکے لندن کے زیراہتمام ڈائریکٹر فنانس منہاج القرآن عدنان جاوید مرحوم کے ایصال ثواب کے لیے دعائیہ تقریب 4 جولائی 2019ء کو منعقد ہوئی، جس میں شیخ الاسلام ڈاکٹر محمد طاہرالقادری نے خصوصی شرکت کی۔ صاحبزادہ حماد مصطفیٰ اور صاحبزادہ احمد مصطفیٰ بھی اس موقع پر موجود تھے۔ شیخ الاسلام ڈاکٹر محمد طاہرالقادری نے عدنان جاوید کی تحریک منہاج القرآن کے لیے خدمات کو گرانقدر قرار دیا۔
منہاج القرآن انٹرنیشنل لندن ساوتھ زون کے زیراہتمام 6 جولائی 2018ء کو ورکرز کی تربیتی نشست کا اہتمام کیا گیا، جس میں شیخ الاسلام ڈاکٹر محمد طاہرالقادری نے خصوصی خطاب کیا۔ تربیتی نشست میں ڈاکٹر حسن محی الدین قادری، صاحبزادہ حماد مصطفیٰ المدنی، ڈاکٹر زاہد اقبال اور منہاج القرآن انٹرنیشنل برطانیہ کے قائدین بھی موجود تھے۔ لندن پہنچنے پر میڈیا سے گفتگو کرتے ہوئے ڈاکٹر طاہرالقادری نے کہا کہ سانحہ ماڈل ٹاون میں حصول انصاف کے لیے شہداء کیساتھ کھڑے ہیں۔
شیخ الاسلام ڈاکٹر محمد طاہرالقادری کے دورہ یوکے میں منہاج القرآن انٹرنیشنل ریڈ فورڈ کے زیراہتمام خصوصی نشست کا اہتمام کیا گیا، جس میں شیخ الاسلام نے خطاب کیا۔ ڈاکٹر حسن محی الدین قادری، صاحبزادہ حماد مصطفیٰ المدنی، ڈاکٹر زاہد اور منہاج القرآن انٹرنیشنل بریڈ فورڈ کے قائدین بھی اس موقع پر موجود تھے۔ شیخ الاسلام نے ’’انسان کی اخلاقی و روحانی ترقی‘‘ کے موضوع پر گفتگو کرتے ہوئے کہا کہ اللہ تعالیٰ حسن اخلاق اور خود پر دوسروں کو ترجیح دینے والوں کو پسند کرتا ہے۔
منہاج القرآن انٹرنیشنل یوکے کے زیراہتمام 30 جون 2018ء کو منہاج ویمن لیگ اور منہاج سسٹرز نارتھ زون تنظیمات کی نشست منعقد ہوئی، جس کی صدارت شیخ الاسلام ڈاکٹر محمد طاہرالقادری نے کی۔ منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری، ڈاکٹر غزالہ حسن قادری، صاحبزادہ حماد مصطفیٰ، منہاج القرآن انٹرنیشنل برطانیہ کے رہنماء سید علی عباس بخاری اور دیگر قائدین بھی اس موقع پر موجود تھے۔ شیخ الاسلام ڈاکٹر محمد طاہرالقادری نے نشست سے خصوصی خطاب کیا۔
تحریک منہاج القرآن کراچی کے بانی رہنما ڈاکٹر خواجہ محمد اشرف مرحوم کے ایصال ثواب کیلئے رحمانیہ مسجد کراچی اور مانچسٹر میں دعائیہ تقریب کا انعقاد کیا گیا۔ جس میں شیخ الاسلام ڈاکٹر محمد طاہرالقادری نے ویڈیو لنک کے ذریعے شرکت کی۔ اس موقع پر شیخ الاسلام نے گفتگو کرتے ہوئے فرمایا کہ ڈاکٹر خواجہ محمد اشرف نے پوری زندگی عشق رسول صلی اللہ علیہ وآلہ وسلم میں وقف کردی۔ وہ کراچی میں تحریک منہاج القرآن کے بانی رفقا میں سے ہیں، 35 سال قبل انہوں نے اپنے گھر میں ہی تحریک کا دفتر قائم کیا اور اس کو ہیڈ کوارٹر بنایا، خواجہ صاحب پورے کراچی اور سندھ میں تحریک کی پہچان بنے۔
منہاج ویلفیئر فاؤنڈیشن کی ٹیم نے بنگلہ دیش بارڈر پر روہنگیا مسلمانوں کی بستی میں متاثرین کے لیے میڈیکل کیمپ کا انعقاد کیا ہے۔ میڈیکل کیمپ 19 اکتوبر 2017ء کو قائم ہوا اور یہ متاثرین کی بحالی تک کام کرتا رہے گا۔ یہ میڈیکل کیمپ منہاج ویلفیئر فاؤنڈیشن کی روہنگیا مسلمانوں کی امداد کے لیے اپیل کے نتیجہ میں جمع ہونے والے ڈونینشنز سے قائم کیا گیا ہے۔ کیمپ میں منہاج ویلفیئر فاؤنڈیشن نے ڈاکٹروں کی خدمات اور مفت دوا فراہم کر رہی ہے۔
3.8M
فیس بک
1.9M
ٹوٹر
© 1994 - 2024 Minhaj-ul-Quran International.
