تحریک منہاج القرآن ڈسکہ کے زیراہتمام محفل میلاد النبی (ص) اور جلوس

تحریک منہاج القرآن ڈسکہ کے زیراہتمام ماہ ربیع الاول کے موقع پر یکم ربیع الاول تا 11 ربیع الاول میلاد النبی صلی اللہ علیہ وآلہ وسلم کی خوشی میں جلوس نکالے گئے۔ جس میں تحصیل ڈسکہ کے ناظم تربیت افضال احمد چیمہ کی زیر نگرانی چلنے والے سکول سر بلند کیپمس ڈسکہ کے طلبہ اور دیگر عشاق مصطفےٰ صلی اللہ علیہ وآلہ وسلم نے شرکت کی۔ جلوس کے دوران تمام شرکاء نے جشن عید میلاد النبی صلی اللہ علیہ وآلہ وسلم کی خوشی میں جھنڈے ، جھنڈیاں، اسم محمد صلی اللہ علیہ وآلہ وسلم، درود پاک، نعلین پاک اور گنبد خضریٰ کے پوسٹرز اور خوبصورت مشعلیں اٹھا رکھی تھیں۔

فروغ عشق رسول صلی اللہ علیہ وآلہ وسلم کے لئے کوشاں تحریک منہاج القرآن ڈسکہ کے زیر اہتمام 12 ربیع الاول کو ایک عظیم الشان محفل میلاد مصطفیٰ صلی اللہ علیہ وآلہ وسلم کا اہتمام کیا گیا جس میں تحصیل بھر سے مرد و خواتین اور بچوں کی بڑی تعداد نے شرکت کی۔ پنڈال کو خوبصورت جھنڈیوں سے سجایا گیا تھا جب کہ حاضرین محفل نے اسم محمد صلی اللہ علیہ وآلہ وسلم، درود پاک، نعلین پاک اور گنبد خضریٰ کے پوسٹرز اٹھا رکھے تھے۔