حکومت عوام دوست بجٹ بنانے میں پھر ناکام ہو گئی ہے : ڈاکٹر محمد طاہرالقادری

افسوس قرض کی آکسیجن سے ملک چلانے کا سلسلہ جاری رکھا جائے گا
پرتعیش حکومتی خرچوں کو ختم کرنے کی کوئی بات بجٹ میں نہیں کی گئی
چیئرمین پاکستان عوامی تحریک کا بجٹ 12 - 2011 پر تبصرہ

چیئرمین پاکستان عوامی تحریک ڈاکٹر محمد طاہرالقادری نے حالیہ بجٹ 12 - 2011 پر تبصرہ کرتے ہوئے کہا ہے کہ حکومت عوام دوست بجٹ بنانے میں پھر ناکام ہو گئی ہے۔ پیش کئے گئے بجٹ میں غریب عوام کو کوئی ریلیف نہیں دیا گیا، اشیائے ضروریہ کی قیمتیں کم ہونا چاہیے تھیں جس پر کوئی توجہ نہیں دی گئی۔

انہوں نے کہا کہ افسوس قرض کی آکسیجن سے ملک چلانے کا سلسلہ جاری رکھا جائے گا۔ بجٹ میں معاشی خود مختاری کی طرف بڑھنے کا بھی کوئی عندیہ نہیں دیا گیا ہے۔ پرتعیش حکومتی خرچوں کو ختم کرنے کی کوئی بات بجٹ میں نہیں کی گئی۔ ڈاکٹر محمد طاہرالقادری نے کہا کہ اگر یہ کہا جائے تو بالکل درست ہو گا کہ حکومت بجٹ 12 - 2011 میں دہشت گردی، غربت، مہنگائی اور بے روزگاری سے ستائے عوام کو ریلیف دینے میں ناکام ہو گئی ہے۔