راجہ جنگ لاہور میں آئیں دین سیکھیں کورس کی افتتاحی تقریب
نظامت دعوت و تربیت تحریک منہاج القرآن کے زیراہتمام راجہ جنگ تحصیل و ضلع قصور میں
6 جولائی 2011 کو آئیں دین سیکھیں کورس کا افتتاح ہوا۔ جس میں مرکزی ناظم شارٹ کورسز
علامہ محمد شریف کمالوی اور مرکزی نائب ناظم شارٹ کورسز محمد شفیق بغدادی
نے شرکت کی۔ اس کورس کا انتظام علامہ امان اللہ فریدی فاضل جامعہ نعیمیہ لاہور
نے کیا۔ راجہ جنگ میں اس سے پہلے بھی دو کورسز آئیں دین سیکھیں کروائے جا چکے ہیں۔
جن کی تدریس علامہ محمد عبدالماجد اور سید وقار حسین گیلانی نے کی۔
محمد شفیق بغدادی نے اپنے لیکچر میں بتایا کہ یہ کورس بنیادی دینی تعلیمات پر مشتمل ہے جس میں نماز قرآنی سورتیں، احادیث مبارکہ اور قرآنی و نبوی دعائیں جنہیں جدید اور سائنٹفک طریقے سے پڑھایا جائے گا۔
علامہ محمد شریف کمالوی نے کہا کہ یہ کورسز شیخ الاسلام ڈاکٹر محمد طاہرالقادری کے حکم پر شروع کئے گئے ہیں۔ انہوں نے بتایا کہ تحریک منہاج القرآن کا مقصد یہ ہے کہ امت مسلمہ کو پھر سے قرآن و حدیث کی تعلیمات سے جوڑ دیا جائے اور قرآن کو آسان طریقہ سے پڑھایا جائے تا کہ لوگ قرآن و حدیث سے محبت کریں۔
تقریب کا اختتام دعائیہ کلمات پر ہوا۔
رپورٹ: سید شاہد حسین کاظمی
تبصرہ