برطانیہ میں مقیم منہاجین اسکالرز کی شیخ الاسلام ڈاکٹر محمد طاہرالقادری سے ملاقات

برطانیہ میں مقیم منہاج یونیورسٹی لاہور اور کالج آف شریعہ اینڈ اسلامک سائنسز کے فارغ التحصیل منہاجین اسکالرز نے گلاسگو میں شیخ الاسلام ڈاکٹر محمد طاہرالقادری اور چئیرمین سپریم کونسل ڈاکٹر حسن محی الدین قادری سے ملاقات کی۔ تمام منہاجین اسکالرز برطانیہ میں مختلف شعبہ جات میں خدمات سرانجام دے رہے ہیں۔

اس موقع پر شیخ الاسلام ڈاکٹر محمد طاہرالقادری نے اسکالرز سے گفتگو کرتے ہوئے کہا کہ خدمتِ دین اور عبادت الہیٰ کو ہلکا نہ جانیں، یہ توفیق اللہ کریم کی عظیم نعمت اور بہت بڑا سرمایہ ہے، خدمتِ دین کی انجام دہی میں اخلاص، محبت اور عجز و انکساری اپنائیں گے تو اللہ کریم کی طرف سے ہمیشہ خیرو برکت اور دنیا و آخرت کی کامیابیاں نصیب ہونگی۔