حیدرآباد: نظامت تربیت کے زیراہتمام ’’ڈپلومہ ان قرآن سٹڈیز‘‘

تحریک منہاج القرآن کی نظامت تربیت کے شعبہ کورسز کے زیرِاہتمام اور منہاج ویمن لیگ حیدرآباد کی کاوشوں سے حیدرآباد پریس کلب میں 10 روزہ ڈپلومہ اِن قرآن سٹڈیز جاری ہے۔ کورس میں علامہ محمود مسعود اور علامہ سرفراز قادری کے لیکچرز ہو رہے ہیں، جو مختلف شیڈول کے مطابق 6 گھنٹے دورانیہ پر مشتمل ہیں۔ منہاج القرآن ویمن لیگ کی مرکزی زونل نگران سندھ محترمہ عائشہ مبشر اور ڈائریکٹر الھدایہ محترمہ صائمہ نور نے خواتین شرکاء کو لیکچرز دیئے۔

کورس کے تیسرے روز بھی طلباء کے علاوہ مختلف شعبہ ہائے زندگی سے اسکالرز اور اہل علاقہ کی بڑی تعداد بھی شریک ہوئی، جن میں خواتین بھی شامل تھی۔

کورس میں علم التجوید مع عملی مشق، عربی گرائمر، ترجمۃ القرآن اور فن خطابت کی تعلیم و تربیت دی جا رہی ہے۔ 10 روزہ کورس 4 اکتوبر تک جاری رہے گا۔