منہاج القرآن ضلع سرگودھا کے زیراہتمام تقریب تقسیم انعامات

تحریک منہاج القرآن ضلع سرگودھا کے زیراہتمام کوہ نور میرج ہال میں خصوصی تقریب منعقد ہوئی، جس میں نائب ناظم اعلیٰ کوارڈینیشن ڈاکٹر محمد رفیق نجم نے خصوصی شرکت کی۔ اس موقع پر ڈاکٹر محمد رفیق نجم نے گفتگو کرتے ہوئے منہاج القرآن سرگودھا کی کارکردگی کو مثالی قرار دیا۔ انہوں نے منہاج القرآن سرگودھا کی اعلیٰ کارکردگی پر کارکنان کو خراج تحسین بھی پیش کیا۔ انہوں نے کہا کہ منہاج القرآن سرگودھا کے زیراہتمام دعوتی پیغام کو انتہائی موثر انداز میں پھیلایا گیا، جس پر کارکن سے لے کر عہدیدار تک سب مبارکباد کے مستحق ہیں۔

تقریب میں تنظیمی امور میں بہترین کارکردگی پر مجموعی طور پر ذمہ داران و کارکنان میں 45 اسناد، 29 شیلڈز اور 130 کتب تقسیم کی گئیں۔