منہاج القرآن پھالیہ کے زیراہتمام رفاقت سازی مہم
شیخ الاسلام ڈاکٹر محمد طاہرالقادری کی سالگرہ کے موقع پر صدر تحریک منہاج القرآن ضلع منڈی بہاؤالدین چوہدری وسیم ہمایوں کی قیادت میں پی پی 65 منڈی بہاؤالدین پی پی 66 پھالیہ کے عہدیداروں اور کارکنان نے یوسی اور یونٹ کی سطح پر دعوتی دورے کیے۔ اس موقع پر انہوں نے لوگوں کو منہاج القرآن کی فکر اور رفاقت سازی بارے بریفنگ دی، جس کے بعد بڑی تعداد نے منہاج القرآن کی رفاقت حاصل کی۔
دریں اثناء تحریک منہاج القرآن پھالیہ نے نئے رفقاء کے اعزاز میں سبحان اللہ میرج ہال میں شاندار تقریب کا انعقاد کیا، جس میں پی پی 66 پھالیہ اور یونین کونسلز میں نمایاں کارکردگی دکھانے والے عہدیداران کو اعزازات سے نوازا۔ آخر میں چوہدری وسیم ہمایوں اور تمام ضلعی و پی پی قائدین کو شاندار پروگرام منعقد کرنے پر مبارکباد پیش کی گئی۔
تبصرہ