منہاج القرآن رحیم یار خان بی کے زیراہتمام تربیتی نشست میں سردار شاکر خان مزاری کی شرکت

منہاج القرآن ضلع رحیم یار خان بی کے زیراہتمام تربیتی نشستوں میں نائب ناظم اعلیٰ تنظیمات سردار شاکر خان مزاری نے خصوصی شرکت کی۔ اس موقع پر انہوں نے شرکاء سے گفتگو کرتے ہوئے کہا کہ آج معاشرہ میں علم و عمل اور تربیت کی اہم ترین ضرورت ہے، جس کے لیے منہاج القرآن نے 25 ہزار مراکز علم قائم کرنے کا فیصلہ کیا ہے۔ منہاج القرآن کے مراکز علم میں ہر طبقہ فکر اور عمر کے لوگ علم حاصل کر سکیں گے۔ انہوں نے کہا کہ شیخ الاسلام ڈاکٹر محمد طاہرالقادری نے ساری زندگی علم میں گزاری اور تحریک منہاج القرآن ان کا یہ پیغام گھر گھر پہنچا رہی ہے۔

ان تربیتی پروگرامز میں تحریک منہاج القران کے قائدین و کارکنان نے بڑی تعداد میں شرکت کی۔