منہاج القرآن کے زیراہتمام شمالی پنجاب میں 50 سے زائد ریلیف کیمپ قائم، متاثرین کیلئے امدادی سرگرمیاں

منہاج القرآن انٹرنیشنل کے نائب ناظم اعلیٰ کوآرڈینیشن انجینئر محمد رفیق نجم نے شمالی پنجاب میں قائم منہاج ویلفیئر فاؤنڈیشن کے ریلیف کیمپس کے نگرانوں سے گفتگو کرتے ہوئے کہا کہ بے گھر ہونے والے سیلاب متاثرین کی مدد اس وقت افضل ترین عمل اور کارِ خیر ہے۔ عطیات جمع کرنا اور پھر مستحقین تک پہنچانا اہم ترین ذمہ داری ہے۔ اس ذمہ داری کو تمام مصروفیات پر ترجیح دی جائے۔ انجینئر محمد رفیق نے بتایا کہ شمالی پنجاب میں 50 مقامات پر ریلیف کیمپ کام کررہے ہیں۔ عہدیداران اور مخیر حضرات منہاج القرآن کے تحت قائم ریلیف کیمپس میں زیادہ سے زیادہ عطیات جمع کروائیں۔

انجینئر محمد رفیق نجم نے مرکزی سیکرٹری اطلاعات نوراللہ صدیقی سے گفتگو کرتے ہوئے کہا کہ الحمدللہ سیلاب متاثرین کی مدد کیلئے اٹک، چکوال، راولپنڈی، سرگودھا، خوشاب، میانوالی، فتح جنگ، چک بھون، میر پور آزاد کشمیر، حسن ابدال، نوشہرہ، جہلم، عیسیٰ خیل، کلور کوٹ میں ریلیف کیمپ کام کررہے ہیں۔

انجینئر رفیق نجم نے مزید بتایا کہ تنظیمات کی طرف سے اشیائے خورونوش کے ٹرک متاثرہ اضلاع میں بھجوانے کا سلسلہ شروع ہے۔ منہاج القرآن کا ملک بھر میں ایک فعال تنظیمی نیٹ ورک قائم ہے۔ ہم اپنے عہدیداروں کی معلومات کی روشنی میں منہاج ویلفیئر فاؤنڈیشن سے مل کر ریلیف آپریشن جاری رکھے ہوئے ہیں۔

کلر سیداں، واہ کینٹ، تلہ گنگ، کامرہ، فتح جنگ اور روکھڑی میں امدادی کیمپ

جھنگ

گوجر خان

اسلام گڑھ آزاد کشمیر

تونسہ میں منہاج ویلفیئر فاونڈیشن کے رضاکاران نے متاثرین میں کھانا تقسیم کیا

راجن پور: موضع آسنی، محمد پور اور گم والا میں متاثرین کو کھانا دیا گیا