ڈاکٹر حسین محی الدین قادری کی کالج آف شریعہ اینڈ اسلامک سائنسز کے طلباء سے گفتگو
ڈپٹی چیئرمین بورڈ آف گورنرز منہاج یونیورسٹی لاہور اور منہاج القرآن انٹرنیشنل کے صدر پروفیسر ڈاکٹر حسین محی الدین قادری نے کالج آف شریعہ اینڈ اسلامک سائنسز کے طلباء سے گفتگو کرتے ہوئے کہا کہ طلباء کُتب بینی اور مطالعہ کی عادت اپنائیں۔ جب بھی مطالعہ کرنے بیٹھیں تو آپ کی نیت ہمیشہ کچھ نیا پڑھنے اور نیا سیکھنے کی ہونی چاہیئے۔ آپ کا مقصدِ وحید علم سیکھ کر دین کی خدمت ہونا چاہیے۔ بطور دین کے طالب علم اور داعی یہ آپ پر فرض ہے کہ علم حاصل کرکے اسے اگلی نسلوں تک منتقل کریں۔
حضور شیخ الاسلام ڈاکٹر محمد طاہرالقادری دامت برکاتہم العالیہ نے یہ ادارہ خدمتِ دین کے لیے بنایا ہے اور وہ پوری دنیا میں خدمتِ دین کا فریضہ سرانجام دے رہے ہیں۔ آپ نے ان کا دست و بازو بن کر یہ دعوت دین گھر گھر پہنچانی ہے۔
اس موقع پر پرنسپل کالج آف شریعہ اینڈ اسلامک سائنسز ڈاکٹر ممتاز الحسن باروی، نائب ناظم اعلیٰ کوارڈینیشن انجینئر محمد رفیق نجم اور کالج کے اساتذہ بھی موجود تھے۔
تبصرہ