ماہِ ربیع الاول میں تحریک منہاج القرآن سندھ کے زیرِاہتمام میلاد کانفرنسز کا انعقاد
ماہِ ربیع الاول میں تحریک منہاج القرآن سندھ کے زیرِاہتمام میلاد کانفرنسز کا انعقاد کیا گیا۔ محافلِ میلاد میں قائد تحریک منہاج القرآن شیخ الاسلام ڈاکٹر محمد طاہرالقادری، صدر منہاج القرآن انٹرنیشنل پروفیسر ڈاکٹر حسین محی الدین قادری، نائب ناظم اعلیٰ سندھ مظہر محمود علوی سمیت مختلف علماء و مشائخ نے خطاب کیا۔
تحریک منہاج القرآن کی پہچان اور انفرادیت محبت و عشقِ مصطفیٰ ﷺ سے عبارت ہے۔ یہی وجہ ہے کہ تحریک کے پلیٹ فارم سے جشنِ میلاد مصطفیٰ ﷺ کا اہتمام نہایت عقیدت و احترام سے کیا جاتا ہے۔ قائد تحریک شیخ الاسلام ڈاکٹر محمد طاہرالقادری مد ظلہ العالی نے میلاد النبی ﷺ کو منانا پوری دنیا میں ایک تحریک کے طور پر برپا کردیا ہے۔ قائد تحریک کے اس وژن پر عمل پیرا ہوتے ہوئے حال ہی میں تحریک منہاج القرآن سندھ کے نائب ناظم اعلیٰ کے طور پر نامزد ہونے والے مظہر محمود علوی نے سندھ کی ایگزیکٹو کی مشاورت سے پورے صوبے میں عظیم الشان میلاد کانفرنسز منعقد کرنے کا فیصلہ کیا۔ جس میں مقامی تنظیمات نے بھرپور کردار ادا کیا۔ ان پروگراموں میں درگاہ فیض ہاشمی کریم آباد، شہدادکوٹ، ماتلی، میر پور بٹھورو، ڈگری، حیدر آباد، شہداد پور، قاضی احمد، نواب شاہ، کریم آباد، مورو، دادو، لاڑکانہ، شہدادکوٹ، سیہون شریف، سلطان کوٹ، خانپور اور ڈھرکی میں پروگرام کا انعقاد کیا گیا۔
میلاد کانفرنسز کے شاندار انعقاد پر قائد تحریک منہاج القرآن حضور شیخ الاسلام دامت برکاتہم العالیہ، چیئرمین سپریم کونسل ڈاکٹر حسن محی الدین قادری، صدر منہاج القرآن انٹرنیشنل ڈاکٹر حسین محی الدین قادری اور ناظم اعلیٰ خرم نواز گنڈاپور نے نائب ناظم اعلیٰ صوبہ سندھ مظہر محمود علوی اور ان کی پوری ٹیم کو مبارکباد دی۔
تبصرہ