منہاج القرآن انٹرنیشنل کے مرکزی سیکرٹریٹ پر منہاج ویلفیئر فاؤنڈیشن ضیافت میلاد کا انعقاد
ماہِ ربیع الاول کی آمد اور عید میلاد النبی ﷺ کی خوشی میں منہاج القرآن انٹرنیشنل کے مرکزی سیکرٹریٹ ماڈل ٹاؤن لاہور میں حضور شیخ الاسلام ڈاکٹر محمد طاہر القادری دامت برکاتہم العالیہ کی ہدایت پر یکم سے 11 ربیع الاول تک ضیافتِ میلاد اور محافلِ میلاد مصطفیٰ ﷺ کا سلسلہ جاری ہے۔
ضیافت میلاد کی محفل منہاج ویلفیئر فاؤنڈیشن کے زیرِ اہتمام منعقد ہوئی۔ محفل میں آقا کریم ﷺ کی بارگاہِ عالیہ میں گلہائے عقیدت پیش کیا گیا۔
محفل میں انجینئر ثناء اللہ خان نے خطاب کیا، خرم شہزاد براداران اور منصور قاسم اعوان سمیت ثناخوان مصطفیٰ نے گلہائے عقیدت پیش کیا جب کہ معظم مصطفوی نے نقابت کے فرائض سرانجام دئے۔
تقریب میں راجہ زاہد محمود، کنٹری ڈائریکٹر برگیڈیئر(ر) عمر حیات، معروف ٹی وی اینکر سید محسن گیلانی، نائب ناظم اعلیٰ انجینئر محمد رفیق نجم، شکیل طاہر، اقبال مصطفوی، سردار عمر دراز خان، رانا وحید شہزاد، طیب ضیاء، عائشہ مبشر، رافعہ عروج ملک سمیت تحریک منہاج القران کے جملہ فورمز کے مرکزی قائدین و کارکنان اور گوشۂ درود کے گوشہ نشینان نے شرکت کی۔ تقریب کے اختتام پر غلام مرتضیٰ علوی نے خصوصی دعا کروائی۔ بعد ازاں شرکاء کی تواضع ضیافت میلاد سے کی گئی۔
تبصرہ