ڈاکٹر حسن محی الدین قادری کی سنٹرل ایگزیکٹو کونسل کے اجلاس میں شرکت

چئیرمین سپریم کونسل ڈاکٹر حسن محی الدین قادری نے سنٹرل ایگزیکٹو کونسل کے اجلاس میں 40 ویں عالمی میلاد کانفرنس کے مثالی انتظامات اور کامیاب انعقاد پر ناظم اعلیٰ، نائب ناظمین اعلیٰ، ڈائریکٹر شعبہ جات، انتظامی کمیٹیوں کے سربراہان و ممبران، فورمز کے صدور، پاکستان عوامی تحریک اور جملہ منتظمین کو مبارک باد دی اور کہا کہ یہ ساری کامیابیاں عطائے فیض اور یہ سارے کمال کسی کی نظر کا فیض ہے، بس سرجھکا کر اللہ کا شکر ادا کرتے رہیں اور توفیقات میں اضافہ کی دعا کرتے رہیں، کبھی نہ کہیں کہ یہ سب میری محنت کا نتیجہ ہے اس "میں" کو اندر سے نکال دیں کیونکہ جب فیض ملتا رہتا ہے تو کسی کو پتہ نہیں ہوتا اور جب یہ فیض چھن جاتا ہے تو پھر سارے جہان کو پتہ چلتا ہے لہذا جھکے رہیں، عاجزی و انکساری کا دامن تھامیں رکھیں، یہ تحریک اگر بڑھ رہی ہے، پھیل رہی ہے تو یہ کسی کی نظر، کسی کا کرم اور کسی کا فیض ہے۔