سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
نیشنل مینجمنٹ کالج میں سینئر مینجمنٹ کورس کے ایک وفد نے ڈاکٹر سید حیدر علی ( ڈائریکٹر سٹاف) کی قیادت میں تحریک منہاج القرآن کی فیڈرل کونسل کے صدر حسین محی الدین القادری سے ملاقات کی اور مرکزی سیکرٹریٹ کے مختلف شعبہ جات کا وزٹ کیا۔ نائب امیر تحریک منہاج القرآن بریگیڈیئر (ر) اقبال احمد خان نے انہیں تفصیلی بریفنگ دی جبکہ اس موقع پرتحریک منہاج القرآن کے سینئر نائب ناظم اعلیٰ شیخ زاہد فیاض بھی موجود تھے۔
شیخ الاسلام ڈاکٹر محمد طاہرالقادری نے کانفرنس کے شرکاء سے خطاب کرتے ہوئے کہا کہ معجزہ معراج النبی صلی اللہ علیہ وآلہ وسلم کا وقوع پذیر ہونا تاریخ ارتقائے نسل انسانی کا ایک ایسا درخشندہ باب ہے جس کا ایک ایک حرف عظمت و رفعت کی ہزارہا داستانوں کا امین اور عروج آدم خاکی کے ان گنت پہلوؤں کا مظہر ہے۔
منہاج القرآن علماء کونسل کے زیراہتمام بسلسلہ جشن ولادت سیدنا علی المرتضیٰ کرم اللہ وجہہ الکریم کانفرنس کا انعقاد کیا گیا۔ یہ کانفرنس مورخہ 4 جون 2012ء کو منہاج القرآن انٹرنیشنل کے سیکرٹریٹ پر منعقد ہوئی۔ جس کی صدارت امیر تحریک منہاج القرآن صاحبزادہ مسکین فیض الرحمن درانی نے کی۔
تحریک منہاج القرآن تحصیل پتوکی کے زیراہتمام 10 جون بروز اتوار 44 واں ماہانہ درس عرفان القرآن کمیٹی گراؤنڈ پتوکی میں بعد از نماز فجر منعقد ہوا۔ پروگرام کا باقاعدہ تلاوت قرآن حکیم سے ہوا، جس کے بعد حضور نبی اکرم صلی اللہ علیہ وآلہ وسلم کی بارگاہ میں ہدیۂ عقیدت پیش کیا گیا۔ پروگرام میں تحریک منہاج القرآن کے تمام فورمز اور اراکین نے بھرپور شرکت کی۔
منہاج القرآن یوتھ لیگ کی مرکزی یوتھ کیبنٹ نے رفیق صدیقی کو مرکزی سیکرٹری جنرل اور مدثر فاروق کو نائب صدر منتخب کر لیا۔ سینئر نائب ناظم اعلی تحریک منہاج القرآن شیخ زاہد فیاض، امیر پنجاب احمد نواز انجم، ناظم تنظیمات ساجد محمود بھٹی اور مرکزی صدر MYL بابر چوہدری نے انہیں منتخب ہونے پر مبارکباد دی۔
حکومت پاکستان نے منہاج القرآن انٹرنیشنل کی قومی اور بین الاقوامی سطح پر مذاہب عالم کے مابین رواداری کے فروغ اور قیام امن کیلئے کی جانیوالی عملی کاوشوں کے اعتراف میں منہاج القرآن انٹرنیشنل کے ڈائریکٹر انٹر فیتھ ریلیشنز سہیل احمد رضا کو وفاقی وزارت بین المذاہب رواداری و قومی ہم آہنگی کی مشاورتی کونسل کا ممبر اور متروکہ وقف املاک (غیر مسلم اوقاف) حکومت پاکستان کا ممبر بورڈ نامزد کیا ہے۔
تحریک منہاج القرآن کے زیراہتمام گوشہ درود کی ماہانہ مجلس ختم الصلوۃ علی النبی صلی اللہ علیہ وآلہ وسلم کا روحانی اجتماع 07 جون 2012ء کو مرکزی سیکرٹریٹ میں صفہ ہال میں منعقد ہوا۔ اس روحانی اجتماع میں قائمقام ناظم اعلی تحریک منہاج القرآن انٹرنیشنل شیخ زاہد فیاض نے خصوصی شرکت کی
نظامت تربیت تحریک منہاج القرآن کے زیراہتمام 5 جون 2012ء کو واہگہ ٹاؤن میں آئیں دین سیکھیں کورس کا آغاز ہوا، جس کی افتتاحی تقریب نور پور گاؤں میں منعقد ہوئی۔ تقریب میں مرکزی ناظم عرفان القرآن کورسز علامہ محمد شریف کمالوی، مرکزی نائب ناظم دعوت وتربیت علامہ افضال احمد قادری نے خصوصی شرکت کی
16 تا 17 مئی 2012ء کو کالج آف شریعہ اینڈ اسلامک سائنسز، منہا ج یونیورسٹی لاہور کے طلباء کیلئے علم کے ساتھ ساتھ تربیت اور روحانیت کے حوالے سے دوروزہ ’’روحانی و تربیتی اعتکاف‘‘ کا اہتمام کیا گیا، جس میں بی ایس Iسے ایم اے کلاس تک کے طلبہ کو مدعو کیا گیا تھا، علاوہ ازیں پورے اعتکاف میں تمام اساتذہ کرام نے بھی بھرپور شرکت کی۔
ناظم اعلیٰ ڈاکٹر رحیق احمد عباسی نے یوم تاسیس کی تقریب سے خطاب کرتے ہوئے کہا کہ اس وقت پاکستانی قوم کو نام نہاد جمہوریت کے جال میں پھنسا دیا گیا ہے۔ یہ سرمایہ دارانہ جمہوریت اور تجارتی سیاست ہے جس کا رواج اس وقت پاکستان میں عروج پر ہے، اسے جمہوریت کہنا اس کی توہین ہے۔ انہوں نے کہا کہ موجودہ نظام، جمہوریت نہیں نظام مجبوریت ہے۔ قوم حقیقی تبدیلی چاہتی ہے تو موجودہ نظام انتخاب کے خلاف بغاوت کر کے سڑکوں پر نکل آئے۔
ناظم اعلیٰ ڈاکٹر رحیق احمد عباسی نے ٹیک کلب میں ہونے والی فکری نشست کے شرکاء سے خطاب کرتے ہوئے کہا کہ پاکستان میں بے پناہ ٹیلنٹ ہے مگر موجودہ انتخابی نظام صرف انہیں آگے آنے کا موقع فراہم کرتا ہے جو 6 دھائیوں سے ملک کو لوٹ رہے ہیں۔ فوج ایک ذمہ دار اور محب وطن ادارہ ہے اور پاکستان کے دفاع کا ضامن ہے مگر ملک کے دیگر طبقات بھی جنرلز کی طرح محب وطن اور ملکی مفادات کو عزیز رکھنے والے ہیں۔ موجودہ مسائل کا حل تین سال کیلئے غیر سیاسی حکومت کا قیام ہے جو ملک کو نیا سوشل آرڈر، نیا سیاسی نظام دے تاکہ ملک میں حقیقی جمہوریت کا قیام ممکن ہو سکے۔
نظامت تربیت تحریک منہاج القرآن کے زیراہتمام مورخہ 27 مئی 2012 کو مرکزی سیکرٹریٹ میں ایک روزہ معلمین ومعلمات ٹریننگ کیمپ آئیں حدیث سیکھیں کورس منعقد ہوا، جس میں 256 معلمین ومعلمات شریک ہوئے۔ کیمپ کا دورانیہ 9am تا 5pm تھا جس میں شرکاء کو مختلف سرگرمیوں سے آگاہ کیا گیا
منہاج ویلفیئر فاؤنڈیشن لاہور کے زیراہتمام ایمبیسیڈر ہوٹل میں ایمبولینس سروس کی افتتاحی تقریب 24 مئی 2012 کو منعقد ہوئی۔ جس میں چیئرمین متروکہ وقف املاک بورڈ آصف ہاشمی اور تحریک منہاج القرآن کے ناظم اعلیٰ ڈاکٹر رحیق احمد عباسی مہمان خصوصی تھے۔
تحریک منہاج القرآن کی مرکزی مجلس شوریٰ کا اجلاس مورخہ 20 مئی 2012ء کو مرکزی سیکرٹریٹ منہاج القرآن لاہور کے صفہ ہال میں انعقاد کیا گیا جس میں مرکزی قائدین کے علاوہ تحریک منہاج القرآن کے کارکنان نے پاکستان بھر سے شرکت کی۔ اس موقع پر کارکنان سے خطاب کرتے ہوئے شیخ الاسلام ڈاکٹر محمد طاہرالقادری نے کہا ہے کہ موجودہ نظام کے تحت جلد یا بروقت ہونے والے الیکشن ملک و قوم کے ساتھ مذاق ہوگا۔
شیخ الا سلام ڈاکٹر محمد طاہر القادری نے کہا ہے کہ اسلام نے خونی رشتوں کے احترام بارے جو تعلیمات دی ہیں ان کی اہمیت سے دنیا کا کوئی معاشرہ انکار نہیں کر سکتا۔ والدین کے ساتھ حسن سلوک اور ان کے حقوق کی ادائیگی کے لئے قرآن حکیم اور احادیث نبوی صلی اللہ علیہ وآلہ وسلم میں واضح احکامات ہیں۔ ماں کے حقوق کی ادائیگی کو اسلام نے خصوصی اہمیت دی ہے اور بندے کے لئے اللہ کی محبت کو سمجھانے کے لئے بھی اس نے ماں کی محبت کی مثال دی ہے کہ وہ ماں سے ستر گنا زیادہ پیار کرتا ہے۔
4M
فیس بک
2M
ٹوٹر
© 1994 - 2025 Minhaj-ul-Quran International.
