سعیدہ وارثی کو برطانوی کابینہ میں شمولیت اور چیئرپرسن منتحب ہونے پر مبارکباد

برطانیہ میں 70 سال بعد کنز رویٹو اور لبرل ڈیمو کریٹس کے اتحاد سے مخلوط حکومت کا قیام عمل میں آنے کے بعد گوجر خاں سے تعلق رکھنے والی پاکستانی نژاد سعیدہ وارثی کے کابینہ میں شامل ہونے اور حکمران پارٹی کی چیئرپرسن مقرر ہونے پر تحریک منہاج القرآن برطانیہ کی تمام تنظیمات اور ڈائریکٹرامور خارجہ راجہ جمیل اجمل نے انہیں مبارکباد دی ہے۔ انہوں نے امید ظاہر کی ہے کہ سعیدہ وارثی پاکستانیوں کے مسائل سے پوری طرح آگاہ ہونے کے باعث ان کے حل کے لیے اقدامات کریں گی۔ انہوں نے کہا کہ آج مسلمانوں کو بہت سے چیلنجز و مشکلات کا سامنا ہے سعیدہ وارثی کو پاکستانیوں کے خلاف موجود بے جا خدشات زائل کرنے میں اہم کردارادا کرنا ہوگا۔ راجہ جمیل نے کہا کہ قوی امید ہے کہ سعیدہ وارثی برطانیہ میں رہنے والے تارکین وطن مسلمانوں کے حقوق کیلئے اپنی صلاحیتیں بروئے کار لائینگی۔ انہوں نے کہا کہ پاکستانی قوم توقع کرتی ہے کہ سعیدہ وارثی پاکستان اور برطانیہ کے دو طرفہ تعلقات کے فروغ میں مثبت کردار ادا کریں۔